Ijeremaya 51:58 - IWE ỌNỊNỊ

⁵⁸ Ẹnẹyịmavara Ochẹtẹẹngụ ka, ọvọ Ịbabịrọnị bamị-bamị ọnọnị vị ana vaa kwọrọọ zẹtẹ, dị aa rị oze ana aā zịị ngụ ọ ana jẹ gogorogo aanị ịra. Ụkọrọ ọọhẹ kẹnẹ aza va mẹ nị, avaba ịsị ẹkụra-ẹkụra maanị rị ụya anị, aa rị ịra aanị nị.

Ijeremaya 51:58 ပူးပေါင်းရင်းမြစ်များ

Ahẹ Ụgama 127:1

Ẹ̀ yị vị Ẹnẹyịmavara ọ̀ dà irehi, aza ana aa vụrịị dà a vị ana aa mẹ akanya kẹnẹ. Ẹ̀ yị rẹ vị Ẹnẹyịmavara o sere ẹkụra, aza ana jị areyi dị ẹ ka vị ẹnị ee sere e nị vị ana aa jị areyi ọọhẹ kẹnẹ.

Ayịsaya 13:2

Nọ ịrẹsụ ataba ẹnẹ ẹ̀ yị nyị ọchị. Wèe tù ịzọọ dị wa kụ̀rà uyi tụ́ ẹba ka ịrẹkụ o si tù. Nowu, di we mi ụvọ hị́ isoja ka ẹ̀ ngụ tù anẹkụra ẹnẹẹ ana aā vavọọ mẹ eyi.

Ayịsaya 47:13

Avaba ajuwe ana aza aa sịị wụ ẹ yị zụ sị ụkata yị wụ. Aza enee re ẹtẹẹ yị wụ, anaā zama a ịsị ụzọmị nịnị kà, ẹ̀ kwẹẹtẹ dị ẹ va dọ wụ ha daa re. Ẹnị ẹẹ̄ dà aha ẹbẹẹba, dị ẹyaa kà a wụ ụhwẹ-ụhwẹ ịsị ẹ vaa mẹ nị.

Ayịsaya 65:23

Ẹnịnị ẹ̀ẹ mẹ̀ ụkọrọ, ẹ yị vaa vị ọọhẹ. Ẹngụkata edivi ẹ yị vee tu ezi ẹnịnị. Mị vaa mẹ ka ò ze yị ezi ẹnịnị ọnịrị ezi ẹnẹ ẹ vanaa ma pooro.

Ijeremaya 50:15

We nowu ịrẹkụụ kara Ịbabịrọnị nịnị. Ịbabịrọnị ọ sị dọ booro aanị. Asị ọvọ anị gara ha saka-saka. Ẹnẹyịmavara kà vị ọnị aa họ̀ oponu ịrẹsụ Anibabironi nịnị aanị nị. Agụvị avọọ ẹwụ nịnị ọnịvị ẹnịnị, waa họ̀ oponu ịrẹsụ ẹnịnị nịnị, dụ wa mẹ wa anka ẹnị mẹ rẹ vịdị aza ana vọ.

Ijeremaya 51:30

Isoja Anibabironi ẹ yị kụkụ kụ ịrẹkụ. E ne sì hi ịnị irehi ọnị isoja nịnị yaa sere ẹtẹ. Ẹnịnị ẹ yị kụkụ nyị ọtụtụrụma, vị ẹ kụkụ sị mẹẹ anka anyẹnẹẹ avọọ nị. A sị oze ọbanyị ana aā zị vaa ngụ ịnị ẹkụra gara ha, irehi ẹnịnị aa rị ịra.

Ijeremaya 51:44

Ẹnẹyịmavara kà, ọnị vaa sị ụyaa rị ori Anibabironi nịnị ana aā hị́ Ịbẹẹrị, dị ọnị mẹ ka ọ̀ hẹ̀rẹ avaba ịsa ọnị o yi. Anẹkụra-ẹkụra nịnị ẹ́ yị ma vana va mẹ̀ ẹ. Ọvọ Ịbabịrọnị o si wu o.

Ijeremaya 51:64

Dị ọ̀ kà aka, aanị ọ́ mẹ vaa yàa yị Ịbabịrọnị nị. O vee chì dị ẹ yị ma vana kwẹẹtẹ hịrẹ vẹ, agụvị ka Ẹnẹyịmavara ee vee vu ọ ẹtẹ. Ẹhwị ịrẹyị ọnị Ijeremaya ka yị o.

Ijeremaya 51:9

Anẹkụra ọsa ene hi ịzọọ ka, ẹnị ệ sị vụrị ka ẹnị ẹ̀ gụ Ịbabịrọnị ụvọ, ama, ụmẹ ọ sị parahu. Ẹ ka à vẹ vị ẹnị para a hu dị ẹnị ẹẹ nọ eehi ẹnịnị; ka Ohomorihi ọ raa sị ụmẹzụ-ụmẹzụ sị ụya rị Anibabironi nịnị, ọ sị wa vú ẹtẹ saka-saka.

Ijeremaya 9:5

Ọta-ọta venee vene ẹngụ; ẹ yị nyị ọza anaa kà ịzẹyịza. Ireche oyi che vị ẹnẹ kọsẹ anị. Ẹnịnị ẹ ma và hụụnị ebira odivi ọyị mẹ.

Arụwẹ 5:5

Aza anaa dụ yị vi ana ku chire yị dị ẹ yịị và, ọ sị ngụ yị ẹngụ, yẹ yị nyị eyi tụ́ ụhwọ́.

Ihabaku 2:13

Ama Ẹnẹyịmavara Ochẹtẹẹngụ kà ọnị vaa sị ịra rị avaba ịsa ana aza ọnịrị ẹkụra sị ẹhị ẹnịnị sì nị.