Ijeremaya 51:51 - IWE ỌNỊNỊ

⁵¹ Ọ kà ẹwụ nịnị aza anị aa kà a ka, asị ụhị mẹ nyị wụ nịnị. Ụ ka wé yị re ọza gụ wụ nịnị ụvọ vụrụ-vụrụ agụvị ka anẹkụra ọsa ẹ́ raa ngụ ịzị ẹ́ vị aha Óhomorihi ọnị nya ịnị irehi anị.

Ijeremaya 51:51 ပူးပေါင်းရင်းမြစ်များ

Ahẹ Ụgama 109:29

Ụhị ọ vaa nyị ọnịvị amị nị Ụhị vi ene e ve sii kú ẹngụ anka ịta avọọ.

Ahẹ Ụgama 71:13

Ohomorihi, navọ aza ana aa dụ mị aanị è ve vú ẹtẹ dị ụhị ọ̀ nyị wa. Navọ ahịka ụhị ọ va nyị aza ene ee sì ka ẹnị ẹ̀ mẹ mị ọnya nị.

Ahẹ Ụgama 79:1

Ohomorihi, wéē re anẹkụra ẹhịmị ẹnẹnị ẹnị ẹ̀ yị yẹ wụ mẹ̀ vẹ dị ẹ kụ́ ịrẹkụ ve tụ́ aza ọnị ụ sị mẹ aza awụ. Ệ za irehi awụ, e si o du ẹngụ, dị ẹ za Ijerusarẹmị dị ẹ jị ọ eburu nị.

Ahẹ Ụgama 79:12

Ẹnẹyịmavara, wê re anokokooro ayị màa sị wụụ mẹ ịyẹyẹ. Navọ wa vavọọ si wa atọ ịrẹyị ọnọọ oze ịhịmba.

Ahẹ Ụgama 79:4

Anokokooro ayị ana ra kara yị vị ana kụkụ aa sị yịị mẹ̀ isiya, di e yee nyị yi unyi.

Ahẹ Ụgama 89:46

Te Ẹnẹyịmavara we yị kụkụ daba kana eyi ayị vụrụ-vụrụ? Aanị ụ wáá mẹ̀ vaa kụ́ ayịị hi yi pooro nị?

Ayịsaya 13:1

Etore ịrẹyị ene vee tù Anibabironi ọnị Ohomorihi sị zụ Ayịsaya ozi Amozi yị.

Ayịsaya 14:1

Ama Ẹnẹyịmavara ọnị vaa vayị ezi Ijekọvụ ana vị aza anị. Ọ rẹ vanaa kụ́ waa vẹ ka ẹ̀ va ra ịnị ẹtẹ ẹnịnị. Azọga va naa ra pè wa ịzọọ.

Ayịsaya 21:1

Ịrẹyị ene vee tù anẹkụra ene hi ịnị ụnọmị ózee eyi oku yị: Wáā yẹ opomi mẹ̀ẹ tụ́ ịnị ụnọmị di ee hì avaba ẹchịchị naa parahu avọọ, avọọ a mẹ̀ vaa kụ́ ịrẹyị odivi ve tù Anibabironi nị. Anẹkụra ana kụ́ ẹngụkata ọnọọ aa vẹ vị ana angwa ẹnịnịị hi ọza.

Ayịsaya 47:1

Ẹnẹyịmavara kà, Ẹwụ Ịbabịrọnị, chí hụụ ịrẹsụ aga ohinọyị awụ, dị ụ wa yaatụ ini edudu ini eteesu. Vị́ ụ vịdị sị mẹ anka ozi ọnẹẹ ẹnẹ ẹ yị yẹ ọnọrụ avọọ nị. Ẹkụra ọnị ọza èeè yị nyị ẹbẹẹba anị da ụ vị nị, ama booro aanị wẹ yị kụkụ vị ẹngụ aza ana a vọrọ ka à tangwa sị ụvọ za, ka ọ va tọ ụnava. Wa sị vara ọrịhị.

Ijeremaya 14:3

Aza ẹbanyị ẹnịnị ẹẹ tụ ezida ẹnịnị ka ẹ̀ na dà enyi vẹ, ệ nọ ịnị ịkangga, ẹnịnị e yi re enyi dà. Ụnọkọ osusu ẹ́ sị vavẹ nị. Ụhị aa nyị wa, ó si hí wa irenu, dị ẹ kụkụ aa sị eyi tẹ̀ nị.

Ijeremaya 25:26

avaba ohinọyị Ịbabịrọnị ana ya aha ene noze ọnịrị ana gụrị ẹtẹ, ikonya-ikonya, ọnịrị avaba ohinọyị ene hi ẹhẹ ọnọnị. Ịrẹma ẹnịnị dị ohinọyị Ịbabịrọnị ọnị ò re ve hú.

Ijeremaya 31:19

Ẹ ka ẹnị ệ vịdị ha hụrị oze Ẹnẹyịmavara ama ẹnị varẹma ka a vẹ. Ẹ ka ẹnị mẹ sị yẹ aanị, ẹnị ee va ụvọ kụ ịrẹsụ ẹnị mee du ayị. Ụhị aa nyị ẹnị agụvị ebira odivi ẹnẹ ẹnị mẹ ẹnị mẹ hụrẹ vị ozweyi.

