Ijeremaya 51:48 - IWE ỌNỊNỊ

⁴⁸ Ẹnẹyịmavara kà, aa nyị aza ana hụrị eyi ẹbẹẹba vẹ. Eyee vee du ẹtẹ Ịbabịrọnị ha. Ịjị ụvọ ẹnịnị òo ku Ịbabịrọnị, avaba ịsị ene hi ẹhẹ ọnọnị ọnịrị ẹbẹẹba vee hine ayị, dị ẹyaa jị ahẹ.

Ijeremaya 51:48 ပူးပေါင်းရင်းမြစ်များ

Ụhịrẹyị 11:10

Èee zee yị ọza ọyịza avaba anẹkụra vị ana a jẹ, ama ọza ọhịmị òo su dị avaba aza aa kụ aahẹ.

Ayịsaya 44:23

Ẹwụ nịnị ẹbẹẹba, wa jị ahẹ nịnị agụvị ka Ẹnẹyịmavara ọ sị ọ mẹ. Ẹwụ aha ana nyịnẹ ịnị ẹtẹ, we nowu nịnị. Ẹwụ nịnị ataba, wa jị ahẹ nịnị. Ẹwụ nịnị avaba ọchị ene hi ini iruku. Agụvị ka, Ẹnẹyịmavara ọ sị Ijekọvụ dọ ha. Anisirẹrị nịnị vaa sị ụbanyịị yọ.

Ayịsaya 48:20

Ẹ jịnẹ hụrị ẹtẹ Ịbabịrọnị, ẹẹ na hara kẹnẹ! Ẹ ka enube ayohine; dị avaba aza ẹ wụ́ ọ avaba aha tụra aha ka Ẹnẹyịmavara ọ raà dọ ozi ahụ anị Isirẹrị ha.

Ayịsaya 49:13

Dị avaba ịsa ene hi ini ihinẹba ọnịrị ẹtẹ ẹẹ jẹ ịrajẹ, mẹ ọda yị avaba ataba nịnị ka ẹ gụ ahẹ. Aza Ẹnẹyịmavara ẹ raà rị ụya ama ọ raà vayị ẹnịnị, dị ọ mẹ ẹngwọọrọ yị wa nị.

Ijeremaya 50:3

Ẹkụra ọnyara ọ́ raa kụ́ ịrẹkụ hụrị eyi ẹbẹẹba e vee tu Ịbabịrọnị. Ọ vaa tụ ọ osusu. Aza ẹnịrị ịsụpa vee zwèe hụ ịzọọ. Ẹ́ ma vana nyị ọza ana vaa ra ịzọọ.

Ijeremaya 50:41

Ré, aza ẹẹ hụrị eyi ẹbẹẹba aa vẹ. Ẹkụra ọbanyị ọnya ọnịrị ohinọyị ọrụrụ-ọrụrụ hụrị aha ẹnẹẹnẹ ee tenyi ẹngụ ịrẹkụ.

Ijeremaya 50:9

Ọ kà ọnị vaa na tụ ẹkụra-ẹkụra ana nyị ụkata hị́ eyi ẹbẹẹba ịrẹyị ka, ẹ̀ kụ́ ịrẹkụ ve tu Ịbabịrọnị. Ẹnịnị vee tò o tụra ẹngụ, dị ẹ kụ́ ịrẹkụ ve tu ọ. Eyi ẹbẹẹba a vaa hụrẹẹ vẹ vaa za wa nị, ọpa ẹnịnị vị ene vee ne anka aza ana yara kụ ịrẹkụ ẹtẹẹtẹrẹ, ẹnẹ ẹ yị ma jị avosusu varẹma nọ eehi avọọ.

Ijeremaya 51:56

Ẹnẹyịmavara kà ẹnịnị ệ vẹ ka ẹnị è ve vu Ịbabịrọnị ẹtẹ. Ẹ sị isoja Anibabironi nịnị za dị ọkịta ẹnịnị ku che nị. Ọ kà, ọnị ọ̀ vị Ohomorihi anaā sịị ụyaa rị aza anaa mẹ ịsị edivi nị. Ọnị ee sí Anibabironi nịnị atọ.

Ezikẹẹrị 35:14

Ẹnẹyịmavara Ochẹtẹẹngụ ka, ọnị vaa tụ wụ nịnị osusu saka-saka, dị avaba anẹhẹ aa jẹ ka wa sị sẹ ẹdụ nịnị.

Ẹtore 18:20

Ẹwụ nịnị ene hi ẹbẹẹba ọ̀ọ jẹ! Ẹwụ nịnị aza Ohomorihi ọnịrị ezirẹma Ijeesu beri ọnịsẹ nịnị ọ̀ọ jẹ agụvị Ịbabịrọnị, agụvị ka Ohomorihi o reè sị ọ atọ wụ nịnị!