Ijeremaya 51:16 - IWE ỌNỊNỊ

¹⁶ Ọnị ọọ̄ kà ịrẹyị, dị orihi aa kà irutu nị. Ọọ̄ kụ́ eguhi gụ hụrị avaba aha ịnị ẹhẹ. Ọọ̄ mẹ ka ịnyanya ọọ rị orihi aa zụ, dị ọ mẹ ka ahị ọọ tụụ hụrị ịzị ọ zaa ku tụ nị.

Ijeremaya 51:16 ပူးပေါင်းရင်းမြစ်များ

Oyinyima 8:1

Ohomorihi ọ tị tamayị ka Inowa ọnịrị avaba úye hi ịnị ẹpa ọnọọ. Di Ohomorihi mẹ ka ahị ọ̀ tụ́, di enyi ọnọọ aa hụ́ nị.

Ijoovu 37:13

Ohomorihiī zụ̀ orihi agụvị eteesu ò re enyi hú. Ọ́ rẹ zụ zụ̀ ọ ọ̀yịsị sị ụya rị yị, à vị ọ̀yịsị zụ yị ka oni ô sì ịrẹyị ayị.

Ijoovu 38:22

Ọ kà Ijoovu ọ́ọ́ nọ ịzị a kụ ata orihi ọnịrị eguhi eneē chire hi nee re wa da?

Ijoovu 40:9

Ẹnẹyịmavara ộ họ̀ Ijoovu ka ọ́ọ́ nyị ụkata anka ọnị? Ọ́ọ́ nyẹngụ sị ọngwẹ anị ha apaana ihinẹba anka ọnị?

Ahẹ Ụgama 104:7

Ụ mẹ̀ kara eyi hi enyi nịnị, ẹnịnị ệ và tụ́ echi. Ẹ mẹ̀ wụ́ ka waa kà ịrẹyị e kú zwe.

Ahẹ Ụgama 135:7

Ọọ̄ kụ́ eguhi hụrẹ ịzị ẹhẹ na ta hi, dị ọ kụ́ wa vaa hịrẹ. Àa zụ̀ orihi, dị ọ mẹ ka apaana ihinẹba ọ̀ọ haa vaka a. Dị ọ sị ahị jịnẹ hụrẹ ịzị ọ sị ọ tẹ tụ́.

Ahẹ Ụgama 147:18

Ẹnẹyịmavara mẹ̀ kà ịrẹyị kẹnẹ, di ẹ nā nị. Dị ọ rẹ mẹ ka ahị ọ̀ tụ́, di enyi ee sì nị.

Ahẹ Ụgama 18:13

Ẹnẹyịmavara mè nowu ini eguhi, aza ệ wụ ọ ịrẹyị Ata ihinẹba ọnịrị ịra ẹnị vị ana raa zụ̀.

Ahẹ Ụgama 46:6

Anẹhẹ ee nowu angwa mèe hi wa, ẹkụra nịnị ẹ kụ́ hyẹdụ Ohomorihi mè nowu kú anẹhẹ, ayị ẹnịnị ẹ kụ́ sụ enyi ángwa mè hi wa.

Ahẹ Ụgama 68:33

Jị ahẹ kụ́ Ohomorihi anaā tụra eguhi ana yà ẹbẹẹba hụrẹ ụmọrụmọ. Heyi, ọ̀ọ kà ịrẹyị, dị ọ sị mẹẹ ka vị apaana ihinẹba aa há nị.

Ahẹ Ụgama 78:26

Ohomorihi ộ mẹ̀ ka ahị ọ̀ tụ́ hụrẹ ẹbẹẹba eyi ọnị ọyịị̄ hụrẹẹ vẹ. Dị ọ rẹ sị ụkata anị mẹ ka ahị ọ̀ zị oze ụvẹtẹ tụ̀ vẹ nị.

Ọyịkụra 10:13

Ịzẹyịza di Imosiisi tana okutẹ anị hi Ijipiti nị. Dị Ẹnẹyịmavara mẹ ka ahị ọ̀ tụ́ hụrẹ oze ọnị ọyịị̄ zịị vẹ, dị ọ tụ́ va para hu ịnị ẹtẹ ọnọọ pooro ọọdụ ọnịrị ịrahụ ịhị ọnọọ nị. Ịnị ẹnẹnẹ, ahị ọnọọ ọ raà kụ́ akụvarịva vẹ.

Ọyịkụra 10:19

Dị Ẹnẹyịmavara mẹ ka ahị ọbanyị ọnọọ ọ̀ kụkụụ tụ́ hụrẹ eyi ọnị ọyịị̄ zịị naa ngụ ẹtẹ nị. Di ahị ọnọọ za akụvarịva ẹnẹẹ dị ọ kụ́ wa na va hi ini òkū Ịkịịkẹ nị. Akụvarịva ikonya ọ yị vọ tụ́ Ijipiti.

Ọyịkụra 14:21

Di Imosiisi tana ụvọ hi òkū nị. Ịnị avaba ịrahụ ịhị ọnọọ dị Ẹnẹyịmavara mẹ ka ahị ọbanyị ọ̀ tụ́ hụrẹ oze ọnị ọyịị̄ zị vẹ dị ọ kụ́ enyi varẹma dị ọ mẹ ka okuha ọ̀ wụ nị. Enyi o si cheva.

Ezikẹẹrị 10:5

Aza ene hi ịnị ohweje ana á dà tụ ẹhẹ ệ wụ avaka ikerubi ẹnẹnị maa sụ́ ịrẹyị. Vị ịsị anaa sụ́ ịrẹyị sị mẹẹ anka Ohomorihi àa kà ịrẹyị avọọ nị.

Emọsị 9:7

Ẹnẹyịmavara kà aro ọnị ọnị nyị Anisirẹrị ọnị rẹ nyị yị Anetiyopiya nị. Ọnị ọ kụ Anihwirisiti hụrẹ ẹtẹ Ikiriti ọnịrị Anisiriya hụrẹ ẹtẹ Ikiri nị. Avọọ ọnị mẹ rẹ kụ Anisirẹrị hụrẹ Ijipiti nị.

Ijona 1:4

Ama dị Ẹnẹyịmavara tụ́ ahị ọbanyị ọnya aanị vara gẹrị wa nị. Dị opomi ọnọọ aa và irehuu zi ọ maa tụ́ ahị kukuku nị. Ịjị ahị ọnọọ ta jị odo, dị ẹpa ẹnịnị ee si ọyị che ẹẹva nị.

Ijona 4:8

Ịjị ọyị vẹ, dị ọ sị jẹ, dị Ohomorihi tụ ahị ịrịra hụrẹ oze ọnị ọyị zị hụrẹ vẹ ka ọ tụ́ ku Ijona nị. Dị ọyị rị ọ ụpa ịrẹsụ ne tu ka eyi anị o hozi, di ewu za a nya ẹtẹ nị. Dị Ijona a vụ ụva ka akaka oni ò sú nị. Dị ọ kà oni o vene sú o zoza hu ka ọnị ọ kụkụ yára nị.