Ijeremaya 51:34 - IWE ỌNỊNỊ

³⁴ Inebukadineza, ohinọyị Ịbabịrọnị ọ sị ẹnị gara ha, ọ sị ẹnị tu avọ osusu anka a mẹẹ tụ ụnọkọ osusu avọọ. Ẹ ka, ọ sị ẹnị za mụnẹ anka ẹwụ mẹẹ mụnẹ ịsa avọọ. Dị ọ kụ avaba ịsa ohine-ohine ẹnẹ ẹnị nyị hi ịrẹka nị. Ọ rẹ sị ẹnị tọmọ và hi ẹtẹ o.

Ijeremaya 51:34 ပူးပေါင်းရင်းမြစ်များ

Ijoovu 20:15

Aza Odivi vị ana va hẹrẹ ogu ọza ene e yi.

Ahẹ Ụgama 74:13

Ẹwa sị ụkata awụ mẹ ka enyi ò che ẹẹva nị, dị ụ za uye odivi ọbanyị ana aā hi Ireviyatani ana yà ịnị oku dị wụ chaka a ịrẹsụ nị.

Ụhịrẹyị 1:12

dị waa jị ọyị yị aza anaa mẹ ẹhẹ ẹnịnị.

Ayịsaya 34:11

Inomi edivi irenyi-irenyi e venee hi ịzọọ nị. Ohomorihi vị ana vaa vara ẹtẹ Anedomi ẹtẹ ọpaapara ana ahịka ẹ yị nyị ịsị ọ zụ mẹ.

Ayịsaya 42:22

Ama booro aanị aza anị vị ana a kụ́ ẹnya, di gu oze hi wa tụ ịnị ụsị, dị a kụ́ wa tẹ hi ịnị ẹngwa nị. Â mẹ̀ àko yị wa, dị a kụ wa ẹnya, dị ẹ̀ yị nyị ọza ana gụ wa ụvọ nị.

Ijeremaya 50:17

Ẹnẹyịmavara kà Anisirẹrị nịnị vị ana sị mẹẹ anka atẹmẹ ọnị idu nịnị dụ, dị ẹ gara hi ozi avọọ. Ịpaapa, ohinọyị Asiriya ọ vịdị kwẹẹtẹ tu wa nị, dị Inebukadineza, ohinọyị Ịbabịrọnị ọnị kụkụ va sị anyị ngụ wa na za ẹchụkụ nị.

Ijeremaya 50:7

Avaba aza ene ré wa vị ana kwẹẹtẹ tu wa. Ọnịvị ẹnịnị ka, ịsa tụra ịsa ọnị ẹnị ẹẹ mẹ wa booro aanị, ẹnị ẹ́ yị rị ịvị, agụvị ka Anisirẹrị nịnị ẹ mẹ̀ ebira odivi hi Ẹnẹyịmavara nị. Ẹnẹyịmavara ọnọnị ọọ̄ sị ẹngwọọrọ yị wa nị. Ọnị ohiku Anisirẹrị vịdị sị ayị tụra nị.

Ijeremaya 51:44

Ẹnẹyịmavara kà, ọnị vaa sị ụyaa rị ori Anibabironi nịnị ana aā hị́ Ịbẹẹrị, dị ọnị mẹ ka ọ̀ hẹ̀rẹ avaba ịsa ọnị o yi. Anẹkụra-ẹkụra nịnị ẹ́ yị ma vana va mẹ̀ ẹ. Ọvọ Ịbabịrọnị o si wu o.

Ijeremaya 51:49

Ọ kà, aa nyị Anibabironi nịnị ẹ̀ rị ụya agụvị avaba Anisirẹrị nịnị ẹnẹ ẹ́ wụ. Anibabironi nịnị ệ mẹ ka aza ọrụrụ-ọrụrụ è sú avaba ịrẹsụ ẹtẹ.

Arụwẹ 1:1

Oogwoo, Ijerusarẹmị ana vịdị maanị nyị aza a maanị tụ osusu aanị nịị! Ẹkụra ọnị avaba anẹhẹ vịdị maanị sị ụbanyị yị ọ kụkụ tịtẹ goo anka osoku aanị nịị! Ẹkụra ana vịdị ya ọvịdị ẹkụra ana vọ, ọ kụkụ vị ọrịhị anẹkụra ana vọ aanị nị.

Arụwẹ 2:16

Avaba ọnịvị Ijerusarẹmị nịnị vị ana kụkụ aa sị ọ mẹ enyinyi, dị ẹ kụkụ aa sị eyi oweyi re e nị. Ẹ kụkụ à jị aahị hi wa, dị ẹ yaa ka a ka imba ẹnị ẹ sị ọ vú ẹtẹ nị. Ẹ kà ẹkụhị ọnị ẹnị jẹẹ ee zí eyi yị.

Ezikẹẹrị 36:3

Kà ịsẹ, dị wa nọ̀ọ yị wa ịsị ọnị Ẹnẹyịmavara Ananyị ụkata hu aa kà, ụmẹ ọnị anẹkụra-ẹkụra ana gụrị Anisirẹrị sị za Isirẹrị dị ẹ kụ wa ẹnya, ẹnịnị vị anaa kụ Anisirẹrị nịnị ụhụ.

Ihoseya 8:8

Anikinami nịnị ẹ raà za Anisirẹrị nịnị rị. Ẹnịnị ẹ yị nyị ịsị ẹ vị ịnị akakana anẹkụra nịnị ana vọ

Emọsị 8:4

Dị ọ ka ẹ̀ tamayị ẹnịnị mẹmẹ aa mẹ̀ ẹvaya yị ọkụmị nịnị, dị ẹ yaa wụ́ onosiye ene hị́ ịnị ẹtẹ ọnọọ.

Ịnahụmị 2:2

Ẹnẹyịmavara aa vaa va Anisirẹrị nọ udi ụbanyị ọnịrị ụkata anka ẹ mẹ vịdị ya dị ọnịvị ẹnịnị vaa sị ịrẹkụ hụ́ wa.

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.