Ijeremaya 51:56 - IWE ỌNỊNỊ

⁵⁶ Ẹnẹyịmavara kà ẹnịnị ệ vẹ ka ẹnị è ve vu Ịbabịrọnị ẹtẹ. Ẹ sị isoja Anibabironi nịnị za dị ọkịta ẹnịnị ku che nị. Ọ kà, ọnị ọ̀ vị Ohomorihi anaā sịị ụyaa rị aza anaa mẹ ịsị edivi nị. Ọnị ee sí Anibabironi nịnị atọ.

Ijeremaya 51:56 ပူးပေါင်းရင်းမြစ်များ

Oyinyima 49:24

ama, dị ụ sị ụvọ ngụ ọkịta awụ nị. Ụvọ awụ ọ yị da ẹgahị. Ohomorihi amị ana nyị ụkata ọ vavọọ sị ụkata wụ nị. Ohomorihi vị ene ee sere wu anka oseratẹmẹ mèe sere atẹmẹ anị avọọ. Ọnị ọ vị aha ụkata ịzị Anisirẹrị vaa sị ịrẹsụ ẹnịnị na tẹ̀ nị. Ẹ yị nyị ịsị ẹ zụ kanyị wa ịzọọ.

Ahẹ Ụgama 137:8

Ẹwụ Ịbabịrọnị, vị a maanị vee du wu ha saka-saka nị. Ọza ene èe zụ si wu atọ ebira ọnị ụ mẹ yị aanị vị oni o vee zee yị.

Ahẹ Ụgama 37:15

Ama ụhwọ ẹnẹ ẹ tụ̀ tù ọza avọọ, ẹnị ụvọta a vaa sị wụ nị, dị ọkịta ẹnịnị che và ha.

Ahẹ Ụgama 46:9

Ọ raà mẹ ka asị anẹhẹ rẹ kụkụ kụ̀ ịrẹkụ Dị ọ za ọkịta ọnịrị ọha ẹnịnị, di o che wa và ha nị Dị ọ kụ́ ogonto ẹnịnị, dị ọ rị wa ịra và ha nị.

Ahẹ Ụgama 76:3

Ohomorihi mẹ̀ yà ịzọọ, dị ọ za avaba ẹnya ịrẹkụ di o du wa va ha nị. Ọza ogonto ọnịrị ụwhọ̀ ọbanyị vi oni o du ha.

Ayịsaya 21:2

Ohomorihi ộ mẹ̀ ka me re ẹtẹ ka ịrẹyị ana vaa mẹ ô divi ẹtẹẹtẹrẹ. Mê re ka onireche e ne reè cheeche yị ọnịvị nịnị ana mẹ ka è re oze wụ̀ aza va ha ẹtẹẹtẹrẹ. Dị aza nịnị nyayịnẹ hara ogu nị. Ẹwụ nịnị isoja Erami ọnịrị isoja Animediya kwẹẹtẹ wa kụ́ ịrẹkụ ne tù anẹkụra ẹnẹẹ nịnị. Ohomorihi ọ yị kụkụ vaa zẹẹ ka Anibabironi ẹ̀ sịị sị ụyaa rị aza.

Ayịsaya 34:8

Ịhị ọnọọ Ẹnẹyịmavara vee si atọ ịsa ana a mẹ Anịzayọnị, dị ọ dọ Anịzayọnị há nị.

Ayịsaya 35:4

Kà ẹ yị aza ana ayị aa hụrẹ ịnẹ ka asị angwa rè hí wa; ẹ̀ nyị ọtụtụrụma, ka Ohomorihi ẹnịnị aa vaa dọ wa há. Dị ọ ụya rị ọnịvị ẹnịnị.

Ayịsaya 59:18

Ọnị vaa sị ụya rị ọnịvị anị ana gụrị ẹtẹ ọnịrị ẹnị ene hi aha onoze anka ịsị ẹ mẹ̀ hi aza anị.

Ijeremaya 49:35

Ọ kà, ọnị vaa wụ̀ avaba aza anaa sị ọkịtaa kụ̀ ịrẹkụ ana mẹ ka Anerami nịnị ẹ̀ vavọọ kata avọọ.

Ijeremaya 50:10

Ẹnẹyịmavara kà avọọ á mẹ vaa kụ́ Anibabironi nịnị ẹnya, dị ẹnya hụ aza ana va kụ wa ẹnya nị.

Ijeremaya 50:36

Ọnịsẹ nịnị enee che irechee yị wa vị ene vee súu ha. Ẹnịnị ẹẹ da vị ọnụra kẹnẹ. Isoja ẹnịnị vị ene vee súu ha. Ẹnịnị ee divi baaba chẹngụ.

Ijeremaya 51:24

Ẹnẹyịmavara kà, ọnị vee sí Ịbabịrọnị ọnịrị aza ene hi ịzọọ atọ avaba ịsị odivi ẹnẹ ẹ́ mẹ hi Anijerusarẹmị nịnị, dị u re e.

Ijeremaya 51:30

Isoja Anibabironi ẹ yị kụkụ kụ ịrẹkụ. E ne sì hi ịnị irehi ọnị isoja nịnị yaa sere ẹtẹ. Ẹnịnị ẹ yị kụkụ nyị ọtụtụrụma, vị ẹ kụkụ sị mẹẹ anka anyẹnẹẹ avọọ nị. A sị oze ọbanyị ana aā zị vaa ngụ ịnị ẹkụra gara ha, irehi ẹnịnị aa rị ịra.

