Ijeremaya 51:11 - IWE ỌNỊNỊ

¹¹ Ẹnẹyịmavara ọ na raa hị́ ẹnị ohinọyị Animediya nịnị, agụvị ka ee si ka ọnị ò vu Ịbabịrọnị ẹtẹ. Avọọ Ẹnẹyịmavara mẹmẹ vaa mẹẹ họ̀ oponu irehi anị ọnị ẹnịnị du ha nị. Ọdọvịdị isoja anaa vẹ wa ịrẹkụ ka, ọzọza ọ sị ọpa anị dị ò nee. Ọzọza ọ̀ sị ogonto anị rị ụvọ o.

Ijeremaya 51:11 ပူးပေါင်းရင်းမြစ်များ

1 Ohinọyị 11:14

Ẹnẹyịmavara ọ kụ́ ọbarọza nịnị kwẹẹtẹ tù Isoromọnị. Â nyị ọnọrụ ọnya aanị ana aā hị́ Ihadadi. Anedomi ọ vị nị, di ahịka ozi ini ovwoovu ohinọyị Edomi ọ vị nị.

1 Ohinọyị 11:23

Ọbarọza ọsa oni Ohomorihi hị́ ka ọ̀ kwẹẹtẹ tù Isoromọnị a rẹẹ̄ hi Irezoni nị. Irezoni vi ozi Eriyada ene zwe hụụ ịda ọga anị ana vị ohinọyị Anizoba. Ịrẹha ọga anị ọnọọ ọ rị Ihadadeza nị.

1 Ịtọpa 5:26

Avọọ, Ohomorihi ộ mẹ̀ ka ohinọyị Ásiriya ana aā hị́ Ipuuri, (ịrẹha anị ọsa â hị́ Itigilatị-Ipiresa nị) ọ̀ kụ ịrẹkụ tu wa. Ộ dụ aza Irubẹnị nịnị, aza Ịgaadị ọnịrị achẹva aza Ịmanasẹ ene hi eyi ịzị ọyịị̄ zịị hụrẹẹ vẹ, dị ọ kụ wa ịzị aā hị́ Ịhaara, Ịhabọ, ọnịrị ịzị aā hị́ Ịhara, ne beri ụtọ irehu ana aā hị́ Igozanị nị.

2 Ịtọpa 36:22

Ịnị ịrayị ịpaapa ọnị Ịsayịrọsị vị ohinọyị Ipesiya, Ẹnẹyịmavara mẹ̀ ka ịrẹyị ọnị Ijeremaya kà a ọ sẹ nị. Ộ kụ ọ hi Ịsayịrọsị ayị ka ọ chẹrẹ ẹ, dị ọ nọ ọda ọnọọ ịnị avaba ẹkụra ọnị ọ vị ohinọyị tụra ịrẹsụ.

Ẹzịra 1:1

 nyị ụmẹ ọnya aanị ọnị ọnọrụ ọnya ana aa hị́ Ịsayịrọsị sị vị ohinọyị Ipesiya. Ịnị ịrayị ịpaapa ọnị ọ rị ohinọyị, Ẹnẹyịmavara ộ mẹ̀ ka ịrẹyị anị ọnị Ijeremaya vịdị ka yị Anisirẹrị ọ sẹ. Ẹnẹyịmavara ộ kụ́ hi Ịsayịrọsị ayị ka, ọ mẹ̀ ọda, dị aa chẹrẹ ẹ tịtẹ, dị aa nọ̀ ọ ịnị avaba ẹtẹ anị nị.

Ayịsaya 10:26

Ẹnẹyịmavara Ochẹtẹẹngụ vee tụ́ wa ịjapa anka ọ mẹ̀ sị ụya rị Animidiya ịnị anị ịnị ịda ana aā hị́ Orebi. Ọ rẹ vaa sị okutẹ anịị mẹ̀ ụkọrọ ịvọpa anka ọ́ mẹ̀ mẹ tụ́ ịrẹsụ enyi Anijipiti ịnị anị.

Ayịsaya 21:2

Ohomorihi ộ mẹ̀ ka me re ẹtẹ ka ịrẹyị ana vaa mẹ ô divi ẹtẹẹtẹrẹ. Mê re ka onireche e ne reè cheeche yị ọnịvị nịnị ana mẹ ka è re oze wụ̀ aza va ha ẹtẹẹtẹrẹ. Dị aza nịnị nyayịnẹ hara ogu nị. Ẹwụ nịnị isoja Erami ọnịrị isoja Animediya kwẹẹtẹ wa kụ́ ịrẹkụ ne tù anẹkụra ẹnẹẹ nịnị. Ohomorihi ọ yị kụkụ vaa zẹẹ ka Anibabironi ẹ̀ sịị sị ụyaa rị aza.

