Ijeremaya 51:53 - IWE ỌNỊNỊ

⁵³ Ọ kà Anibabironi nịnị ẹ̀ẹ daka hịrẹ nọ ẹbẹẹba ịnị eguhi, dị ẹ́ na dà irehi tụ ịzọọ yị ẹngụ ẹnịnị ka asị á nyị ịsị ẹ mẹ̀ ẹnị nị, ọnị vị anaa ịị tụ aza dị e ne vu wa ẹtẹ.

Ijeremaya 51:53 ပူးပေါင်းရင်းမြစ်များ

Oyinyima 11:4

Dị ẹ hị́ ẹngụ dị ẹ ka, “À vẹ ẹnị ẹ̀ dà ẹkụra ẹnịnị, di ẹnị ẹ̀ dà irehi ọgọdọ ọnya tụ́ ọ dị ọ̀ gọdọ na ngụ ịnị ihinẹba. Di aa sị ọnọọ hị́ ịrẹha ẹnịnị. Ẹ ka à yị vị avọọ vị ẹnị aa garaa hi ẹhẹ kẹnẹ nị.”

Ijoovu 20:6

Ọ hyakụ na ka ihinẹba dị ọ sị ịrẹsụ ka eguhi nị,

Ayịsaya 13:17

Ẹnẹyịmavara vaa tụ́ Animediya ịrẹyị tù wa. Ẹ yị nyị ịzị ịrẹyị ẹkẹhị ọnị gẹ Animediya.

Ayịsaya 41:25

Ẹnẹyịmavara kà ọnị ọ raà nyị̀ ọdọvịdị hụrẹ eyi ẹbẹẹba ọnịrị eyi ịzị ọyịị̄ hụrẹ vẹ ka o vị eyi ịraazị ka anẹkụra nịnị. Ọnị vaa sị ọ nyị ẹbẹẹba ohinọyị nịnị anka ọjụnọkọ nịnị mẹẹ sị ahụ pịrị ụmọpa avọọ.

Ayịsaya 47:5

Ẹnẹyịmavara ộ kà a yị Ịbabịrọnị ka, “Na ya ịnị ịrahụ, dị wa yaatụ, a sị ụ kà ịrẹyị. Ọza ẹ yị ma vana hị́ wụ ohinọyị anyẹnẹẹ ẹkụra nịnị.

Ayịsaya 47:7

Ví ú ro ka vị ụ vaa vị ohinọyị anyẹnẹẹ pooro nị, wẹ yị sị ịrẹyị ẹnẹnị tụ́ ịnị ayị; we yi ro o ka sị ẹ vaa vị ọzẹtẹ anị kẹ”.

Ijeremaya 49:16

Ẹngụ awụ nịnị ọnị waa sịị tụ ẹba, ọ sị wụ nịnị vene. Ẹ yị nyị ọza ene kuku è hí angwa awụ nịnị anka ụ me rò o nịnị. Waa na ra ịnị anaha ịrẹta nịnị, ịrẹsụ ataba. Ama Ẹnẹyịmavara kà, wàa daka na ra ẹbẹẹba huu anka inomi ana aā hị́ ọkasịmẹ avọọ, ọnị vee tura wụ nịnị hụụ ịzọọ vaa nyẹtẹ nị.

Ijeremaya 50:21

Ẹnẹyịmavara kà, ẹwụ nịnị ẹkụra-ẹkụra ọ̀ kwẹẹtẹ tụ Animeratayimi nịnị ẹnịrị Anipekodi nịnị. Wụ wa, di u we vú wa ẹtẹ nịnị. Ọ kà, wa mẹ avaba ịsị ọnị kà yị wụ nịnị o.

Ijeremaya 50:25

Ọ kà ọnị ọ raa na oze ịzị ọnị kụ ẹnya ịrẹkụ anị hi. Ayị maa kụ ọnị, ọnị ọ raa kụ ẹnya ịrẹkụ anị hi ẹhẹ, agụvị ka ọnị Ẹnẹyịmavara Ochẹtẹẹngụ Ochẹtẹngụ, ọnị ọọ nyị ụkọrọ ọnị ọnị ee sì ka ọnị ọ̀ mẹ ẹtẹ Ịbabịrọnị.

