Ijeremaya 51:33 - IWE ỌNỊNỊ

³³ Ẹnẹyịmavara Ochẹtẹẹngụ, Ohomorihi Anisirẹrị nịnị ka, ezii Anisirẹrị nịnị vị ana sị mẹẹ anka ịzị eē tụ́ akụ avọọ. A vaa sẹ́ waa vàa hi ẹtẹ ịsọnị-ịsọnị, dị aa kụ ahụ pịrị wa.

Ijeremaya 51:33 ပူးပေါင်းရင်းမြစ်များ

Ayịsaya 18:5

Di ò nee tù ka ododo ẹtụtụ ịvayịnị ẹ kụ́ hụrẹ, eyee vi, o di tù ka à há wa, a raà kụ́ Anikusi kwooze. Vị a vaa kụ́ waa kwooze ẹngwọọrọ-ẹngwọọrọ Anaka a mẹ̀ẹ sị ụhwọ da avọ́ ọchị ịvayịnị hwẹẹrẹ avọọ nị.

Ayịsaya 21:10

Ẹwụ nịnị aza amị ana a raà za eyi kwọrọ ẹtẹ, ịrẹyị ẹnẹ Ẹnẹyịmavara Ochẹtẹẹngụ sị zụ̀ mị mị kà wụ nịnị avọọ nị.

Ayịsaya 47:1

Ẹnẹyịmavara kà, Ẹwụ Ịbabịrọnị, chí hụụ ịrẹsụ aga ohinọyị awụ, dị ụ wa yaatụ ini edudu ini eteesu. Vị́ ụ vịdị sị mẹ anka ozi ọnẹẹ ẹnẹ ẹ yị yẹ ọnọrụ avọọ nị. Ẹkụra ọnị ọza èeè yị nyị ẹbẹẹba anị da ụ vị nị, ama booro aanị wẹ yị kụkụ vị ẹngụ aza ana a vọrọ ka à tangwa sị ụvọ za, ka ọ va tọ ụnava. Wa sị vara ọrịhị.

Ijeremaya 51:32

Ẹ ka ọnịvị ẹnịnị jẹẹ ịzị a zịị̄ jịnẹ irehu. Ẹ sị irehi ọbanyị ịzị isoja ẹnịnịị tẹẹ sere ẹtẹ rị ịra. Ivoovo ọ sị isoja ẹnịnị za.

Ihoseya 6:11

A vị ẹnịnị Anijuda yọ, ụmẹ ọnị ẹ vaa sị rị ụya tịtẹ ee zi wa. Ama Ẹnẹyịmavara kà ọnị e si ka ọnị ọ sị Anisirẹrị nịnị aza anị kwẹẹtẹ da.

Ijowẹrị 3:13

Ẹnịnị vị ana nyayịnẹ divi yị ẹngụ ẹnịnị; Sẹ́ wa va hi ẹtẹ anka akụ ịnị ụmẹ ịsa ọyịna ịnị aarẹ avọọ. Kwọrọ wa anka aā mẹ̀ kwọrọ igirepi ịnị ụkọ avọọ! Pịrị ọ dị eche anị oo si, dị ụkọ o hi kaa vaa ha.

Emọsị 1:3

Ẹnẹyịmavara kà, “Anịdamasịkọsị ẹ raà mẹ̀ ebira odivi tụra-tụra, agụvị avọọ ọnị vaa sị ụya rị wa. Ẹnịnị ẹ raà chamayị yị Anigiriyadi ẹnẹmẹhị. Ẹnịnị ẹ yị mẹ̀ ẹ sị rị.

Imika 4:12

Ama ẹnị ẹ yị va yẹ ịsị Ẹnẹyịmavara ee ro. Mị ka ẹnịnị ẹ yị yẹ ịsị ọnị ọ vaa mẹ. Ẹ yị yẹ ka vị ọ kụ́ Anisirẹrị gụ ka oni ò tụ́ wa kẹnẹ nị. Ọ kà ọnị ee tụ́ wa á mèe tụ́ ayị ịnị ịda avọọ.

Imika 4:13

Ẹnẹyịmavara kà ẹwụ nịnị Anijerusarẹmị ọ̀ kwẹẹtẹ. Ọ kà wa kwẹẹtẹ di we nee tù ọnịvị awụ nịnị. Ọ kà ọnị vaa mẹ ka wa nyị ụkata anka ụnọ ana nyị ọpanyị enyusẹ Dị ọnị sị ụkata wụ nịnị anka ụnọ ana nyị ẹtụpa enyusẹ Dị ụ vavọọ aa sịị gara ọnịvị awụ nịnịị ha. Dị ụ kụ́ avaba ogu ẹnị ẹ sị ụkata dọ aza. Dị ụ dọ wa dị ụ sị na yị Ẹnẹyịmavara ana nyị avaba ẹhẹ.

Ihabaku 3:12

Dị Ẹnẹyịmavara, sị ọyịkụ-ọyịkụ zị ụsẹ che ẹtẹ parahu, dị ọ sị ayodu sị ahụ hi avaba anẹhẹ nị.

Imatiwu 13:30

Navọ wa, è duduu hụ ne tù ụmẹ anaa sịị̄ mẹ̀ ẹ! Ụmẹ anaa sịị̄ mẹ̀ ẹ òo si tù, dị mị kà a yị aza ana aa mẹ̀ ẹ ka: ‘Vịdị hu ebe ẹnẹẹ nịnị, dị ụ wa sụ́ wa hi ẹtẹ, dị à kụ́ wa na và hi ịnị ịra! Dị ụ wa mẹ akụ amị nịnị, dụ wa kụ́ ọ hi ịnị ụhwọ!’ ”

Imatiwu 13:39

Ọnịvị ọnọọ ene ne chire ebe ẹnẹẹ ọ vị echu nị. Ụmẹ anaa sịị̄ mẹẹ ọ vị ụmẹ ọdịrẹma ẹhẹ nị. Aza ana vaa mẹ wa ọ vị anggẹẹrị nịnị nị.