Ijeremaya 51:44 - IWE ỌNỊNỊ

⁴⁴ Ẹnẹyịmavara kà, ọnị vaa sị ụyaa rị ori Anibabironi nịnị ana aā hị́ Ịbẹẹrị, dị ọnị mẹ ka ọ̀ hẹ̀rẹ avaba ịsa ọnị o yi. Anẹkụra-ẹkụra nịnị ẹ́ yị ma vana va mẹ̀ ẹ. Ọvọ Ịbabịrọnị o si wu o.

Ijeremaya 51:44 ပူးပေါင်းရင်းမြစ်များ

2 Ịtọpa 36:7

Avọọ ộ mẹ̀ kụ́ ogu ene hi irehi Ohomorihi ne hi ịnị irehi ohinọyị Ịbabịrọnị nị.

Ijoovu 20:15

Aza Odivi vị ana va hẹrẹ ogu ọza ene e yi.

Ayịsaya 2:2

Ụmẹ aa vẹ, ịrẹsụ ataba ọnị irehi Ẹnẹyịmavara ya vaa vị Ataba ana nẹba hu kerekere, dị ọ va avaba ataba ana vọ chire. Anẹkụra ọrụrụ-ọrụrụ vee turaa hi ịzọọ,

Ayịsaya 21:9

Ụmẹ ọnya kẹnẹ di o vene nowu dị ọ ka, “Aza ẹnẹẹ aa vẹ avọọ nọ! Ẹnịnị vị ana tụra umaata aa vẹ ẹvẹẹva!” Dị ọ rẹ ka, “Kwaa-kwaa, Anibabironi ẹ sị hyẹdụ, mị ka ẹ kụ́ hyẹdụ bemi! Avaba ori anị ana a bẹ vị ana maanị gara hi ẹtẹ.”

Ayịsaya 60:5

U vee re ịsa ọnọnị, dị ọ vị ịrajẹ yị wụ. Dị ụ mẹrị ayohine. Ogu anẹkụra nịnị vị ana vaa kụ va yị wu; hụrẹ akẹnẹ oku vị ana vaa kụ ẹkẹhị vẹ.

Ijeremaya 50:15

We nowu ịrẹkụụ kara Ịbabịrọnị nịnị. Ịbabịrọnị ọ sị dọ booro aanị. Asị ọvọ anị gara ha saka-saka. Ẹnẹyịmavara kà vị ọnị aa họ̀ oponu ịrẹsụ Anibabironi nịnị aanị nị. Agụvị avọọ ẹwụ nịnị ọnịvị ẹnịnị, waa họ̀ oponu ịrẹsụ ẹnịnị nịnị, dụ wa mẹ wa anka ẹnị mẹ rẹ vịdị aza ana vọ.

Ijeremaya 50:2

Ọ kà, ọnị ọ̀ na ka enube ọnọnị yị ẹkụra-ẹkụra, ọnị ọ̀ nọ̀ọ enube ọnọnị o. Ọ kà ọnị ọ̀ sị asịyẹ jẹẹ dị ọnị ọ̀ nọ̀ọ enube ọnọnị. Asị ọnị sị tẹ̀ vụrụ-vụrụ. Ịbabịrọnị ọ sị sẹ ẹdụ ọ! Asị ori ẹnịnị ana aā hị́ Imaduki gara ha. Asị ụhị mẹ nyị ori Anibabironi nịnị. Asị ịsị ẹnẹ ẹ́ bẹ vene ịsị irenyi-irenyi hi ẹtẹ chaka va ha.

Ijeremaya 51:18

Ẹnịnị ẹ́ yị wụra sị ụbanyị yị agụvị ka ịsa kẹnẹ-kẹnẹ ẹ́ vị nị. Ịjị ụmẹ oo tu ka Ẹnẹyịmavara ọ̀ sị ụya rị wa, o vee vu wa ẹtẹ.

Ijeremaya 51:34

Inebukadineza, ohinọyị Ịbabịrọnị ọ sị ẹnị gara ha, ọ sị ẹnị tu avọ osusu anka a mẹẹ tụ ụnọkọ osusu avọọ. Ẹ ka, ọ sị ẹnị za mụnẹ anka ẹwụ mẹẹ mụnẹ ịsa avọọ. Dị ọ kụ avaba ịsa ohine-ohine ẹnẹ ẹnị nyị hi ịrẹka nị. Ọ rẹ sị ẹnị tọmọ và hi ẹtẹ o.

