Ijeremaya 51:37 - IWE ỌNỊNỊ

³⁷ Ẹtẹ Ịbabịrọnị vaa jị eburu dị ahịka uye ịnị avị ẹ kụkụ ra ịzọọ nị. Ịrẹyị anị vaa mẹ ayịị hụrị aza ịnẹ, ẹtẹẹtẹrẹ èe re e, dị ọ kụkụ aa nyị ọza ịhyẹrẹ. Ọza ẹ́ yị ma vana ra ịzọọ.

Ijeremaya 51:37 ပူးပေါင်းရင်းမြစ်များ

2 Ịtọpa 29:8

Ẹnẹyịmavara vị ana nyayịnẹ du ayị hí Anijuda ọnịrị Anijerusarẹmị nịnị. Ịsị ọnị ọ mẹ̀ wa vi ene hi ọzọza angwa, dị ahị za wa. Ẹnịnị ẹ yẹ ọsọnị ẹtẹẹtẹrẹ.

Ayịsaya 14:23

Ọ kà dị ọnị vara Ịbabịrọnị ụnọmị oni ogugu nịnịị̄ hi ịnị anị. Ọ kà ọnị vaa vara a ẹtẹ ene enyi jị hị́, dị ọnị maanị hì wa hụyẹ-hụyẹ na va ha.

Ijeremaya 18:16

Ẹnịnị ẹ́ raa mẹ ka ẹtẹ ọnọnị oo chire ọza angwa, dị à kụkụụ sị eyi wụ ọ pooro. Ịsị ana aza anaa parahu vee re, vaa za waa zizi. O vee hi wa irenu di e yee zizi ịrẹsụ.

Ijeremaya 19:8

Ẹnẹyịmavara kà ọnị vee vú Ijerusarẹmị ẹtẹ divi-divi. Avaba aza anaa parahu vị ọnị ọ́ vaa zaa zizi óoo me hi wa irenu.

Ijeremaya 25:12

Ọ̀vavẹ ịrẹma anị, dị ọnị vaa sị ụyaa rị ohinọyị Ịbabịrọnị ọnịrị ẹkụra anị agụvị ebira odivi ẹnịnị. Ọ kà ọnị vee vu ẹkụra ọnọọ ẹtẹ dị ọnị jị ọ eburu tịtẹ pooro nị.

Ijeremaya 25:18

Ọnị ộ sị ọ ne tu Anijerusarẹmị ọnịrị avaba ẹkụra ene hi Ijuda, beri ohinọyị ẹnịnị ọnịrị ọdọvịdị ẹnịnị, dị á mẹ ka avaba ẹnịnị è hú ịnị anị nị. Dị ẹnịnị hụ́ hụrị ẹkụra nị. Aza ene re e vị ọnị ọ́ za zizi dị angwa ee hí wa. Dị aza kụkụ aa sị ịrẹha ẹnịnịị chii hị́ aza pooro ve tu ajịnị nị.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 29:18

Ọ kà ọnị vaa kụ́ ịrẹkụ ụngwẹ ọnịrị ụkụụ tù wa dị ọnị sị dụ wa. Avaba anẹkụra ene hi ẹhẹ vee re wa dị ayị aa hụrẹ wa ịnẹ. Ịsị ẹ mẹ tù wa vaa za azaa zizi, dị angwa ee hi wa aha tụra aha ọnị ọnị ọọ dụ wa ne hi. Aza vị ana vaa sị wa mẹ ịyẹyẹ, dị ẹ kụkụ aa sị ịrẹha ẹnịnị tụ ozirenuu hi aza.

Ijeremaya 49:17

Ẹnẹyịmavara kà e vee vú Edomi ẹtẹ divi-divi ana ahịka avaba aza anaa parahu dị e re e nị, ọ vaa za waa zizi, dị angwa ee hí wa.

Ijeremaya 49:33

Ẹnẹyịmavara kà, Ịhazọ vị ọnị ọnị vaa tụ osusu paa dị ahịka irezi ịnị avị ẹ vanaa ra ịzọọ ọnị. Ẹ́ ma vana nyị ọza anaa vanaa ra ịzọọ.

Ijeremaya 51:29

Avaba ẹhẹ aa dọ ẹgahị, dị ee henyi nị, agụvị ka Ẹnẹyịmavara ó si nyima aa tụ́ ẹtẹ Ịbabịrọnị osusu anka ọ́ mẹ ka ọnị vaa mẹẹ. Ọza ẹ́ yị ma vanaa ra ịzọọ.

Ijeremaya 9:11

Ọ kà, Ijerusarẹmị vị ọnị ọnị vaa jị eburu dị ahịka irezi ịnị avị ẹ kụkụ aa ngụ ịnị anịị zị ụmẹ tụra ụmẹ nị. Ọnị vaa tụ ẹkụra ene hi Ijuda osusu, dị ẹ yị nyị ọza ana kụkụ ra ịnị anị.

Imika 6:16

Ọda udivi Omiri Ohinọyị kẹnẹ ụ ta ụvọ ku nị. Waa hama ebira odivi Ahabị ọnịrị Omiri, Agụvị mị vaa sị wụ mẹ̀ apojuwe yị aza ana vọ avọọ mi vee vú ẹtẹ. Aza awụ vị ana a vaa sị mẹ̀ isiya. Aza ene ee re vị ene vee nyi wu unyi.

Ịnahụmị 3:6

Ẹnẹyịmavara kà ọnị vaa mẹ̀ ka aa nyị ịhyẹrẹ Ininivẹ. Ọnị vaa va wa nẹtẹ, dị ọzọza kụkụ aa sị eyi kẹnẹ-kẹnẹ re wa.

Ịzẹhwanaya 2:15

Ininivẹ ịjọnọọ wáá yị? Ẹkụra ana vịdị maanị nyị ụbanyị yịị? Dị aza anị ee wo oto ka ẹnị ẹ sị ha. Ẹkụra ọnọọ ọ va sị vara eburu ịzị uye ịnị avị nịnị kụkụ ra hi aanị nị! Aza ana aa para ịzọọ hu vi ene ee nohi, di e yee ziizi ịrẹsụ kẹnẹ.

Ẹtore 18:2

Dị ụkata-ụkata nowu tụ́ ẹba ka: Ịbabịrọnị ọ sị hyẹdụ. Echu ọnịrị ụhwẹ echu irenyi-irenyi e kuku hi ịnị anị nị. Inomi edivi irenyi-irenyi kẹnẹ e kuku hi ịzọọ nị.