Ijeremaya 51:18 - IWE ỌNỊNỊ

¹⁸ Ẹnịnị ẹ́ yị wụra sị ụbanyị yị agụvị ka ịsa kẹnẹ-kẹnẹ ẹ́ vị nị. Ịjị ụmẹ oo tu ka Ẹnẹyịmavara ọ̀ sị ụya rị wa, o vee vu wa ẹtẹ.

Ijeremaya 51:18 ပူးပေါင်းရင်းမြစ်များ

Ọyịkụra 12:12

Ọ kà ịrahụ ịhị ọnọọ gẹdẹ-gẹdẹ, ọnị vaa parahu ịnị ẹtẹ Ijipiti. Avaba ozi ọzọkụ ẹnịnị, ọ́ọza ọnịrị ịsụpa vị ọnị ọnị aa wụ. Dị ọnị mẹ̀ ọkarẹyị yị avaba ori Anijipiti. Dị ọ ka ọnị Ẹnẹyịmavara ọ ka avọọ nị.

Ayịsaya 19:1

Ịrẹyị ene vee tù Anijipiti yị: Ẹnẹyịmavara vị ana tụra eguhi di ee zwee ve Ijipiti. Ori Anijipiti nịnị mè re e, ẹngụ ẹnịnị ẹ kụ́ sù ẹgahị, dị angwahi sị ngụ Anijipiti ẹngụ nị.

Ayịsaya 2:18

Ọza ọ mā vana wụ́ ịrẹha ịsa ana aa hị́ ori.

Ayịsaya 46:1

Vị́ ori Anibabironi nịnị ta aanị nọ! Ịbẹẹrị ọnịrị Ineebo vị ori ẹnẹ ẹ vịdịị hẹkẹ, ama booro aanị e ree kune wa tụra ịkẹrịkẹtẹ nịnị. Ịsụpa ọnị ọ sị ngụ ẹngụ e kụnẹ wa tụra nị.

Ayịsaya 57:12

Wê ro ka ịsa ana vọrọ ụ waa mẹ nịnị nị, ama mị vaa sị iruvo awụ nịnịị tụ ẹhẹ. Ori awụ nịnị ẹ yị va zụụ gụ wụ nịnị ụvọ.

Ijeremaya 10:11

Kà ẹ yị wa nịnị ka, ori ẹnẹnị, ẹ yị vị ẹnị ọ mẹ ẹbẹẹba ọnịrị ẹhẹ ọnọnị. Ẹnịnị vị ene e vee vú ẹtẹ hụụnị ẹhẹ. Ọza, e me vene re wa ịnị ẹhẹ.

Ijeremaya 10:14

Ọsọnị aza ee si re, dị ẹ sị mẹẹ ọnụra ẹnẹ ẹ yị nyị ịrẹyọyẹ nị. Anịngẹrẹ enee tu ori vị ọnị ụhị aa nyị, agụvị ka ori ẹnẹ ẹ mẹ va hi ẹtẹ vị apẹ kẹnẹ; ẹnịnị ẹ yị nyị ụhwẹ.

Ijeremaya 10:15

Ịsa kẹnẹ ẹnịnị vị nị. A sị eyi wụ̀ wa. Ịjị ụmẹ ọkarẹyị ẹnịnị oo tu, e vee vu wa ẹtẹ.

Ijeremaya 10:8

Avaba ẹnịnị vị ọnụra. Ịrẹyọyẹ ịsị ẹ zụ kọ hụụnị ụvọ ori ana a sị ọchị bẹ kẹ?

Ijeremaya 18:15

Ẹnẹyịmavara kà ama, aza anị e ree hí ayị anị; ẹnịnị vana kụkụ rị eturare ịra yị ori nịnị. Ẹnịnị ẹ raa tụ́ ahụ oze ẹnẹ và tụra. Ẹ́nịnị ẹ yị và tụra oze ịyẹẹyẹ. Ụparị ọnị ọza ẹ yị tọrẹwa ẹ́ kụkụ aa zị nị.

Ijeremaya 46:25

Ẹnẹyịmavara Ochẹtẹẹngụ, Ohomorihi Anisirẹrị ka, ọnị vaa sị ụyaa rị ori Anitebesi ana aā hi Amọnị. Ọnị vaa sị ụyaa rị Ijipiti ori anị nịnị beri ohinọyị ẹnịnị ọnịrị avaba aza ana sị ayị tụra ohinọyị ọnọọ.

Ijeremaya 48:7

Ẹ ka, agụvị ka waa sị ayị tụra aha ụkata awụ nịnị ọnịrị ogu awụ nịnị, ẹwụ nịnị nyẹmba vị ana a rẹ vaa za. Ori awụ nịnị ana aā hị́ Ikemosi vị ana za ọrịhịị nọ aha ọsa. A vaa za wa beri ohirẹsụ irehi ori ẹnịnị ọnịrị ọdọvịdị ẹnịnị.

Ijeremaya 50:2

Ọ kà, ọnị ọ̀ na ka enube ọnọnị yị ẹkụra-ẹkụra, ọnị ọ̀ nọ̀ọ enube ọnọnị o. Ọ kà ọnị ọ̀ sị asịyẹ jẹẹ dị ọnị ọ̀ nọ̀ọ enube ọnọnị. Asị ọnị sị tẹ̀ vụrụ-vụrụ. Ịbabịrọnị ọ sị sẹ ẹdụ ọ! Asị ori ẹnịnị ana aā hị́ Imaduki gara ha. Asị ụhị mẹ nyị ori Anibabironi nịnị. Asị ịsị ẹnẹ ẹ́ bẹ vene ịsị irenyi-irenyi hi ẹtẹ chaka va ha.

Ezikẹẹrị 6:6

Avaba ẹkụra ene hi ẹtẹ Isirẹrị ọnịrị avaba aha ẹnẹ ẹyaa mẹ ori vị ene e vee vú ẹtẹ. Avaba ụta ọnị Ụ mẹ ịsọvọ ịnị anị nịnị ọnịrị ụta ọnị ụ rị eturare ịra ịnị anị nịnị vị ana a vaa garaa ha. Ori awụ nịnị vị ana a va chakaa vaaha, dị avaba ịsị ọnị ụ mẹ jẹẹ nịnị ta samị-samị.

Ijona 2:8

Dị ọ ka aza ana aa hẹkẹ ịsa ọsa kẹnẹ-kẹnẹ ẹnẹ ẹ yi nyị ịsa ọ vị, ẹ raà va hụrẹ ịrẹma Ẹnẹyịmavara.

Ịzẹhwanaya 2:11

Ẹnẹyịmavara vee chire wa angwa ẹtẹẹtẹrẹ. Di o du ori ene hi ịnị ẹtẹ ọnọọ ha. Ịjọnọọ dị anẹkụra ọzọza aa hẹkẹ Ẹnẹyịmavara ịzị ẹ̀ẹ ya.

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.