Ijeremaya 51:28 - IWE ỌNỊNỊ

²⁸ Ọ kà à kà a ka ẹkụra-ẹkụra è tenyi ẹngụ ịrẹkụ tu Ịbabịrọnị. À tụ́ na hi ohinọyị Animidiya nịnị, beri ẹnị Ịgọvọnọ ẹnịrị ọdọvịdị nịnị, dị à hị́ isoja avaba ẹtẹ ọnị ẹyaa mẹ ọda tụra ịrẹsụ.

Ijeremaya 51:28 ပူးပေါင်းရင်းမြစ်များ

Oyinyima 10:2

Ezi Ịjahwẹtị nịnị ẹ vị Igoma, Ịmagọgị, Ịmadayị, Ịjavanị, Itubari, Imeseki ne beri Itirasi.

1 Ịtọpa 1:5

Ezi ọnọrụ ọnị Ịjahwẹtị ma â hị́: Igoma, Ịmagọgị, Ịmadayị, Ijavani, Itubari, Imeseki, ọnịrị Itirasi nị. Ẹnịnị ẹ vị ohiku aza ana aā rị ịrẹha ẹnịnị nị.

Ẹsịta 1:3

Ịnị ịrayị ọhụta ọnị ọ rị ohinọyị, ộ jẹrị ẹngụ anị, dị ọ mẹ̀ ịsa gwẹẹtẹ yi aza ọkọọka ọnịrị avaba ọdọvịdị ẹkụra irenyi-irenyi nịnị ene hi ini ẹtẹ anị nị. Ộ hị́ avaba ọgọọga ịrẹkụ Anipesiya ọnịrị Animediya nịnị ne beri ịgọvọnọ nịnị ẹnịrị aza ọkọọka nịnị vẹ ịnị anị.

Ẹsịta 10:2

Avaba ịsa ẹbanyị-ẹbanyị oni ohinọyị mẹ̀ ọnịrị ụkata ọnị ọ nyị, neberi ọ́ mẹmẹ ka udi Imodekaya hịrẹ vị ana a chẹrẹ tụ́ ịnị iwe ịtọpa ohinọyị Anipesiya ọnịrị Animediya nịnị.

Ayịsaya 13:17

Ẹnẹyịmavara vaa tụ́ Animediya ịrẹyị tù wa. Ẹ yị nyị ịzị ịrẹyị ẹkẹhị ọnị gẹ Animediya.

Ayịsaya 21:2

Ohomorihi ộ mẹ̀ ka me re ẹtẹ ka ịrẹyị ana vaa mẹ ô divi ẹtẹẹtẹrẹ. Mê re ka onireche e ne reè cheeche yị ọnịvị nịnị ana mẹ ka è re oze wụ̀ aza va ha ẹtẹẹtẹrẹ. Dị aza nịnị nyayịnẹ hara ogu nị. Ẹwụ nịnị isoja Erami ọnịrị isoja Animediya kwẹẹtẹ wa kụ́ ịrẹkụ ne tù anẹkụra ẹnẹẹ nịnị. Ohomorihi ọ yị kụkụ vaa zẹẹ ka Anibabironi ẹ̀ sịị sị ụyaa rị aza.

Ijeremaya 25:14

Ọ kà ọnị vee si Ịbabịrọnị ụta avaba ịsị ẹ mẹ. Anẹkụra ọrụrụ-ọrụrụ ẹnịrị ohinọyị ẹbanyị-ẹbanyị vaa za wa ọrịhị.

Ijeremaya 25:25

Avaba ohinọyị ẹtẹ Izimiri, avaba ohinọyị ẹtẹ Eraami, ẹnịrị avaba ohinọyị ẹtẹ Imediya:

Ijeremaya 50:41

Ré, aza ẹẹ hụrị eyi ẹbẹẹba aa vẹ. Ẹkụra ọbanyị ọnya ọnịrị ohinọyị ọrụrụ-ọrụrụ hụrị aha ẹnẹẹnẹ ee tenyi ẹngụ ịrẹkụ.

Ijeremaya 51:11

Ẹnẹyịmavara ọ na raa hị́ ẹnị ohinọyị Animediya nịnị, agụvị ka ee si ka ọnị ò vu Ịbabịrọnị ẹtẹ. Avọọ Ẹnẹyịmavara mẹmẹ vaa mẹẹ họ̀ oponu irehi anị ọnị ẹnịnị du ha nị. Ọdọvịdị isoja anaa vẹ wa ịrẹkụ ka, ọzọza ọ sị ọpa anị dị ò nee. Ọzọza ọ̀ sị ogonto anị rị ụvọ o.

Ijeremaya 51:27

Mẹ ịsị a vaa sịị yẹ ịrẹkụ o si tu. Hú ọpanyị ịrẹkụ dị ẹkụra-ẹkụra ẹ̀ wụ ọ. Kà a ka ẹkụra-ẹkụra o tenyi ẹngụ ịrẹkụ tu Ịbabịrọnị. Hị́ ohinọyị ẹtẹ Ararati, Imini ọnịrị Asikenazi nịnị ka, ẹnịnị ẹ̀ kwẹẹtẹ tụ ọ. Nyị ọdọvịdị ana vaa kụ wa nọ ịrẹkụ ọnọọ. Ẹnẹyịmavara kà, à kụ vaa kụ wa nọ ịrẹkụ ọnọọ. Ẹnẹyịmavara kà, à kụ umaata gigirigi anka ọkọnị akụvarịvaa avọọ.

Ijeremaya 51:29

Avaba ẹhẹ aa dọ ẹgahị, dị ee henyi nị, agụvị ka Ẹnẹyịmavara ó si nyima aa tụ́ ẹtẹ Ịbabịrọnị osusu anka ọ́ mẹ ka ọnị vaa mẹẹ. Ọza ẹ́ yị ma vanaa ra ịzọọ.

Ịdanịyẹrị 6:1

Ẹkụhị ọnya, ohinọyị Ịdarịyọsị ộ nyị aza ẹnị ẹchẹhị tụra oohu ka ẹ̀ vị Ịgọvọnọ ene vee pe ọnị sị eyi pe avaba ẹtẹ ọnị ọnị aa mẹ ịjọva anị.

Ịdanịyẹrị 6:8

Dị ẹ ka, agụvị avọọ, ohinọyị ọ mẹ ọda ọnọọ anka ọda Animeedi ọnịrị Anipesiya nịnị ọnị ọza ẹ yị ma vara.

Ịdanịyẹrị 8:20

Ọ kà ịdẹba ọnị ọnị re ene nyị ọpanyị ẹẹva aanị vị ẹnị ohinọyị Animediya ọnịrị Anipesiya ana vaa rị.

Ịdanịyẹrị 9:1

Ọnọrụ ana aā hị́ Ịdarịyọsị ana vị Animeedi, ộ rị ohinọyị Ibabironiya ụmẹ ọnya aanị. Ada anị aā hị́ Atakisesi nị.