Ijeremaya 50:45

Agụvị avọọ, Ẹnẹyịmavara kà wa wụ́ nịnị ịsị ọnị ee sì ka ọnị ọ̀ mẹ Ịbabịrọnị ọnịrị aza ana ra hi ịzọọ. Ezi ẹnịnị vị ana a vaa kụụ hara ẹtẹ ne nee hu, di angwa ee hi ọzọza.

Ijeremaya 51:11

Ẹnẹyịmavara ọ na raa hị́ ẹnị ohinọyị Animediya nịnị, agụvị ka ee si ka ọnị ò vu Ịbabịrọnị ẹtẹ. Avọọ Ẹnẹyịmavara mẹmẹ vaa mẹẹ họ̀ oponu irehi anị ọnị ẹnịnị du ha nị. Ọdọvịdị isoja anaa vẹ wa ịrẹkụ ka, ọzọza ọ sị ọpa anị dị ò nee. Ọzọza ọ̀ sị ogonto anị rị ụvọ o.

Ijeremaya 51:25

Ọ kà, ẹwụ nịnị Anibabironi, vị ụ sị mẹẹ nịnị anka ataba enee du avaba ẹhẹẹ ha avọọ nị. Ama ọnị, Ẹnẹyịmavara ọ́ sị eyi ịrazị và ka wụ. Ọ kà, ọnị vaa za wụ, dị ọnị và wụ nịnị nẹtẹ saka-saka na za eteesu, dị ọnị navọ wụ nịnị tụ ịnị edudu.

Ijeremaya 51:48

Ẹnẹyịmavara kà, aa nyị aza ana hụrị eyi ẹbẹẹba vẹ. Eyee vee du ẹtẹ Ịbabịrọnị ha. Ịjị ụvọ ẹnịnị òo ku Ịbabịrọnị, avaba ịsị ene hi ẹhẹ ọnọnị ọnịrị ẹbẹẹba vee hine ayị, dị ẹyaa jị ahẹ.

Ijeremaya 51:56

Ẹnẹyịmavara kà ẹnịnị ệ vẹ ka ẹnị è ve vu Ịbabịrọnị ẹtẹ. Ẹ sị isoja Anibabironi nịnị za dị ọkịta ẹnịnị ku che nị. Ọ kà, ọnị ọ̀ vị Ohomorihi anaā sịị ụyaa rị aza anaa mẹ ịsị edivi nị. Ọnị ee sí Anibabironi nịnị atọ.

Ijeremaya 51:58

Ẹnẹyịmavara Ochẹtẹẹngụ ka, ọvọ Ịbabịrọnị bamị-bamị ọnọnị vị ana vaa kwọrọọ zẹtẹ, dị aa rị oze ana aā zịị ngụ ọ ana jẹ gogorogo aanị ịra. Ụkọrọ ọọhẹ kẹnẹ aza va mẹ nị, avaba ịsị ẹkụra-ẹkụra maanị rị ụya anị, aa rị ịra aanị nị.

Ịdanịyẹrị 4:30

dị ọ ka, aanị ka ẹ yị vị ọnị ọ dà Ịbabịrọnị, ana maanị banyị ọyị sị mẹ aha ọyị yaayịtẹ anị? Ọ kà vị ọnị dà a ọyị sị sị ụkata anị ọnịrị ụbanyị anị zụ nị.

Emọsị 9:2

Ẹnẹyịmavara kà ẹnịnị ẹ daka chị ẹtẹ dị ẹ ngụ ọ na yaa nị, ọnị vaa tụ́ wa hị́ ẹhẹ. Ẹnịnị ẹ hịrẹ na ẹbẹẹba, ọnị vaa tura wa chi vẹ ẹtẹ.

Emọsị 9:4

Ọnịrị ẹnịnị ẹ daka za wa ọrịhị ne hi ẹtẹ Anikinami ọnị va mẹ ọda ka a wụ̀ wa ịzọọ. Ẹnẹyịmavara kà ọnị o tenyi ẹngụ ka ọnị e vu wa ẹtẹ, ọnị ẹ yị vaa gụ wa ụvọ.

Ihabaku 2:9

Ọ yị vee zee yị aza ana kụ́ ẹnya aza na mẹ ize yị ovwoovu ẹnịnị, dị ee ro ka ẹ yị nyị ịsị e họ̀ ẹnị use.