Ijeremaya 51:13 - IWE ỌNỊNỊ

¹³ Irehu ene hi Ịbabịrọnị ẹẹ rụrụ, dị ẹtẹ ọnọọ rẹ nyị ogu ẹtẹẹtẹrẹ nị. Ama eyi anị ọ sị nị, a sị avaba ịsị ọ sị eyi tụra gara ha.

Ijeremaya 51:13 ပူးပေါင်းရင်းမြစ်များ

Oyinyima 6:13

di Ohomorihi va kà a yị Inowa dị ọ ka, “Ọnị o si aro mẹ ka ọnị ee vú anẹhẹ ẹtẹ, agụvị ka ẹ raà kụ́ ebira ẹngụkata hi ịnị ẹhẹ. Ọ kà ọnị ee vú wa ẹtẹ ọnịrị avaba ịsa ene hi ịnị ẹhẹ.

Ahẹ Ụgama 137:1

Ụtọ okuha Ịbabịrọnị ị yaayịtẹ hi, di i nyima aa jị òrèrè i mè ree ro ịrẹyị nị.

Ayịsaya 43:14

Ẹwụ nịnị Anisirẹrị, Ohomorihi awụ nịnị ana vị Ọnịnị, ana dọ wụ nịnị ha ka, ọnị vaa hụ agụvị awụ nịnịị tụ́ụ nọ Ịbabịrọnị. Ọnị vaa gara oze ọbanyị ẹnịnị ana a sị enyusẹ mẹ ha. Owu ẹnẹ ẹyaa na vaa vara orere.

Ayịsaya 45:3

Ọ kà ọnị vaa sị ogu yị ọ hụụnị aha ohozi ịzị ẹ tẹ̀. Ịjọnọọ ọ vaa yẹ ka ọnị ọ vị Ẹnẹyịmavara nị. Ọnị Ohomorihi Anisirẹrị ọ raà sị ịrẹha anị hị́ ọ.

Ayịsaya 57:17

Mâ kụ ayị hi wa agụvị ebira edivi ọnịrị ọhọọha ẹnịnị. Mâ sị ụya rị wa, dị mị hụrẹ wa ụvọ nị. Ama ẹnịnị vị ana ayị ẹnịnị yị katẹngụ, dị ẹyị và tụ oze ẹnịnị.

Ijeremaya 17:11

Ijeremaya ka, ọza anaa sị irikichii nyị ẹkẹhị; vị ana sị mẹẹ anka irekwose enee kú ajẹ ẹnẹ ẹ yị vị ọnị ọ tụ́ avọọ. Avaba ogu anị vana vaa taa hi ọ ụvọ ẹhẹ anị ọọ maanị ta jẹẹ yị ọ kẹnẹ. Ọvavẹ ịrẹma anị dị o ne tù ka ọnụra kẹnẹ ọnị vị nị.

Ijeremaya 50:27

Wụ avaba isoja ẹnịnị và ha. Anibabironi nịnị ẹ sị da, ka ụmẹ o si tu ka ẹnịnị ẹ̀ rị ụya.

Ijeremaya 50:31

Ọ kà, ẹwụ nịnị Anibabironi, wa raa sị ẹngụ awụ nịnị tụ ẹba baaba, agụvị avọọ, ọnị Ẹnẹyịmavara Ochẹtẹẹngụ Ochẹtẹngụ, ọ́ raa kwẹẹtẹ tu wu nịnị. Ụmẹ ọnị o i tu ka ọnị ọ̀ sị ụya rị wụ nịnị.

Ijeremaya 50:37

Ọ kà, è vu avaba umaata ẹnịnị ọnịrị ụkẹkẹ ịrẹkụ ẹnịnị ẹtẹ. À wụ̀ avaba isoja ọzọga ẹnẹ ẹ na kụ hụrị aha ọsa vẹ va ha, ẹnịnị ẹẹ da vị ọkụmị kẹnẹ. È du avaba ogu ẹnịnị ha beri avaba ịsa ẹnẹ ẹ sị ụkata-ụkata na kụ hụrị aha ọsa avọọ.

Ijeremaya 51:36

Agụvị avọọ, Ẹnẹyịmavara ộ kà a yị Anijerusarẹmị nịnị ka, ọnị vaa dọ ịrazị awụ nịnịị zị, dị ọnị họ̀ oponu ịrẹyị awụ nịnị. Ọnị vaa mẹ ka avaba oswe ene hi Ịbabịrọnị ọnịrị irehu ẹnịnị ẹ̀ wụ.

Arụwẹ 4:18

Agụvị ọnịvị ayị enee bè yi ahụ-ahụ, yẹ yị kụkụ nyayịnẹ va tụra oze. Dị ẹ kà, eyi ayị ọ sị nị ọ, a sị ẹkụhị ayị za ịrịka, ayị ộ ta o.

Ịdanịyẹrị 5:26

Iruvo ịrẹyị ọnọnị yị. IMENE (za a ịrịka) ộ sị zụ ka Ohomorihi ọ raà za ẹkụhị ịjọva ohinọyị Iberisaza ịrịka, ọ raà zá a ẹtẹ.

Emọsị 8:2

Dị ọ họ̀ Emọsị ka ịsị ọ re nị. Dị Emọsị tu ọ ohi ka ọnị o re uji ohihi ini ọhahị ẹtụtụ ẹnẹ vị. Dị Ẹnẹyịmavara kà aanị ẹhẹ Anisirẹrị me va za ịrẹsụ nị. Ọnị ẹ yị kụkụ vaa vagu wa.

1Ipita 4:7

Ụmẹ ẹnẹ ẹhẹ ọnọnị vaa sị zẹtẹ, ọ sị gụrị ẹtẹ. Agụvị avọọ sị ụvọ za ẹngụ awụ nịnị, dị ụ wa sị eyi pe ẹtẹ, agụvị dị ụ wa zụụ mẹ̀ aduwa nịnị!

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.

Ẹtore 17:1

Ọnya ịnị anggẹẹrị ịhịmba ana nyị ịchacha ịhịmba ẹnẹẹ, o ve tù mi, dị ọ ka, “Vẹ ịzẹnị, ka maa sịị zụ̀ wụ, a mẹmẹ vaa sị ụyaa rị ọsẹrẹka ọbanyị ọnọọ ana yà ịrẹsụ okuha ọrụrụ-ọrụrụ.

Ẹtore 17:15

Dị anggẹẹrị ọnọọ rẹ kà a mị ka okuha oni mi re avọọ ọnị ọsẹrẹka ọnọọ yaayịtẹ ịrẹsụ anị vị ana jẹẹ yị ẹkụra nịnị ọnịrị aza nịnị ne beri aza irenyi-irenyi ana aa kà ẹkụra irenyi-renyi.

Ẹtore 18:19

Dị ẹ ká ezi và hi ịrẹsụ, di eyee nowu, dị ẹyaa jị òrèrè dị ẹ ka: Kwaa-kwaa! Ho! Ẹkụra ọbanyị ọnọọ ana mẹ ka avaba aza ana nyị ẹpa tụ́ ini òkū ẹ̀ nyị ẹkẹhị agụvị ụbanyị anị, ịnị ụmẹ chẹẹ kẹnẹ ọ maanị vara osusu aanị nịị?