Ijeremaya 51:19 - IWE ỌNỊNỊ

¹⁹ Ohomorihi Anisirẹrị nịnị ọnịrị wa ẹ́ yị vị ọnyọọnya, ka ọnị ọ mẹ avaba ịsa nị. Ọnị ọ nyị Anisirẹrị nịnị ka ẹnịnị ẹ̀ vị aza obooro-obooro nị. Ịrẹha anị ọ rị Ẹnẹyịmavara Ochẹtẹẹngụ nị.

Ijeremaya 51:19 ပူးပေါင်းရင်းမြစ်များ

Ahẹ Ụgama 115:3

Ohomorihi yà ẹbẹẹba, ịsa ene zee e eyi kẹnẹ ọọ̄ mẹ nị.

Ahẹ Ụgama 135:4

Ẹnẹyịmavara ọ sị Ijekọvụ nyị ka aanị ọ vị nị. Ọ kà Anisirẹrị vị ogu anị.

Ahẹ Ụgama 16:5

Ẹnẹyịmavara, ẹwa vị ogu amị nọ Avaba ẹhẹ amị vị ana yà ịnị ụvọ awụ.

Ahẹ Ụgama 33:12

Ẹnẹyịmavara ọnọnị, aza ana sị ọ mẹ Ohomorihi, ẹ̀ nyarị ịrẹsụ ọyịza o! Mị ka ẹwụ nịnị ọnị ọ nyị ka ọnị ọ sị mẹ aza anị, a nyarị ịrajẹ o!

Ahẹ Ụgama 73:26

Ma nyẹngụ vara ọkụmị, dị mẹ yị hyakụ kụkụ yẹ ịrẹyị, ama Ohomorihi aa sị ụkataa mị ka ma zụ yẹ ịrẹyị nị. Ọnị ịnya kẹnẹ m mee sì pooro nị.

Ahẹ Ụgama 74:2

Tamayị ka ka ẹya vị aza awụ ọnị ụ nyị hụrẹ ụ mẹ ịyẹẹyẹ vẹ nị. Ẹyị ọnọnị ụ tụ̀ hụrẹ udi ọrịhị dị ụ sị yị mẹ aza awụ nị. Navọ wa tamayị ataba ịzị ụ vịdị ra da.

Ayịsaya 47:4

Ohomorihi ọnịnị Ánisirẹrị ọ dọ yị ha nị. Ịrẹha anị ọ rị Ẹnẹyịmavara Ochẹtẹẹngụ nị.

Ayịsaya 51:13

Ayị ô hi wa ka Ẹnẹyịmavara ana tụ wa, ộ gana ẹbẹẹba ku tụ ịzị ọ ya, dị ọ sị eteesu hi ẹtẹ nị. E yee hí angwa agụvị ka aza ana mẹ ẹvaya yị wa aa kụ ayị ka ẹnị a wụ̀ wa. Ịzị aza ẹnẹẹ hi booro aanị?

Ijeremaya 10:12

Ama Ohomorihi ọ sị ụkata anị tụ ẹhẹ ọnọnị nị. Ọnị ọ sị ịrẹyọyẹ anị nyima ẹhẹ ọnọnị nị. Ịrẹyọyẹ anị ọ sị tana ẹbẹẹba nị.

Ijeremaya 10:16

Ohomorihi Ijekọvụ ọnịrị wa ẹ ị vị ọnya, agụvị ka ọnị ọ mẹ avaba ịsa nị. Ọ raa nyị Anisirẹrị nịnị ka ẹ vị aza anị. Ẹnẹyịmavara Ochẹtẹẹngụ ịrẹha anị rị nị.

Ijeremaya 33:2

Ẹnẹyịmavara ana tụ́ ẹhẹ ọnọnị, dị ọ sị ọ hi ẹtẹ aha anị ọ́ mẹ sị ọ mẹ; ịrẹha anị ọ rị Ẹnẹyịmavara nị; ọ ka,

Ijeremaya 50:11

Ọ kà, ẹwụ nịnị Anibabironi, waa na kụ aza anị ẹnya nịnị. Waa jẹ dị wee hine ayị nịnị nị. Waa ngwọọ zịịzị nịnị anka ụnọ ana aa sịị chị́ apaapa avọọ, dị wee nowu nịnị anka umaata avọọ nị,

Ijeremaya 50:34

Ama ọza ana vaa dọ waa ha, ọọ kata Ẹnẹyịmavara Ochẹtẹẹngụ ịrẹha anị rị nị. Ọnị ụvọta vaa hụvị ịrẹyị ẹnịnịị kwẹẹtẹ, dị ọ mẹ ka avaba anẹhẹ ẹ̀ nyị ẹngwọọrọ. Ama ọ vaa kụ ẹngụkataa tu Anibabironi nịnị.

Ijeremaya 51:5

Ẹnẹyịmavara kà, ọnị Ohomorihi Ochẹtẹẹngụ, ẹ́ yị hụrẹ Anisirẹrị ọnịrị Anijuda nịnịị ụvọ, ọọ́ daka vị ka ẹnịnị ệ mẹ̀ ebira odivi hi ọnị.

Arụwẹ 3:24

Ẹnẹyịmavara ọ vị avaba ịsa ọnị ọnị nyị nị, agụvị avọọ ọnị ọnị vaa tụra eyi.

Iwe Ọhụhị Imosiisi ana aa hị́ Ọyịvatụrọda 32:9

Ama Ẹnẹyịmavara ụvọta anị ọ vị Ohomorihi aza anị Isirẹrị nị.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.