Ijeremaya 51:21 - IWE ỌNỊNỊ

²¹ Ẹwụ nịnị ọnị sị gara umaata nịnị ẹnịrị aza ana tụra wa ha rugu-rugu nị. Ẹwụ nịnị ọnị sị gara ụkẹkẹ ịrẹkụ ọnịrị aza anaa sị waa zị ha nị.

Ijeremaya 51:21 ပူးပေါင်းရင်းမြစ်များ

Ahẹ Ụgama 46:9

Ọ raà mẹ ka asị anẹhẹ rẹ kụkụ kụ̀ ịrẹkụ Dị ọ za ọkịta ọnịrị ọha ẹnịnị, di o che wa và ha nị Dị ọ kụ́ ogonto ẹnịnị, dị ọ rị wa ịra và ha nị.

Ahẹ Ụgama 76:6

Ẹwụ Ohomorihi oni Ijekọvụụ̄ hẹkẹ, ụ mẹ̀ kara eyi kẹnẹ, onumaata ọnịrị umaata anị ẹ yị kụkụ zụ zizi.

Ọyịkụra 15:1

Ahẹ oni Imosiisi ọnịrị Anisirẹrị jị gono Ẹnẹyịmavara ịhị ọnọọ yị: “Maa jị ahẹ gono Ẹnẹyịmavara agụvị ka ọ sị ọnịvị amị huna, ọ raà sị zụ̀ ka ọnị Ộ nyị ụbanyị. Umaata ọnịrị onumaata vị ọnị ọ tụ́ ụvọ và hi òkū.

Ọyịkụra 15:21

Di Imeriyamị aa jị ahẹ yị wa dị ọ ka, “Waa jị ahẹ gono Ẹnẹyịmavara agụvị ka ọ sị ọnịvị anị hú ẹtẹ. Ọnọọ ọ sị zụ̀ ka ộ nyị ụbanyị. Umaata ọnịrị onumaata vị ọnị ọ tụ ụvọ và hi ini òkū.”

Ọyịkụra 15:4

Ịkẹkẹ Ihwarawo oni umaataā tura ọnịrị isoja anị vị ẹnị Ẹnẹyịmavara tụ ụvọ và hi òkū. Ene hu ini isoja Ihwarawo vi oni òkū Ịkịịkẹ mụnẹ.

Ayịsaya 43:17

Ọnị ọ kụ Anirẹkụ ọrọgọdọ ne vu ẹtẹ nị. Isoja ana kụ́ ụkẹkẹ ịrẹkụ ọnịrị umaata nịnị. Ẹnịnị ệ hyẹdụ, ẹ yị vana zụ kwẹẹtẹ. Vị́ ẹ vana sị mẹẹ anka owu ozotupa ene mí ịra anị avọọ nị.

Ijeremaya 50:37

Ọ kà, è vu avaba umaata ẹnịnị ọnịrị ụkẹkẹ ịrẹkụ ẹnịnị ẹtẹ. À wụ̀ avaba isoja ọzọga ẹnẹ ẹ na kụ hụrị aha ọsa vẹ va ha, ẹnịnị ẹẹ da vị ọkụmị kẹnẹ. È du avaba ogu ẹnịnị ha beri avaba ịsa ẹnẹ ẹ sị ụkata-ụkata na kụ hụrị aha ọsa avọọ.

Ezikẹẹrị 39:20

Ọ kà, ẹnịnị ẹ̀ẹ vẹ́ aha ịsọyịrị anị, ẹ vaa rị uye umaata ọnị ụvọ ẹnịnị òo ku kẹnẹ ọnịrị aza ana tụra umaata ẹnẹẹ oku isoja ana nọ ịrẹkụ nịnị. Ọnị, Ẹnẹyịmavara Ananyị yị ọ kà avọọ nị.

Imika 5:10

Ẹnẹyịmavara kà ụmẹ vaa vẹ dị ọnị wụ umaata awụ nịnị và ha. Ọ kà ọnị vee du ịkẹkẹ ịrẹkụ awụ nịnị ha.

Ịnahụmị 2:13

Ẹnẹyịmavara Ochẹtẹẹngụ kà, ọnị ọ raà va eyi ịraazị ka Anininivẹ nịnị. Ọ kà, ọnị vaa rị ịkẹkẹ ịrẹkụ ẹnịnị ịra, dị ọnị rẹ wụ̀ avaba ọkụrẹkụ ẹnịnị ha, dị ọnị dọ wa ogu aza ẹnị ẹ kụ. Ẹnịnị ẹ yị ma vana tụ ọnụtụ ne chire aza angwa paa.

Ịhagayị 2:22

Ẹnẹyịmavara kà ọnị vaa dọ ịjọva ọnịrị ụkata hụụnị ụvọ anẹkụra nịnị. Ọnị vaa va ịkẹkẹ ịrẹkụ ẹnịnị ọnịrị aza ana tụra wa anga, dị ọkụrẹkụ ẹnịnị anaā tụra umaata vara eyi tu ẹngụ aa wụ ẹngụ ha beri umaata ẹnịnị.

Ịzakaraya 10:5

Anijuda nịnị vaa nyị ehuna anka isoja mẹẹ̄ nyị ẹbẹẹba ọnịvị ịnị oze ana nyị ụvụ avọọ. Ka Ẹnẹyịmavara ya pe wa, ẹ vaa kụ́ ịrẹkụ dị ẹ nyị ẹbẹẹba aza ana aa sị umaata kụ ịrẹkụ nị.

Ịzakaraya 12:4

Ẹnẹyịmavara kà ịnị ẹkụhị ịhị ọnọọ, ọnị vaa tụ́ umaata ẹnịnị angwahi, dị aza ana tụra wa ee chi uvu, ọ ka ọnị vee sere irehi Ijuda ama dị ọnị gu avaba umaata anẹkụra ana vọ eyi.

Ẹtore 19:18

Ọ kà ẹ̀ va rị uye ohinọyị nịnị ọnịrị ọga ịrẹkụ beri uye ọnụkata ọnịrị uye umaata ọnịrị aza ana tụra wa! Ẹ̀ va rị uye avaba aza nịnị, ẹ̀ẹ vị ọrịhị, ẹ̀ẹ vị ozi, ezweyi ọnịrị azọkụ!