Ijeremaya 51:47

Avọọ, ẹkụhị aa vẹ ọnị ọnị vaa sị ụyaa rị ori ene hi Ịbabịrọnị. Ọnị vaa mẹ̀ ụhị ẹkụra ọnọọ, dị a wụ̀ aza ene hi ịnị anị.

Ijeremaya 51:53

Ọ kà Anibabironi nịnị ẹ̀ẹ daka hịrẹ nọ ẹbẹẹba ịnị eguhi, dị ẹ́ na dà irehi tụ ịzọọ yị ẹngụ ẹnịnị ka asị á nyị ịsị ẹ mẹ̀ ẹnị nị, ọnị vị anaa ịị tụ aza dị e ne vu wa ẹtẹ.

Ijeremaya 51:58

Ẹnẹyịmavara Ochẹtẹẹngụ ka, ọvọ Ịbabịrọnị bamị-bamị ọnọnị vị ana vaa kwọrọọ zẹtẹ, dị aa rị oze ana aā zịị ngụ ọ ana jẹ gogorogo aanị ịra. Ụkọrọ ọọhẹ kẹnẹ aza va mẹ nị, avaba ịsị ẹkụra-ẹkụra maanị rị ụya anị, aa rị ịra aanị nị.

Ịdanịyẹrị 1:2

Ananyị yị ộ hụrẹ Ijehoyakimi ụvọ yị Inebukadineza beri ẹnya ẹnyị ene hi ịnị irehi Ohomorihi. Dị ọ kụ wa na ngụ ịnị irehi ori ẹnịnị Ịbabịrọnị nị. Ô tu ịzọọ dị ọ kụ ẹnya ẹnẹẹ hi ịnị irehi ori anị nị.

Ịdanịyẹrị 3:29

Agụvị avọọ, dị ohinọyị mẹ ọda ka àa nyị ọza ọnyọọnyị ịrẹsụ ẹtẹ ana ka kẹnẹ-kẹnẹ hi Ohomorihi Isediraki, Imesaki ọnịrị Abedinego, vị a vaa wụ̀ ọ dị a jị irehi anị eburu nị. Ọ kà ẹ yị nyị ori ana maanị nyẹngụ dị ọza tụ.

Ịdanịyẹrị 4:1

Ẹkụhị ọnya, dị Ohinọyị Inebukadineza maanị tụ́ ụtụ ọnọnị hi avaba anẹhẹ nị. Ẹkụra ọzọza ọ sị tụ ụtụ hi wa nị.

Ịdanịyẹrị 4:22

Inebukadineza ohinọyị ọ vị ọchị ọnọọ nị. Ọ kà, udi anị ộ ta ka hịrẹ, dị aa mẹ ọdaa tụ ịrẹsụ avaba anẹhẹ nị.

Ịdanịyẹrị 5:19

Ộ nyị ụbanyị pooro ne tu ka avaba anịrẹsụ ẹtẹ vị enee hí angwa anị. Ọza enee ze e eyi ọ zụ wụ ọ, ọza ọnị ọ̀ọ ka ọ̀ọ mẹ ẹhẹ dị a mẹ ẹhẹ. Ọza enee ze e eyi, dị ọ kà udi anị hịrẹ, ẹ̀ yị vị avọọ dị ọ mẹ̀ ụhị nyị ọ.

Ịdanịyẹrị 5:26

Iruvo ịrẹyị ọnọnị yị. IMENE (za a ịrịka) ộ sị zụ ka Ohomorihi ọ raà za ẹkụhị ịjọva ohinọyị Iberisaza ịrịka, ọ raà zá a ẹtẹ.

Ịdanịyẹrị 5:31

Dị ọnọrụ ọnyara ana aā hị́ Ịdarịyọsị ana vị Animeedi vana rị ohinọyị tụ ẹkụra ọnọọ nị. Ịdarịyọsị ọnọnị vị ịrayị ẹbẹẹta tụra ẹẹva ịnị ụmẹ ọnị ọ sị rị ohinọyị.