Ijeremaya 52:13

Dị ọ rị irehi Ohomorihi ịra nị. Ộ rẹ rị irehi ohinọyị ọnịrị irehi aza ọkọọka ene hi Ijerusarẹmị ịra.

Arụwẹ 1:10

Ọnịvị ẹnịnị ẹ raà kụ avaba ogu ẹnịnị. Ẹnịnị ê re ọnịvị ẹnịnị maa ngụ ịnị irehi Ohomorihi, ịzị Ẹnẹyịmavara kà ọọ vị aha eenyisi yị aza ẹnẹ yị vị Aniju ka ẹ̀ ngụ.

Arụwẹ 2:20

Tee! Ẹnẹyịmavara, sị ẹ vẹ dị ọ maanị aa sị ụya rị yị aanị? Ọnyị ozi nịnị kụkụ aa rị ezi ẹnị ẹnịnịị sì ịrẹyị anị. Ohirẹsụ irehi Ohomorihi ọnịrị ọnịsẹ nịnị vana kụkụ aa wụ̀ ịnị irehi Ohomorihi bẹẹ.

Arụwẹ 5:1

Ẹnẹyịmavara kwogwo asị ụ hi ayị ịsị e tu ẹnị aanị. Navọ wạ kana eyi dị we re ụhị ana a mẹ̀ nyị yị aanị o.

Ezikẹẹrị 24:21

Ọnị ọ̀ ka ụtụ ọnọnị yị Anisirẹrị nịnị ka ẹwụ nịnị Anisirẹrị vị enee wuu zị ka aa nyị ụkata ịnị irehi Ohomorihi nịnị. Uū sì ka wa vẹ ịnị Irehi Ohomorihi nịnị. Ama ọnị Ẹnẹyịmavara vaa mẹ Irehi anị ọnọọ ọsọọsa. Ezweyi-ezweyi awụ nịnị ana vọ hi Ijerusarẹmị vị ana a vaa kụ ịrẹkụ vaa wụ̀.

Ezikẹẹrị 36:30

Ọ kà ọnị vaa mẹ ọchị nịnị ẹẹ tụ ẹtụtụ ẹtẹẹtẹrẹ, dị ọnị mẹ ka ịsị ịnị aarẹ ẹ̀ mẹ va gwẹtẹ, agụvị asị ụngwẹ ana vaa mẹ ụhịị nyị wụ nịnị vana vẹ.

Ezikẹẹrị 7:18

Avaba ẹnịnị vaa và ịta suku-sukuu ku ẹngụ, dị angwahi ta ngụ wa ẹngụ. Ẹnịnị vaa kụ́ avaba ịrẹsụ ẹnịnị anka ọza ana nyị ọmarị avọọ, dị a mẹ̀ ụhị nyị avaba ẹnịnị.

Ezikẹẹrị 9:7

Ẹnẹyịmavara ộ kà a yị wa ka, ẹ̀ mẹ o me zee wa eyi ịnị irehi Ohomorihi. Ẹnịnị ẹ̀ wụ̀ aza và hí ẹtẹ ịnị irehi Ohomorihi. Ọ kà ẹnịnị ẹ̀ vavọọ na. Ịzẹyịza, dị ẹ naa, wụ̀ azaa vaa hi ẹtẹ Ijerusarẹmị nị.

Ịdanịyẹrị 11:31

Isoja anị ẹnyị vaa na ngụ irehi Ohomorihi anka vị ẹ̀ yị vị irehi Ohomorihi ọ vị̀ nị. Ẹ vaa mẹ ka asị a kụkụ mẹ̀ ịsọvọ eyinị-eyinị hi Ohomorihi, dị ẹ sị ịsa eenyisi na jẹẹ ịzọọ.

Emọsị 7:9

Ẹnẹyịmavara kà ọnị vee du avaba aha ori ẹnịnị hi ịrẹsụ ataba ọnịrị irehi anị vaaha. Avọọ ọnị mẹ rẹ vaa sị ịrẹkụ vu ovwoovu Ijerobowami ana vi ohinọyị Anisirẹrị ẹtẹ nị.

Imika 6:16

Ọda udivi Omiri Ohinọyị kẹnẹ ụ ta ụvọ ku nị. Waa hama ebira odivi Ahabị ọnịrị Omiri, Agụvị mị vaa sị wụ mẹ̀ apojuwe yị aza ana vọ avọọ mi vee vú ẹtẹ. Aza awụ vị ana a vaa sị mẹ̀ isiya. Aza ene ee re vị ene vee nyi wu unyi.

Imika 7:10

Ọnịvị ayị ò re e dị ahịka ụhị ọ kụkụ nyị wa nị. Aza ọnyị vị ene ee họ̀ use ka ịzị ayị ka Ohomorihi ayị ộ yà Ị ka eyee họ̀ use ka ịzị Ẹnẹyịmavara vị ana yà kẹ? Eyi ayị ẹ vaa hyẹdụ dị aa kụ́ ahụụ hi wa zẹtẹ nị Ị ka ẹnịnị vaa hyẹdụ dị ahịka vị ẹ vara eteesu nị.