Ijeremaya 51:20 - IWE ỌNỊNỊ

²⁰ Ẹnẹyịmavara kà, ẹwụ nịnị Anibabironi, ẹwụ nịnị ọ vị ana sị mẹ ịhama (ọkụkụ) ọnịrị ẹnya ọnị sịị kụ ịrẹkụ avọọ. Ẹwụ nịnị ọnị sị gara ẹkụra-ẹkụra ọnịrị ohinọyị nịnị ha rugu-rugu nị.

Ijeremaya 51:20 ပူးပေါင်းရင်းမြစ်များ

Ayịsaya 10:15

Dị Ẹnẹyịmavara ve họ̀ use dị ọ̀ ka vị ịraga wáá rẹẹ kà a ka ọnị ọ nyị ụkata huna aza ana aa sị ọnịị dà ọchị nị? À vị ànyụ vaa kà a ka oni o kuku huna ọza ana aa sị ọnịị yẹrẹ ọchị nị? O re họ̀ use ka okutẹ óó chema ọza anị, ò vị ọza óó chema okutẹ nị?

Ayịsaya 10:5

Anasiriya nịnị ẹ sị dà. Ayị màa kụ mị mâ sị wa mẹ inori

Ayịsaya 13:5

Ezirẹkụ ẹnẹẹ vị ana hụrẹ avaba ẹhẹ vẹ. Ẹnẹyịmavara vaa kụ́ ịrẹkụụ vẹ dị ọ sị va wụ̀ avaba anẹkụra ẹnẹẹ.

Ayịsaya 37:26

Ọ kà, aanị ka wẹ́ yị wụ ọ ka, o si ku ọnị ọnị hụrẹ mẹ eto avaba ọsọnị tịtẹ? Ọnị ọ va sị ọ mẹ booro aanị. Ọnị ộ sị ụkata yị wụ ka wa jị ẹkụra ana jị ọvọ kara eburu.

Ayịsaya 45:1

Ẹnẹyịmavara ộ raà Ịsayịrọsị ka ọ vị ohinọyị. Ọ raà nyị ọ ka ọ nyị ẹbẹẹba avaba ẹkụra nịnị, dị ọ dọ wa ẹkụra ẹnịnị. Ộ tụ Ịsayịrọsị ka ọ dọ ohinọyị nịnị ụkata. Ẹnẹyịmavara kà ọnị vaa na oze ovwoovu ọbanyị ẹkụra nịnị yọ, dị ẹ yị nyị ọza ene zụ gu wa.

Ayịsaya 8:9

Ẹwụ nịnị anẹkụra, wàa zụ wa kụ́ vabẹ nịnị, vị a vaa gara wụ nịnịị ha nị. Batọ nịnị, o ẹwụ nịnị ana hụrẹ ụtọ ẹhẹ vẹ. Gù ịrẹkụ awụ nịnị ẹtẹẹtẹrẹ, mị ka vị aa gara wụ nịnịị ha nị.

Ijeremaya 25:11

Ẹnẹyịmavara kà, avaba ẹtẹ Ijerusarẹmị vị ana vaa jị eburu. Avaba aza ana ra kara a vanaa kụ hẹkẹ ohinọyị Ịbabịrọnị mẹ ịrayị ẹtarẹwụ.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 50:23

Ịbabịrọnị vị ana sị mẹẹ ịhama ana a sị gara avaba ẹhẹ ha rugurugu, booro aanị a rẹ sị ọnị gara ha. Ịsị e tu ẹkụra ọnọọ ộ zizi avaba ẹkụra-ẹkụra nịnị.

Ezikẹẹrị 21:11

Asị ụhwọ ne tịtẹ booro aanị, asị ịsa da sisi ọ. Asị ọ tenyi tịtẹ yị ọza ana vaa sị naa wụ̀ aza.

Ezikẹẹrị 21:31

Ọnị vaa sị ọyịkụ anịị zụ̀ wụ nịnị, dị ẹngụ awụ nịnị kà ịra anka èe rere ká ịra ku ọza avọọ. Ọnị vaa hụrẹ ụ nịnị ụvọ yị aza edivi, ana yara sị ụya rị aza obooro-obooro.

Imika 4:12

Ama ẹnị ẹ yị va yẹ ịsị Ẹnẹyịmavara ee ro. Mị ka ẹnịnị ẹ yị yẹ ịsị ọnị ọ vaa mẹ. Ẹ yị yẹ ka vị ọ kụ́ Anisirẹrị gụ ka oni ò tụ́ wa kẹnẹ nị. Ọ kà ọnị ee tụ́ wa á mèe tụ́ ayị ịnị ịda avọọ.

Imika 4:13

Ẹnẹyịmavara kà ẹwụ nịnị Anijerusarẹmị ọ̀ kwẹẹtẹ. Ọ kà wa kwẹẹtẹ di we nee tù ọnịvị awụ nịnị. Ọ kà ọnị vaa mẹ ka wa nyị ụkata anka ụnọ ana nyị ọpanyị enyusẹ Dị ọnị sị ụkata wụ nịnị anka ụnọ ana nyị ẹtụpa enyusẹ Dị ụ vavọọ aa sịị gara ọnịvị awụ nịnịị ha. Dị ụ kụ́ avaba ogu ẹnị ẹ sị ụkata dọ aza. Dị ụ dọ wa dị ụ sị na yị Ẹnẹyịmavara ana nyị avaba ẹhẹ.

Ịnahụmị 2:1

Ẹnẹyịmavara kà, Ininivẹ ọza ana vaa hụ̀ nịnị ọ raà vẹ. Sere aha ọyịtẹ̀ awụ ẹnịnị! Si eyi pe oze! Tenyi ẹngụ awụ zi ịrẹkụ!

Ịzakaraya 10:4

Hụụnị Ijuda a vaa nyị ohi ọnịrị ọdọvịdị ne beri ọga isoja ọnịrị ohinọyị nịnị.

Imatiwu 22:7

Ịjị ohinọyị ọnọọ maanị wụ́, ayị ọ sị kụ́ ọọ, dị ọ tụ́ isoja anị nịnị dị ẹ na wụ ọwọza ẹnẹẹ, dị ẹ rị ẹkụra ẹnịnị ịra nị.