Ijeremaya 51:5 - IWE ỌNỊNỊ

⁵ Ẹnẹyịmavara kà, ọnị Ohomorihi Ochẹtẹẹngụ, ẹ́ yị hụrẹ Anisirẹrị ọnịrị Anijuda nịnịị ụvọ, ọọ́ daka vị ka ẹnịnị ệ mẹ̀ ebira odivi hi ọnị.

Ijeremaya 51:5 ပူးပေါင်းရင်းမြစ်များ

1 Ohinọyị 6:13

Mị vaa yà ịnị akakana Anisirẹrị. Me yi vee yi Anisirẹrị aza amịị tịtẹ.”

2 Ohinọyị 21:16

Ịmanasẹ ộ wụ̀ aza ọrụrụ-ọrụrụ ẹnẹ ẹ yị nyị ịsị ọ mẹ̀, dị ee sí chava avaba aha Ijerusarẹmị nị. Ịrẹma ịvị ọnọnị, dị ọ rẹ mẹ ka aza ene hi Ijuda ẹ mẹ̀ ebira odivi ọvịdị Ẹnẹyịmavara nị.

Ẹzịra 9:9

Ọrịhị ị vị nị, ama ẹwụ Ohomorihi ayị ẹ yị va ịrẹma ayị. Wê sì ịrẹyị ayị, dị ụ mẹ ka ohinọyị Anipesiya nịnị ọ̀ gụ yị ụvọ nị. Wâ mẹ ka ọ̀ sị ẹhẹ ọwọọwa yị, di ye tenyi irehi Ohomorihi ene vịdị du dà, dị ya rẹ tụra ọvọ kara Ijuda ọnịrị Ijerusarẹmị.

Ahẹ Ụgama 94:14

Mâ yẹ ka Ẹnẹyịmavara o yi vee yi aza anịị tịtẹ, ọ yị vaa hụrẹ aza anịị ụvọ.

Ayịsaya 44:21

Ẹnẹyịmavara kà, “Tamayị ịsa ẹnịnị nịnị, ẹwụ Ijekọvụ. Ẹwụ nịnị Anisirẹrị, tamayị nịnị ka ẹwụ nịnị ọ vị ezi ahụ amị nị. Ẹma tụ́ wụ nịnị ka wa vị ezi ahụ amị nị. Me yị vee hí ayị awụ nịnị.

Ayịsaya 51:15

Ẹnẹyịmavara kà ọnị ọ vị Ohomorihi ana vara oku dị a jị ayị vụụvụ nị. Ọnị ọ rị Ẹnẹyịmavara Ochẹtẹẹngụ nị.

Ayịsaya 62:12

A vaa hị́ wụ nịnị “aza ọnịnị Ohomorihi”, aza ọnị Ẹnẹyịmavara sị dọ ha Ijerusarẹmị vị ana vaa hị́ ẹkụra ọbanyị ọnị Ohomorihi sị ịrẹyị anị. Ẹkụra ọbanyị ọnị Ohomorihi ọ yị hụrẹ ụvọ.

Ijeremaya 14:19

Anijuda nịnị ka tee! Vị Ẹnẹyịmavara wa kụkụ sị ẹnị yi tịtẹ samị-samị nị? Ẹ ka, vị Ẹnẹyịmavara waa kụkụ nyị ịhyẹrẹ Anịzayọnị nịnị nị? Sị ẹ vẹ dị ọ maanị kụ ẹngụkata odivi tu ẹnị ka, asị ẹngụ ẹnịnị zụ nịya? Ẹnị ee zi ka ẹnị a vaa nyị ẹngwọọrọ, ama ẹ yị nyị ịsị ọyịza anaa mẹẹ tu ẹnị vụrụ-vụrụ. Ẹnị èe zị ka ẹngụ ẹnịnị aa vaa nịya, dị ahịka ayịhụrịnẹ ọ rẹ vẹ nị.

Ijeremaya 14:9

Ẹ ka sị ẹ vẹ dị ọnị kụkụ sị mẹ anka ọza ọnị ịrẹyị hụrẹ hi avọọ? Dị ọnị aa mẹ anka isoja ẹnẹ ẹ yị nyị ụkata ọyị gụ ọza ụvọ avọọ? Ẹ ka, ịzẹyịza, ọnị Ẹnẹyịmavara jẹẹ pe ẹnị. Aza anị ẹnị vị nị, aarịhịnị asị ọnị hụrẹ ẹnị ụvọ.