Ayịsaya 21:5

Ịnị ẹtẹ ọnị mị vavọọ re, mê re ka a kụ́ ịsọyịrị tenyi hi ẹtẹ. A rẹ kụ́ aha ana aza vaa yàa tenyi hi ẹtẹ. Dị aza nyima dị ẹ yaa rị di e re yèe hú nị. Dị mị vana wụ́ ka ê nowu ka, “Ẹwụ nịnị isoja, tenyi ogonto awụ nịnị!”

Ayịsaya 41:25

Ẹnẹyịmavara kà ọnị ọ raà nyị̀ ọdọvịdị hụrẹ eyi ẹbẹẹba ọnịrị eyi ịzị ọyịị̄ hụrẹ vẹ ka o vị eyi ịraazị ka anẹkụra nịnị. Ọnị vaa sị ọ nyị ẹbẹẹba ohinọyị nịnị anka ọjụnọkọ nịnị mẹẹ sị ahụ pịrị ụmọpa avọọ.

Ayịsaya 45:1

Ẹnẹyịmavara ộ raà Ịsayịrọsị ka ọ vị ohinọyị. Ọ raà nyị ọ ka ọ nyị ẹbẹẹba avaba ẹkụra nịnị, dị ọ dọ wa ẹkụra ẹnịnị. Ộ tụ Ịsayịrọsị ka ọ dọ ohinọyị nịnị ụkata. Ẹnẹyịmavara kà ọnị vaa na oze ovwoovu ọbanyị ẹkụra nịnị yọ, dị ẹ yị nyị ọza ene zụ gu wa.

Ayịsaya 45:5

Ọnị ọ vị Ẹnẹyịmavara nị. Ẹ yị nyị Ohomorihi ọsa ịrẹma anị. Ịsayịrọsị ọ yị daka yẹ ọnị, ọnị vaa sị ụkata ana vọrọ ka ọ nyị yị ọ.

Ayịsaya 46:11

Maa hị́ inomi eneē che ịsaa hụrẹ eyi ọnị ọyịị̄ zịị vẹ, maa hị́ ọza ana vaa mẹ ịsị mị ka mị vaa mẹ hụrẹ ẹkụra ene noze. Ịsị mị raa kà, mị vaa mẹ̀ ẹ; ịsị mị me eto anị, mi vaa mẹ̀ ẹ.

Ijeremaya 25:25

Avaba ohinọyị ẹtẹ Izimiri, avaba ohinọyị ẹtẹ Eraami, ẹnịrị avaba ohinọyị ẹtẹ Imediya:

Ijeremaya 46:3

Ẹnẹyịmavara kà, ọdọvịdị ọkụrẹkụ Anijipiti nịnị ê nowu ka, ọzọza ọ̀ sị ogonto anị, dị aa nọ ịrẹkụ o!

Ijeremaya 46:4

Ẹ ka, ọzọza ò tenyi umaata anị ẹngụ, dị ẹ̀ tụra a. Ẹnịnị è tò, dị ọzọza ò kú amu enyusẹ-enyusẹ anị. Ọzọza ọ̀ sị ọha anị dị ò ne e, dị ẹ kụ ẹnya ịrẹkụ ẹnịnị hi ẹngụ.

Ijeremaya 46:9

Kà a ka à kụ umaata ọnịrị ụkẹkẹ ịrẹkụ hi ẹhẹ. Kụ isoja nịnị hi ẹhẹ, kụ́ Anẹkụra ana aā hị́ Isudanị ọnịrị Aniribiya ana yara kụ ịrẹkụ hi ẹhẹ. Na kụ Anẹkụra ana aā hị́ Iridiya ana yara ne ọpa ẹtẹẹtẹrẹ hi ẹhẹ nịnị.

Ijeremaya 50:25

Ọ kà ọnị ọ raa na oze ịzị ọnị kụ ẹnya ịrẹkụ anị hi. Ayị maa kụ ọnị, ọnị ọ raa kụ ẹnya ịrẹkụ anị hi ẹhẹ, agụvị ka ọnị Ẹnẹyịmavara Ochẹtẹẹngụ Ochẹtẹngụ, ọnị ọọ nyị ụkọrọ ọnị ọnị ee sì ka ọnị ọ̀ mẹ ẹtẹ Ịbabịrọnị.

Ijeremaya 50:3

Ẹkụra ọnyara ọ́ raa kụ́ ịrẹkụ hụrị eyi ẹbẹẹba e vee tu Ịbabịrọnị. Ọ vaa tụ ọ osusu. Aza ẹnịrị ịsụpa vee zwèe hụ ịzọọ. Ẹ́ ma vana nyị ọza ana vaa ra ịzọọ.

Ijeremaya 50:45

Agụvị avọọ, Ẹnẹyịmavara kà wa wụ́ nịnị ịsị ọnị ee sì ka ọnị ọ̀ mẹ Ịbabịrọnị ọnịrị aza ana ra hi ịzọọ. Ezi ẹnịnị vị ana a vaa kụụ hara ẹtẹ ne nee hu, di angwa ee hi ọzọza.

