Ijeremaya 51:38 - IWE ỌNỊNỊ

³⁸ Avaba Anibabironi nịnị vee nowu anka idu nịnị avọọ, dị ẹyaa kụ́ ịrẹkaa hi ịnị ọbẹ anka ezi idu nịnị avọọ.

Ijeremaya 51:38 ပူးပေါင်းရင်းမြစ်များ

2 Ịsamụwẹrị 17:8

Dị ọ rẹ ka Ẹwụ ụvọta ộ yẹ ada awụ ọnịrị aza ana yà pè e. Wâ yẹ ka isoja obooro ẹ vị nị. Ê divi anka ọdụmị ana a wụ̀ ezi. Wa rẹ yẹ ka o si kù ana ada awụ hụrẹ aa kụ̀ ịrẹkụ. Ọnịrị isoja anị ẹ yị vaa sụ aha ọnya ịrahụ.

Ahẹ Ụgama 34:10

Wáá yẹ ka ịjị ẹnyị ụngwẹ kụ̀ idu nịnị di e yi re ịsa rị? Ama aza ana ahịka ẹẹ̄ mẹ̀ ịsa ẹnẹ Ẹnẹyịmavara kà, ẹ yị nyị si e yee sì ẹnị è yi vee re.

Ahẹ Ụgama 58:6

Ohomorihi, navọ we hu anyị hi ọnịvị ẹnẹẹ irenu Mị ka navọ wa jị ọgọ chire irenu aza edivi ana sị mẹẹ anka idu avọọ.

Ayịsaya 35:9

Ẹ yị vaa nyị Idu ịzọọ. Ẹ yị rẹ nyị uye odivi ọnyọọnyị ana vaa vatụra oze ọnọọ. Aza oni Ohomorihi sị hị́ varẹma kẹnẹ ẹ vaa vatụra oze ọnọọ nị.

Ayịsaya 5:29

Ezirẹkụ ẹnịnị èe nowu, vị ọ sị mẹẹ anka idu avọọ nị. Vi eē nowu anka ezi idu mẹ̀ẹ ẹ̀ẹ si uye za avọọ nị. Ịsị ẹ̀ẹ za dị ẹ sị ọ aa na, ẹ yị nyị ọza ana zụ dọ wa.

Ijeremaya 2:15

Ọnịvị Anisirẹrị nịnị aa hàa hi wa anka idu avọọ, ẹ kụ aza dụ hụrị ẹtẹ Isirẹrị, dị ẹkụra ẹnịnị sị jị eburu nị. Aza ẹ sị hụ́ hụụnị anị bemi-bemi.

Ịzakaraya 11:3

Ọdọvịdị nịnị ee nowu booro-booro, ụbanyị ẹnịnị ộ ta. Batọ owu idu nịnị; iruku ana vị eehi ẹnịnị ana gụrị Ijodani ộ ta.

Ọdọvịdị 16:20

di o nowu hị́ Ịsamịsịnị ka Anihwirisiti nịnị ẹ vẹ ka ẹnị ẹ vaa za a nị. Ịsamịsịnị mẹ ha hụụnị ịnị ara, di o ro ka ọnị raa banyị ẹngụ anị ha anka ọ mẹẹ̄ vịdịị mẹ̀ avọọ nị. Ama ọ yị yẹ ka ụkata Ẹnẹyịmavara ọ sị hụrẹ ọnị ẹngụ.