Ijeremaya 16:18

Ọ kà ọnị vaa sị ụya avaba ebira odivi ẹnịnị ọnịrị akụvị ẹnịnịị rị wa oze ẹẹva, agụvị ka ẹnịnị ẹ́ raa sị ori ẹnẹẹ yị nyị ụhwẹ anka oku ene su avọọ du ẹtẹ anị ha. Ẹtẹ anị kụkụ vị ohihi yị ori ana ahịka ireche kẹnẹ ẹ vị nị.

Ijeremaya 19:4

Ọ kà ọnị vavọọ vaa mẹ agụvị ka aza ẹ raa và ịrẹma anị. Ẹ sị ẹtẹ du ẹ́ mẹ kụkụ yà ịnị anị aa mẹ ịsọvọọ yị ori nịnị. Ẹnịrị ohiku ẹnịnị beri ohinọyị Ijuda nịnị ẹ yị vịdị yẹ ori ẹnẹẹ. Aza ẹnẹ ẹ̀ yị nyị ịsị ẹ mẹ̀ vị ọnị ẹyaa wụ ịzọọ.

Ijeremaya 23:15

Avọọ, Ẹnẹyịmavara Ochẹtẹẹngụ aa kà a yị ọnịsẹ ene hi Ijerusarẹmị ka, ọnị vaa sị avị ọnyịrẹyị yị waa rị, dị ọnị sị enyi ana nyị ẹchịpa yị wa ka e hú ọ. Ka ẹnịnị ẹ raa mẹ ka ebira odivi ọ̀ gara hi ẹtẹ avaba aha.

Ijeremaya 31:37

Ẹnẹyịmavara kà aza ẹ̀ẹ zụ ngọ ẹbẹẹba, dị ẹ rẹ zụ sị iruvo ọnị mẹmẹ ka ẹhẹ ẹtẹ nị, ọnị vaa hụ agụvị avaba ịsị ọnị ezi Anisirẹrị nịnị mẹ, dị ọnị dụ wa kwooze.

Ijeremaya 46:28

Ọ kà ọnị vaa vẹ dị ọnị vaa dọ wụ nịnị tụ. Avaba ẹkụra ọnị ọnị dụ wụ nịnị ne hi vị ọnị ọnị vee vú ẹtẹ. Ama ọnị é yị vee vu wu nịnị ẹtẹ. Ọ kà ọnị ẹ́ yị vaa navọ ka asị ụ rị ụya nịnị, ama ịhị ọnị aa sị ụyaa rị wụ nịnị, ọnị vaa vayị awụ nịnị.

Ijeremaya 50:20

Ọ kà ịjị ụmẹ ọnọọ oo tu, ọza é yi me vene re ebira odivi ọnyọọnyị ịnị ẹtẹ Isirẹrị ọnịrị ẹtẹ Ijuda, agụvị ka ọnị vagu ebira odivi avaba aza ọnị ọnị navọ tịtẹ.

Ijeremaya 51:19

Ohomorihi Anisirẹrị nịnị ọnịrị wa ẹ́ yị vị ọnyọọnya, ka ọnị ọ mẹ avaba ịsa nị. Ọnị ọ nyị Anisirẹrị nịnị ka ẹnịnị ẹ̀ vị aza obooro-obooro nị. Ịrẹha anị ọ rị Ẹnẹyịmavara Ochẹtẹẹngụ nị.

Ezikẹẹrị 8:17

Dị Ẹnẹyịmavara kà a yị ọnị ka, ozi-ọza, ọnị wee ree re ọsọnị? Ọ kà, ịrẹyị oweyi ọ́ọ vị ka Anijuda nịnị ẹ̀ maanị mẹ avaba ịsị aa nyị ọnị ịhyẹrẹ aanị ẹkụra ọnọnị, dị ẹnịnị rẹ mẹ ka ebira odivi ọ̀ gara hi avaba ẹkụra nị. Ọnọọ ẹ́ yị hụ wa, dị ẹ rẹ kụkụ sị ọ aa vaa mẹ ịnị Irehi ọnị Ohomorihi, ka ẹnị ẹ̀ sị mẹ ayị kụ ọnị hu avọọ nị. Ọ kà ọnị ò re ẹnịnị mẹmẹ kụ̀ ọnị ụhụ zị oze anaa zị ọza ẹngụụ hu kere-kere.