Ijeremaya 51:48

Ẹnẹyịmavara kà, aa nyị aza ana hụrị eyi ẹbẹẹba vẹ. Eyee vee du ẹtẹ Ịbabịrọnị ha. Ịjị ụvọ ẹnịnị òo ku Ịbabịrọnị, avaba ịsị ene hi ẹhẹ ọnọnị ọnịrị ẹbẹẹba vee hine ayị, dị ẹyaa jị ahẹ.

Ijeremaya 51:53

Ọ kà Anibabironi nịnị ẹ̀ẹ daka hịrẹ nọ ẹbẹẹba ịnị eguhi, dị ẹ́ na dà irehi tụ ịzọọ yị ẹngụ ẹnịnị ka asị á nyị ịsị ẹ mẹ̀ ẹnị nị, ọnị vị anaa ịị tụ aza dị e ne vu wa ẹtẹ.

Ijeremaya 51:6

Ọ kà ọzọza ò zwè hụrị ẹtẹ Ịbabịrọnị, ọzọza ọ sị ụvọ ku ịrẹsụ oo zwè. Asị ụ zẹ ka a wụ agụvị ebira odivi ẹnịnị. Ụmẹ o si tu ka ọnị Ẹnẹyịmavara ọ̀ họ̀ oponu, ọnị vaa sị ụyaa rị wa á mẹ vọrọ.

Arụwẹ 3:64

Ẹnẹyịmavara sị ụya ịsa ẹnẹ ẹ mẹ̀ rị wa

Ezikẹẹrị 39:3

Òo tu ịzọọ, ọnị vaa nya a ịsa ụvọ, dị ọnị dọ ọ ọkịta hụrị ụvọha anị, dị ọnị rẹ dọ ọ ọpa hụrị ụvọrị anị.

Ezikẹẹrị 39:9

Aza ana ra hi ẹtẹ Isirẹrị vaa jịnẹẹ tụ ẹhẹ dị ẹ na kụ́ ẹnya ịrẹkụ ọnị ọnịvị ẹnịnị và hi ẹtẹ di ẹ sị ka ịra. Ẹnịnị vaa kụ́ ogonto, ọkịta, ọpa, ọha, ọnịrị arubebe ọnị ọnịvị ẹnịnị và hi ẹtẹ, dị ahịka ọnị ẹ kụkụ aa sịị kà ịra pooro dị ọ mẹ ịrayị ịhịmba nị.

Emọsị 2:15

Ọ kà ẹnịnị ana yara ne ọpa ẹ yị vaa nyẹngụ jẹẹ. Aza ana rẹ ẹ yị vaa zụ dọ ẹngụ nịnịị ha. Avọọ aza anaā sịị umaata kụ ịrẹkụ ẹ yị mẹ̀ vaa zụ ha hụụnị akanya nị.

Ọbadaya 1:15

Ụmẹ ọnị Ẹnẹyịmavara vaa sị họ̀ oponu ịrẹsụ avaba anẹkụra ẹnẹẹ aa gụrị ẹtẹ. Avaba odivi ọnị Anedomi nịnị mẹ̀ vị ana vaa vẹ ịrẹsụ ẹnịnị.

Ihabaku 2:8

Ẹnịnị vị anaā vịdị aa sị àko dọ aza ọnịrị anẹkụra ẹnya para hu, dị ẹ yaa wụ́ aza ha. Booro aanị aza ana ha hụụnị ụvọ ẹnịnị vaa vara eyii sị ụya rị wa agụvị aza ẹnẹ wụ̀ ọnịrị ezigi ẹnẹ ẹ kụ́ hi ẹtẹ.

Iwe Ọhụhị Imosiisi ana aa hị́ Ọyịvatụrọda 32:35

Ẹnẹyịmavara vaa họ̀ oponu, dị ọ sị ụya rị wa. Ụmẹ aa vẹ ọnị ọnịvị ẹnịnị vaa hyẹdụ; ụmẹ ọnị ịrẹyị odivi vee si tu wa ọ sị gụrị ẹtẹ.

2 Anịtẹsaronika 1:6

Ohomorihi vị anaā mẹ̀ ịsa ana vọrọ: Ọ vaa sị ụyaa rị aza ana aa sị ụyaa rị wụ nịnị.

Ẹtore 17:16

Uye ovivi ọnịrị ọpanyị ẹẹwụ ị́rẹsụ ọnị u re avọọ, vaa nyị ịhyẹrẹ ọsẹrẹka ọnọọ. Ẹ vaa dọ ọ avaba ịsị ọ nyị, dị ẹ tụ́ ọọ ahwaahụ. Ẹ vaa rị ụpẹngụ anị, dị ẹ rị ọọ ịra.

Ẹtore 18:20

Ẹwụ nịnị ene hi ẹbẹẹba ọ̀ọ jẹ! Ẹwụ nịnị aza Ohomorihi ọnịrị ezirẹma Ijeesu beri ọnịsẹ nịnị ọ̀ọ jẹ agụvị Ịbabịrọnị, agụvị ka Ohomorihi o reè sị ọ atọ wụ nịnị!

Ẹtore 19:2

Ịzẹyịza ọ sịị̄ mẹ̀ ọkarẹyị anị nị, ọ mā nyị ireche. Ọ raà mẹ̀ ọkarẹyị yị ọsẹrẹka ọbanyị ọnọọ ana aa sị ịrẹkọyịsẹ anịị du ẹhẹ. O re reè si ọ atọ agụvị ezi ahụ anị ọnị ọ wụ̀.”

1 Ịsamụwẹrị 2:4

Ohomorihi o reè che ọkịta ọkụrẹkụ nịnị ana nyị ụkata. Dị ọ sị aza ana vịdị vị ọkụmị dị ọ vara wa ọnụkata nị.