Ijeremaya 50:9

Ọ kà ọnị vaa na tụ ẹkụra-ẹkụra ana nyị ụkata hị́ eyi ẹbẹẹba ịrẹyị ka, ẹ̀ kụ́ ịrẹkụ ve tu Ịbabịrọnị. Ẹnịnị vee tò o tụra ẹngụ, dị ẹ kụ́ ịrẹkụ ve tu ọ. Eyi ẹbẹẹba a vaa hụrẹẹ vẹ vaa za wa nị, ọpa ẹnịnị vị ene vee ne anka aza ana yara kụ ịrẹkụ ẹtẹẹtẹrẹ, ẹnẹ ẹ yị ma jị avosusu varẹma nọ eehi avọọ.

Ijeremaya 51:12

Hú ọpanyị ka à kụ ịrẹkụ jịnẹ ọvọ Ịbabịrọnị. Nyị aza na vaka isoja awụ nịnị, dị wa nyị aza ka ee sere ẹtẹ. Kàa ka aza ẹnyị ẹ̀ tẹ̀ ịnị avị Ẹnẹyịmavara ọ́ raa mẹ ịsị ọ ka ọnị vaa mẹ Anibabironi nịnị.

Ijeremaya 51:24

Ẹnẹyịmavara kà, ọnị vee sí Ịbabịrọnị ọnịrị aza ene hi ịzọọ atọ avaba ịsị odivi ẹnẹ ẹ́ mẹ hi Anijerusarẹmị nịnị, dị u re e.

Ijeremaya 51:35

Jẹẹ avaba Anịzayọnị ẹẹ kà a ka, Ohomorihi ọ̀ họ̀ oponu avaba ụya ana sị rị ẹnị Ịbabịrọnị, jẹẹ avaba Anijerusarẹmị nịnị ẹẹ kà a ka, Ohomorihi ò họ̀ oponu avaba aza ẹnịnị ana a wụ Ịbabịrọnị.

Ijeremaya 51:36

Agụvị avọọ, Ẹnẹyịmavara ộ kà a yị Anijerusarẹmị nịnị ka, ọnị vaa dọ ịrazị awụ nịnịị zị, dị ọnị họ̀ oponu ịrẹyị awụ nịnị. Ọnị vaa mẹ ka avaba oswe ene hi Ịbabịrọnị ọnịrị irehu ẹnịnị ẹ̀ wụ.

Ịdanịyẹrị 5:30

Ịrahụ ịhị ọnọọ gẹdẹ-gẹdẹ dị a wụ Iberisaza ana vị ohinọyị Ịbabịrọnị nị.

Ijowẹrị 3:10

Ẹ kụ ẹdụ ẹnịnị di e si tụ́ ụ̀hwọ̀, dị ẹ kụ́ ụkari ẹnịnị tụ́ ọha ọyị kú ịrẹkụ. Ọkụmị nịnị vana hyakụ tenyi ẹngụ ọyị nọ ịrẹkụ.

Ijowẹrị 3:9

Ẹ nọ̀ọ yị anẹkụra ọzọza; Di e tenyi ẹngụ ịrẹkụ. Ẹ hị́ ọkụrẹkụ nịnị, dị avaba isoja ẹnịnị ẹ gụ aha ọnya dị ẹ kwẹẹtẹ nọ ịrẹkụ.

Ireevi 26:25

Ọ kà ọnị vaa kụ ịrẹkụụ tù wa, dị ọnị sị sị ụya rị wa agụvị ka ẹnịnị ẹ́ yị saasa ịrẹyị ọnị ọnịrị wa hị́ eku yị ẹngụ tụ. Ẹnịnị ẹ̀ẹ kụ ẹngụ tụ ịnị ẹkụra ẹnịnị ka à sị a nyị ịsẹ mẹ ẹnị, ọnị vaa tụ wa ụkụ ẹnẹ ẹ̀ yị ma wụ ahọ̀nọ. Ọnọọ ọ vaa mẹ ka ẹnịnị ẹ̀ hụrẹ ẹngụ ẹnịnị ụvọ yị ọnịvị ẹnịnị nị.

Ịzakaraya 14:12

Aanị Ẹnẹyịmavara mẹ ka ọnị vaa kụ ụkụ tù avaba anẹkụra ana gẹ ịrẹkụ tu Ijerusarẹmị nị. Ẹnịnị e yi yee su dị ụpẹngụ ẹnịnị ẹẹ vụ, dị eyi ẹnịnị vụ hi wa eyirẹsụ, dị ịrarẹ ẹnịnị vụ hị́ wa irenu.

Ịzakaraya 14:2

Ẹnẹyịmavara vaa kụ́ anẹkụra ana vọ vabẹ, dị ẹ gẹ ịrẹkụ tu Ijerusarẹmị. Dị ẹ rị ẹkụra ọnọọ, dị kụ́ avaba ogu ẹnịnị, dị ẹ sị ụkata-ụkata pe ese ẹnịnị sụ̀. Achẹva aza ene hi Ijerusarẹmị vị ana vaa za ọrịhị na ẹkụra ọsa, dị a navọ ẹnị ana vọ hi ịzọọ.