Ezikẹẹrị 9:9

Dị Ohomorihi tụ́ ohi ka, Anisirẹrị ọnịrị Anijuda nịnị ẹ́ ra rị ịvị ebira odivi-odivi ọ̀ yị mẹ baaba nị. Ẹnịnị ẹ́ kụ aza wụ̀ avaba aha, dị ẹ gara ebira odivi hi ẹtẹ Ijerusarẹmị nị. Ẹnịnị ka, ọnị Ẹnẹyịmavara ọ sị ẹkụra ẹnịnị hụrị ụvọ; ọnị é yi kuku re ẹnị.

Ihoseya 1:10

Anisirẹrị nịnị vaa rụrụ anka àarẹ ịnị òkū ọnị ọza ẹ yị yẹ ịrịka anị. Ịzị a ya kà a ka ẹnịnị ẹ yị va aza anị, a rẹ vaa hị́ wa ezi Ohomorihi ana yara nị.

Ihoseya 2:1

Ẹnẹyịmavara kà, ẹ hị́ ọhụva ẹnịnị ana vị anọrụ Amị (Aza Ohomorihi), dị ẹ hị́ anyẹnẹẹ ẹnịnị Iruhama (Ọnị Ẹnẹyịmavara sì).

Ihoseya 2:3

Ẹnẹyịmavara kà ẹ yị va ahụ vẹ ịrẹma, dị ọnị tu ọ ahwaahụ anka ịhị a maa avọọ. Dị ọnị naavọ tụ ịzị ẹ yị nyị enyi, dị onyi wụ ọ.

Ihoseya 4:1

Ẹwụ Anisirẹrị batọ wa wụ́ ịrẹyị Ẹnẹyịmavara nịnị. Ộ kà ẹwụ nịnị ana ra ịnị ẹtẹ ọnọnị ọ nyị ịrẹyị anị. Ẹ yị nyị ọza awụ nịnị ana mẹ̀ ịzẹyịza, a vị sì ịrẹyị anị. Ẹ yị nyị ọza ana tẹsị anị.

Ihoseya 4:2

Ẹnẹyịmavara kà ẹnịnị aa hị́ eku uruku, di e yee cheeche, dị ẹ yaa wụ́ ọza, di e yee yi oyi, dị ẹ yaa sẹ̀ ịrẹka; dị ezigi hi ẹtẹ avaba aha, dị aza wụ́ ẹngụ ha kẹnẹ nị.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Imika 7:20

U sì ịrẹyị aza awụ pooro nị a yi nyị ka u vee vene wa Avọọ ụ mẹ̀ kà a yị Abụrahamị ohiku ayị nị vị ọyaanị, hụrẹ ụmọrụmọ ụ vavọọ kà nị.

Ịzakaraya 12:6

Ụmẹ ọnọọ Ẹnẹyịmavara kà ọnị vaa mẹ̀ Ijuda anka ịra ịnị iruku, a vị ịnị aarẹ ọnị akụ anị sị vị. Ẹnịnị vee vu avaba ẹkụra nịnị ana kara wa. Aza ene hi Ijerusarẹmị vaa ha tụ̀ ịzọọ.

Ịzakaraya 12:8

Ịnẹ ẹkụhị ọnọọ Ẹnẹyịmavara vaa vị ogonto kú aza ana ra Ijerusarẹmị agụvị ọkụmị ene hi akakana ẹnịnị ẹ ya anka Idevidi, dị ovwoovu Idevidi ẹ ya anka Ohomorihi, anka anggẹẹrị Ẹnẹyịmavara ana aa na ọvịdị ẹnịnị.

Ịzakaraya 2:12

Ẹnẹyịmavara vaa sị Ijuda vị ogu ọtirenyi yị ẹngụ anị ịnị ẹtẹ anị, dị Ijerusarẹmị vị ẹkụra ọnị o sì ịrẹyị anị hu kere-kere.

1 Ịsamụwẹrị 12:22

Ẹnẹyịmavara ọ raà wo oto ka ọnị e yi vee yi wu nịnị tịtẹ agụvị dị ọnị ọ̀ sị wụ nịnị mẹ aza anị.