Ijeremaya 51:36 - IWE ỌNỊNỊ

³⁶ Agụvị avọọ, Ẹnẹyịmavara ộ kà a yị Anijerusarẹmị nịnị ka, ọnị vaa dọ ịrazị awụ nịnịị zị, dị ọnị họ̀ oponu ịrẹyị awụ nịnị. Ọnị vaa mẹ ka avaba oswe ene hi Ịbabịrọnị ọnịrị irehu ẹnịnị ẹ̀ wụ.

Ijeremaya 51:36 ပူးပေါင်းရင်းမြစ်များ

Ahẹ Ụgama 107:33

Ohomorihi ộ mẹ̀ ka okuha ene ee sì ọnịrị aha ene enyi aa tụ̀ụ hụrẹ ẹ vara ọpaapara,

Ahẹ Ụgama 140:12

Ẹnẹyịmavara, mâ yẹ ka ụ vaa dọ ịrazị onosiye ọnịrị oniruwa nịnịị zị.

Ụhịrẹyị 22:23

Ẹnẹyịmavara vaa jẹẹ yị wa, ịsị aza ẹ̀ẹ kụ tu wa ọnị rẹ vaa kụ tu ẹnị nị.

Ụhịrẹyị 23:11

Ẹnẹyịmavara ọ vị ọnụkata anaa vụ̀ ịrẹvụ ẹnịnị nị. Ọ vaa jẹẹ yị wa.

Ayịsaya 19:5

Okuha Ịnayịrị vaa wụ̀ dị ọ jị adavụ.

Ayịsaya 43:14

Ẹwụ nịnị Anisirẹrị, Ohomorihi awụ nịnị ana vị Ọnịnị, ana dọ wụ nịnị ha ka, ọnị vaa hụ agụvị awụ nịnịị tụ́ụ nọ Ịbabịrọnị. Ọnị vaa gara oze ọbanyị ẹnịnị ana a sị enyusẹ mẹ ha. Owu ẹnẹ ẹyaa na vaa vara orere.

Ayịsaya 44:27

Ẹ̀ma mẹ ọda ka òkù ọ̀ wụ nị. Mị vaa mẹ irehu awụ nịnị ẹ̀ wụ.

Ijeremaya 50:38

Ọyị vaa jị ẹkụra ẹnịnị, dị avaba irehu ẹnịnị wụ. Ịbabịrọnị vị ẹtẹ ọnị ori edivi-edivi hi. Ori ẹnẹẹ ẹ́ sị wa tụ́ ụra.

Ijeremaya 51:11

Ẹnẹyịmavara ọ na raa hị́ ẹnị ohinọyị Animediya nịnị, agụvị ka ee si ka ọnị ò vu Ịbabịrọnị ẹtẹ. Avọọ Ẹnẹyịmavara mẹmẹ vaa mẹẹ họ̀ oponu irehi anị ọnị ẹnịnị du ha nị. Ọdọvịdị isoja anaa vẹ wa ịrẹkụ ka, ọzọza ọ sị ọpa anị dị ò nee. Ọzọza ọ̀ sị ogonto anị rị ụvọ o.

Ijeremaya 51:6

Ọ kà ọzọza ò zwè hụrị ẹtẹ Ịbabịrọnị, ọzọza ọ sị ụvọ ku ịrẹsụ oo zwè. Asị ụ zẹ ka a wụ agụvị ebira odivi ẹnịnị. Ụmẹ o si tu ka ọnị Ẹnẹyịmavara ọ̀ họ̀ oponu, ọnị vaa sị ụyaa rị wa á mẹ vọrọ.

Ezikẹẹrị 25:14

Ẹnẹyịmavara kà aza anị Anisirẹrị nịnị vaa họ̀ oponu ịrẹsụ Edomi, dị ẹ̀ mẹ ka Anedomi nịnị vaa yẹ aza mẹẹ rị ụya ọnị ọ̀ọ ka ọnị aa họ̀ oponu.

Ihoseya 13:15

Anehwireemi ẹ̀ẹ daka nyị ịsa hu ezi ẹyịnyara ada ẹnịnị, Ẹnẹyịmavara kà ọnị vaa tụ́ ahị ịrịra hụrị ịnị ụnọmị eyi ịzị ọyị zị hụrẹ vẹ ka ọ va wụ enyi ini oswe ọnịrị ịkangga ene hi ịzọọ. Avaba ogu ọnị ẹ nyị vị ana va kụ́ hụrẹ wa ẹngụ.

Aniroomi 12:19

Ẹwụ nịnị ẹyịnyara amị, asị u sí atọ ịrẹyị ẹngụ awụ nịnị, oo! Ama naavọ yị Ohomorihi, di ò sí ọọ, agụvị ka â vịdị chẹrẹẹ ka Ohomorihi Ananyị yị ka, “Emeē sí atọ nị, mi vee sí atọọ varẹma.”

Iwe Ọhụhị Imosiisi ana aa hị́ Ọyịvatụrọda 32:35

Ẹnẹyịmavara vaa họ̀ oponu, dị ọ sị ụya rị wa. Ụmẹ aa vẹ ọnị ọnịvị ẹnịnị vaa hyẹdụ; ụmẹ ọnị ịrẹyị odivi vee si tu wa ọ sị gụrị ẹtẹ.

Iwe Ọhụhị Imosiisi ana aa hị́ Ọyịvatụrọda 32:43

Ẹwụ nịnị anẹhẹ wee beri Anisirẹrị aza anị jẹ ịrajẹ agụvị ka ọnị vaa sị ụya rị anaa wụ̀ wa. Ọnị e si ọnịvị atọ, dị ọnị jị eyi ve hụụnị ịvị aza anị.

Ẹtore 16:12

Dị anggẹẹrị ọhụhịnọnyị ọnị rẹ và ene hi ịnị ịchacha hi ini okuha Iyuhureti ana banyị nị. Dị enyi anị wụ, ka oze ò tenyi tịtẹ yị ohinọyị nịnị ana yà eyi ọnị ọyịị̄ zịị hụrẹẹ vẹ nị.