Ijeremaya 51:24 - IWE ỌNỊNỊ

²⁴ Ẹnẹyịmavara kà, ọnị vee sí Ịbabịrọnị ọnịrị aza ene hi ịzọọ atọ avaba ịsị odivi ẹnẹ ẹ́ mẹ hi Anijerusarẹmị nịnị, dị u re e.

Ijeremaya 51:24 ပူးပေါင်းရင်းမြစ်များ

Ahẹ Ụgama 79:10

Asị ụ zẹẹ ka anẹkụra ẹhịmị ẹnẹẹ ẹnẹ ẹ̀ yị yẹ wụ ẹ̀ naa kà a ka ịzị Ohomorihi ọnị ị ka yâ nịya. Navọ wa sị zụ̀ anẹkụra ẹnẹẹ ini eyi ayị ka u vee si atọ ịrẹyị aza awụ ẹnị ẹ wụ.

Ayịsaya 48:14

Ẹnẹyịmavara kà a kụ ẹngụ gụ, dị ẹ wụ́ ịrẹyị anị. Áá nyị ọnya ịnị ori nini ana kà a yị wa ọza ọnị ọnị sì ịrẹyị anị, ọnị ọnị nyị ka o va eyi ịraazị ka Ịbabịrọnị? Ọza ọnọọ va mẹ̀ ịsa ọnị ọnị si ka ọ mẹ.

Ayịsaya 61:2

Ẹnẹyịmavara ọ raà tụ́ mị ka ma kà a aza ana barịwẹ Ka ụmẹ ọnị Ẹnẹyịmavara vaa dọ aza anị ha, o sí tụ́ dị ọ nyị ehuna ịrẹsụ ọnịvị ẹnịnị ọ raà tụ́ mi ka ma sị́ ayị aza anaa zị ẹngụ nẹtẹ.

Ayịsaya 66:6

Ẹnẹyịmavara kà ẹnị ẹ wụ́ ẹtẹ ana sụ ịrẹyị ịnị ẹkụra ọnịrị ịnị irehi anị, Ọnị aa sị ụya rị ọnịvị ẹnịnị ọnị ẹtẹ vavọọ aa sụ̀ ịrẹyị nị.

Ijeremaya 25:14

Ọ kà ọnị vee si Ịbabịrọnị ụta avaba ịsị ẹ mẹ. Anẹkụra ọrụrụ-ọrụrụ ẹnịrị ohinọyị ẹbanyị-ẹbanyị vaa za wa ọrịhị.

Ijeremaya 50:10

Ẹnẹyịmavara kà avọọ á mẹ vaa kụ́ Anibabironi nịnị ẹnya, dị ẹnya hụ aza ana va kụ wa ẹnya nị.

Ijeremaya 50:15

We nowu ịrẹkụụ kara Ịbabịrọnị nịnị. Ịbabịrọnị ọ sị dọ booro aanị. Asị ọvọ anị gara ha saka-saka. Ẹnẹyịmavara kà vị ọnị aa họ̀ oponu ịrẹsụ Anibabironi nịnị aanị nị. Agụvị avọọ ẹwụ nịnị ọnịvị ẹnịnị, waa họ̀ oponu ịrẹsụ ẹnịnị nịnị, dụ wa mẹ wa anka ẹnị mẹ rẹ vịdị aza ana vọ.

Ijeremaya 51:11

Ẹnẹyịmavara ọ na raa hị́ ẹnị ohinọyị Animediya nịnị, agụvị ka ee si ka ọnị ò vu Ịbabịrọnị ẹtẹ. Avọọ Ẹnẹyịmavara mẹmẹ vaa mẹẹ họ̀ oponu irehi anị ọnị ẹnịnị du ha nị. Ọdọvịdị isoja anaa vẹ wa ịrẹkụ ka, ọzọza ọ sị ọpa anị dị ò nee. Ọzọza ọ̀ sị ogonto anị rị ụvọ o.

Ijeremaya 51:23

Ẹwụ nịnị, ọnị tụ na wụ̀ oseratẹmẹ nịnị ẹnịrị ịsụpa ẹnịnị, dị ụ wụ ọkụrẹkụ nịnị ẹnịrị aza ẹnẹ ẹyaa kụụ mẹ̀ ụkọrọ nị. Waa wụ̀ Ịgọvọnọ nịnị ẹnịrị ẹnị ọdọvịdị nịnị.

Ijeremaya 51:35

Jẹẹ avaba Anịzayọnị ẹẹ kà a ka, Ohomorihi ọ̀ họ̀ oponu avaba ụya ana sị rị ẹnị Ịbabịrọnị, jẹẹ avaba Anijerusarẹmị nịnị ẹẹ kà a ka, Ohomorihi ò họ̀ oponu avaba aza ẹnịnị ana a wụ Ịbabịrọnị.

Ijeremaya 51:49

Ọ kà, aa nyị Anibabironi nịnị ẹ̀ rị ụya agụvị avaba Anisirẹrị nịnị ẹnẹ ẹ́ wụ. Anibabironi nịnị ệ mẹ ka aza ọrụrụ-ọrụrụ è sú avaba ịrẹsụ ẹtẹ.

Ijeremaya 51:56

Ẹnẹyịmavara kà ẹnịnị ệ vẹ ka ẹnị è ve vu Ịbabịrọnị ẹtẹ. Ẹ sị isoja Anibabironi nịnị za dị ọkịta ẹnịnị ku che nị. Ọ kà, ọnị ọ̀ vị Ohomorihi anaā sịị ụyaa rị aza anaa mẹ ịsị edivi nị. Ọnị ee sí Anibabironi nịnị atọ.

Arụwẹ 3:64

Ẹnẹyịmavara sị ụya ịsa ẹnẹ ẹ mẹ̀ rị wa

Ẹtore 18:20

Ẹwụ nịnị ene hi ẹbẹẹba ọ̀ọ jẹ! Ẹwụ nịnị aza Ohomorihi ọnịrị ezirẹma Ijeesu beri ọnịsẹ nịnị ọ̀ọ jẹ agụvị Ịbabịrọnị, agụvị ka Ohomorihi o reè sị ọ atọ wụ nịnị!

Ẹtore 18:24

Anya ọnịsẹ nịnị ọnịrị anya aza Ohomorihi ana a wụ beri anya avaba aza ana a wụ ịnị ẹhẹ, yà ịrẹsụ Ịbabịrọnị.

Ẹtore 6:10

Di e yee nowu booboro, dị ẹ ka: Ananyị yị ana vị ọnịrẹyịzẹyịza dị ẹ̀ yị nyị ẹngụ anị, ịhị ọ vaa mẹ̀ ọkarẹyị yị anẹhẹ di ò sí wa atọ ọyịwụ̀ ẹnẹ ẹ wụ̀ ẹnị?