Ijeremaya 51:62 - IWE ỌNỊNỊ

⁶² Ọ̀ọ sị ọ ka, dị ọ̀ mẹ̀ aduwa ka, Ẹnẹyịmavara, waa sị ọ ka ka, u vee vu ịzẹnị ẹtẹ, dị ẹ́ yị ma vana nyị ịsị aa tụ ụhwẹ ana ra ịnị anị ọ̀ọ vị ọza, ọ̀ọ vị ịsụpa. Ụ ka vị́ ọ vanaa sịị mẹẹ anka ịzị ọza ẹ yị ma raa avọọ pooro nị.

Ijeremaya 51:62 ပူးပေါင်းရင်းမြစ်များ

Ijeremaya 25:12

Ọ̀vavẹ ịrẹma anị, dị ọnị vaa sị ụyaa rị ohinọyị Ịbabịrọnị ọnịrị ẹkụra anị agụvị ebira odivi ẹnịnị. Ọ kà ọnị vee vu ẹkụra ọnọọ ẹtẹ dị ọnị jị ọ eburu tịtẹ pooro nị.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 33:12

Ẹnẹyịmavara Ochẹtẹẹngụ ka, ịzị ẹnaanị ana sị mẹẹ anka ẹtẹ ọyịwụ, dị ẹ̀ yị nyị aza à vị ịsụpa aanị, ọ vanaa nyị avị ohwoohu ịzị oseratẹmẹ nịnị zụ kụ atẹmẹ ẹnịnị ve hi.

Ijeremaya 50:12

ama ẹkụra awụ nịnị ana maanị banyị aanị vị ana a vaa mẹ ụhịị nyị, dị ụhị nyị ọ ẹtẹẹtẹrẹ. Ịbabịrọnị ọ vanaa tụ ọkụmịị hu kere-kere ịnị avaba ẹkụra nị. Vị́ ọ́ vanaa vara ẹtẹ ẹnẹẹ yị nyị enyi dị ọ́ vị ọ̀yị wụ nị.

Ijeremaya 50:13

Ẹnẹyịmavara kà, agụvị ayị anaa kụ ọnị, ọza ẹ́ yị ma vanaa rá Ịbabịrọnị. Vị́ á vaa jị ọ eburuu tịtẹ nị. Avaba aza anaa zị avọọ vị ọnị ọ́ vaa zaa zizi, dị o hi wa irenu.

Ijeremaya 50:3

Ẹkụra ọnyara ọ́ raa kụ́ ịrẹkụ hụrị eyi ẹbẹẹba e vee tu Ịbabịrọnị. Ọ vaa tụ ọ osusu. Aza ẹnịrị ịsụpa vee zwèe hụ ịzọọ. Ẹ́ ma vana nyị ọza ana vaa ra ịzọọ.

Ijeremaya 51:29

Avaba ẹhẹ aa dọ ẹgahị, dị ee henyi nị, agụvị ka Ẹnẹyịmavara ó si nyima aa tụ́ ẹtẹ Ịbabịrọnị osusu anka ọ́ mẹ ka ọnị vaa mẹẹ. Ọza ẹ́ yị ma vanaa ra ịzọọ.

Ijeremaya 51:37

Ẹtẹ Ịbabịrọnị vaa jị eburu dị ahịka uye ịnị avị ẹ kụkụ ra ịzọọ nị. Ịrẹyị anị vaa mẹ ayịị hụrị aza ịnẹ, ẹtẹẹtẹrẹ èe re e, dị ọ kụkụ aa nyị ọza ịhyẹrẹ. Ọza ẹ́ yị ma vana ra ịzọọ.

Ijeremaya 51:43

Ẹkụra-ẹkụra ene hi Ịbabịrọnị kuku e chire ọza angwa. Ẹ́ kụkụ sị mẹẹ anka ẹtẹ aarẹ-aarẹ ẹnẹ ẹ yị nyị enyi vụrụ-vụrụ avọọ. Ẹ́ yị nyị ọza ana ra ịzọọ, ẹ́ yị hyakụ nyị ọza anaa zị avọọ paraahu.

Ijeremaya 51:61

Dị ọnị kà a yị Iseraya ka, ịjị oo tụ Ịbabịrọnị, ò re ka ọnị ọ́ọ kà avaba ịsị ana a chẹrẹ tụ ịnị iwe ọnọnị aanị boro-boro dị aza ẹ̀ wụ ọ o.

Ezikẹẹrị 35:9

Ọ kà ọnị vị ọnị vaa tụ wụ avosusu pooro zịna-zịna nị. Ọza ẹ́ yị ma vana ra ịnị ẹkụra awụ nịnị. Ịjọnọọ ụ vaa yẹ ka ọnị ọ vị Ẹnẹyịmavara nị.