Ijeremaya 51:22 - IWE ỌNỊNỊ

²² Ẹwụ nịnị ọnị tụ na wụ̀ aza irenyi-irenyi va ha nị. Ọnọrụ ọnịrị anẹẹ nịnị, ọzọkụ ọnịrị ozweyi nịnị, beri ezwọọmụha ọnịrị ezwoorihi nịnị nị.

Ijeremaya 51:22 ပူးပေါင်းရင်းမြစ်များ

2 Ịtọpa 36:17

Avọọ Ẹnẹyịmavara sị ohinọyị Ịbabịrọnị ka o va eyi ka wa nị. Dị ohinọyị wụ̀ ezi ọmụha Anijuda huu na ngụ ịnị irehi Ohomorihi. Ẹ yị nyị ọza ọnị ẹ vayị anị, ozweyi a vị ọzọkụ, ọnọrụ a vị ọnẹẹ, ọnụkụ a vị ọza ana nịya, Ohomorihi vị ana hụrẹ avaba ẹnịnị ụvọ chire ohinọyị Ịbabịrọnị ụvọ.

Ayịsaya 13:15

Avaba aza ana aa za, dị a ká a ụhwọ, dị o sú.

Ayịsaya 13:16

Aanị ẹ màa jẹẹ dị a za ezi ẹnịnị eyi ẹnịnị, di aa jị waa kú ịsa dị a wụ̀ wa nị. Ẹnya ini irehi ẹnịnị vị ana a vaa kụ́, di a za ose ẹnịnị di ee pè waa sụ éyi ẹnịnị.

Ayịsaya 13:18

Ezwọọmụha vi eni e vee che ọpa. Ẹnịnị ẹ yị vaa vayị ozweyi vụrụ-vụrụ.

Ayịsaya 20:4

Avọọ ohinọyị Anisiriya mẹ̀ vaa kụ́ Anijipiti ọnịrị Anikusi ọrịhị, dị ọ tụ́ wa ahwaahụ dị ahịka ahụ osusu ẹ yaa sịị zị nị. Ozweyi ọnịrị ọzọkụ ẹ vavọọ vaa kụ́ nị. Iruvo ẹnịnị vị ana vaa kụ́ụ hi ẹhẹ. Ụhị vaa nyị Anijipiti ịhị ọnọọ.

Ijeremaya 44:7

Ẹnẹyịmavara Ochẹtẹẹngụ, Ohomorihi Anisirẹrị ka, ọnị aa họ̀ wụ nịnị ka, sị ẹ vẹ dị waa mẹ ẹngụ ịsa edivi ẹnẹnị hi ẹngụ awụ nịnị aanị? Vị́ wee si ka we vú ẹngụ awụ nịnị ẹtẹ, dị asị a nyị ọza ana kụkụ vọ nị?

Ijeremaya 50:37

Ọ kà, è vu avaba umaata ẹnịnị ọnịrị ụkẹkẹ ịrẹkụ ẹnịnị ẹtẹ. À wụ̀ avaba isoja ọzọga ẹnẹ ẹ na kụ hụrị aha ọsa vẹ va ha, ẹnịnị ẹẹ da vị ọkụmị kẹnẹ. È du avaba ogu ẹnịnị ha beri avaba ịsa ẹnẹ ẹ sị ụkata-ụkata na kụ hụrị aha ọsa avọọ.

Ijeremaya 51:23

Ẹwụ nịnị, ọnị tụ na wụ̀ oseratẹmẹ nịnị ẹnịrị ịsụpa ẹnịnị, dị ụ wụ ọkụrẹkụ nịnị ẹnịrị aza ẹnẹ ẹyaa kụụ mẹ̀ ụkọrọ nị. Waa wụ̀ Ịgọvọnọ nịnị ẹnịrị ẹnị ọdọvịdị nịnị.

Ijeremaya 6:11

Ọnị ka, ọnịrị ọyịkụ Ẹnẹyịmavara ọ vị booro aanị nị. Ọnị ẹ yị kụkụ zụ zaa. Dị Ẹnẹyịmavara va ka ẹ yị ọnị ka, ọnị ọ̀ và a ku ezweyi-ezweyi ene hi ịnị orere ọnịrị ezwọọmụha nịnị ịzị ẹẹ kụ ẹngụ gụ hi. Ọ kà, ẹvarose vị ana vaa za, azọkụ ene si bo nyẹmba ẹ yị vaa ha.

Arụwẹ 2:11

Ọnị o jị òrèrè pooro eyi aa zị ọnị, ayị anị ộ ta du, ọ ta ngụ ọnị ẹngụ ọnị maa zị ẹngụ aza anị ene vú ẹtẹ. Ewu ọ kụ ezweyi-ezweyi ẹnịrị ezinụvọ zá va hi ẹtẹ ụngwẹ maa kụ wa.

Arụwẹ 2:21

Ezweyi ọnịrị azọkụ nịnị vị ana a wụ̀ va hi ẹtẹ oze; Ezwoorihi ẹnịrị ọmụha ẹnịnị vị ọnị ọnịvị nịnị sị ụ̀hwọ̀ wụ̀. Ẹnẹyịmavara maa kụ ayị, ẹ́ yị vayị ẹnịnị, ọ sị ẹnị wụ̀ va ha.

Ezikẹẹrị 9:6

Ọ kà, ẹnịnị ẹ̀ wụ ọnọrụ ọzọkụ-ọzọkụ, dị ẹ̀ wụ ezwọọmụha. Ẹnịnị ẹ̀ wụ ezwoorihi, ọnyị ozi nịnị ẹnịrị ezweyi bẹẹ. Ama asị ẹ́ kanyị ọza ọnyọọnyị ana a raa tọ̀ ịrẹwa ịnị ibe. Ọ kà ẹnịnị è nyima hụụnị irehi ọnị Ohomorihi Ịzẹyịza dị é nyima hụụ ịrẹsụ ẹnị ọdọvịdị ana jẹẹ ịnị Irehi Ohomorihi ịzọọ nị.

Iwe Ọhụhị Imosiisi ana aa hị́ Ọyịvatụrọda 32:25

Ịrẹkụ vaa mẹ ka a wụ̀ aza avaba oze ene hi ini ẹkụra, di angwa ee hi wa, di ivóvó za wa tụ ini eehi. Ezwọọmụha ọnịrị ezwoorihi Ẹnịnị su va ha. Avọọ ezinụvọ ọnịrị azọkụ ẹnịnị ẹnị mẹ rẹ yịị vee su nị.

1 Ịsamụwẹrị 15:3

Kwẹẹtẹ booro aanị dị wa kụ́ ịrẹkụ ne tù Anamarẹkị di u we du avaba ịsị ẹ̀ẹ nyị va ha. Za avaba ẹnịnị saka-saka dị wa wụ̀ wa, asị a nyị ọnị ụ navọ. Ọnọrụ ọnịrị anẹẹ vị ọnị ụ vaa wụ̀. Dị ụ rẹ wụ ezweyi ọnịrị ezinụvọ ne beri imaaru, atẹmẹ, ọnịrị ịnyaakụmị ne beri ịkẹrịkẹtẹ.”