Ijeremaya 51:1 - IWE ỌNỊNỊ

¹ Ẹnẹyịmavara kà, ọnị vaa tụ́ ahị odivi ka ò vee vú ẹtẹ Ịbabịrọnị ọnịrị aza ene hi ịzọọ ẹtẹ.

Ijeremaya 51:1 ပူးပေါင်းရင်းမြစ်များ

2 Ohinọyị 19:7

Ẹnẹyịmavara vaa mẹ ka ohinọyị Ásiriya ọ̀ wụ ihuhu, ana vaa mẹ ka ọ̀ varẹma ọọ nọ ẹkụra anị. Ẹnẹyịmavara vaa mẹ ka à wụ ọ ịzọọ.”

Ahẹ Ụgama 137:8

Ẹwụ Ịbabịrọnị, vị a maanị vee du wu ha saka-saka nị. Ọza ene èe zụ si wu atọ ebira ọnị ụ mẹ yị aanị vị oni o vee zee yị.

Ayịsaya 13:13

Ẹnẹyịmavara Ochẹtẹẹngụ vaa kụ́ ayịị hi anẹhẹ ẹnẹmẹhị. Ọyịkụ anị vaa mẹ ka ẹbẹẹba ò henyi, dị ẹhẹ ọnị re henyi di o jesi hụrẹ udi anị.

Ayịsaya 14:14

Wụ ka wụ vaa hịrẹ nọ akẹbẹẹba eguhi, dị wa kụkụ ya anka Ohomorihi Ochẹtẹẹngụ avọọ.

Ayịsaya 21:1

Ịrẹyị ene vee tù anẹkụra ene hi ịnị ụnọmị ózee eyi oku yị: Wáā yẹ opomi mẹ̀ẹ tụ́ ịnị ụnọmị di ee hì avaba ẹchịchị naa parahu avọọ, avọọ a mẹ̀ vaa kụ́ ịrẹyị odivi ve tù Anibabironi nị. Anẹkụra ana kụ́ ẹngụkata ọnọọ aa vẹ vị ana angwa ẹnịnịị hi ọza.

Ayịsaya 47:1

Ẹnẹyịmavara kà, Ẹwụ Ịbabịrọnị, chí hụụ ịrẹsụ aga ohinọyị awụ, dị ụ wa yaatụ ini edudu ini eteesu. Vị́ ụ vịdị sị mẹ anka ozi ọnẹẹ ẹnẹ ẹ yị yẹ ọnọrụ avọọ nị. Ẹkụra ọnị ọza èeè yị nyị ẹbẹẹba anị da ụ vị nị, ama booro aanị wẹ yị kụkụ vị ẹngụ aza ana a vọrọ ka à tangwa sị ụvọ za, ka ọ va tọ ụnava. Wa sị vara ọrịhị.

Ijeremaya 23:19

Re, Ẹnẹyịmavara àa kụ ayị, vị ọ sị mẹ anka opomi avọọ nị. Ọ vaa tụ́ ne ku aza edivi ịrẹsụ anka okoruwa avọọ nị.

Ijeremaya 49:36

Ọ kà ọnị vaa tụ́ ahị hụrị oze ẹyịna ẹbẹẹba a ku Anerami nịnị, dị ọnị gara wa hi avaba aha. Ẹ́ yị vaa nyị ẹkụra ọnị aza ana a du hụrị Erami è yi vee zwè naa ngụ.

Ijeremaya 50:21

Ẹnẹyịmavara kà, ẹwụ nịnị ẹkụra-ẹkụra ọ̀ kwẹẹtẹ tụ Animeratayimi nịnị ẹnịrị Anipekodi nịnị. Wụ wa, di u we vú wa ẹtẹ nịnị. Ọ kà, wa mẹ avaba ịsị ọnị kà yị wụ nịnị o.

Ijeremaya 50:24

Ẹnẹyịmavara kà, ẹwụ nịnị Anibabironi, ịrẹpa ọnị ọnị và ee zi wu nịnị, o sị wụ nịnị za dị ụ va yẹ nịnị. Ê re wu nịnị, asị ụ nịnị za, agụvị ka waa kụ̀ hịrẹ ọnị nịnị.

Ijeremaya 50:29

Hị́ aza anaā sịị ọkịtaa kụ̀ ịrẹkụ ka ẹ̀ kwẹẹtẹ tu Anibabironi nịnị; Kàa ka ẹnịnị ẹ̀ ta kara wa, asị ẹ́ zẹẹ ka ọza ọnyọọnyị ò zwè. Sị wa ụta avaba ịsị ẹ vịdị mẹ. Mẹ wa anka ẹnị mẹ rẹ vịdị mẹ aza ana vọ, agụvị ka ẹnịnị ệ sị ẹngụ tụ ẹba, dị ẹ sị eyi wụ ọnị Ẹnẹyịmavara, Ohomorihi Anisirẹrị nịnị.

Ijeremaya 50:33

Ẹnẹyịmavara Ochẹtẹẹngụ ka, aa mẹ ẹvaya yị Anisirẹrị nịnị ọnịrị Anijuda nịnị. Aza ana za wa vị ana si eyi pe wa gegede. Ẹnịnị ẹ́ yị zẹẹ ka ẹnị ẹ̀ hụrẹ wa ụvọ.

Ijeremaya 50:9

Ọ kà ọnị vaa na tụ ẹkụra-ẹkụra ana nyị ụkata hị́ eyi ẹbẹẹba ịrẹyị ka, ẹ̀ kụ́ ịrẹkụ ve tu Ịbabịrọnị. Ẹnịnị vee tò o tụra ẹngụ, dị ẹ kụ́ ịrẹkụ ve tu ọ. Eyi ẹbẹẹba a vaa hụrẹẹ vẹ vaa za wa nị, ọpa ẹnịnị vị ene vee ne anka aza ana yara kụ ịrẹkụ ẹtẹẹtẹrẹ, ẹnẹ ẹ yị ma jị avosusu varẹma nọ eehi avọọ.

Ijeremaya 51:53

Ọ kà Anibabironi nịnị ẹ̀ẹ daka hịrẹ nọ ẹbẹẹba ịnị eguhi, dị ẹ́ na dà irehi tụ ịzọọ yị ẹngụ ẹnịnị ka asị á nyị ịsị ẹ mẹ̀ ẹnị nị, ọnị vị anaa ịị tụ aza dị e ne vu wa ẹtẹ.

Ijeremaya 51:60

Ijeremaya ka ọnị ộ chẹrẹ avaba ụya ọnị Anibabironiya nịnị vaa rị beri ịrẹyị ana vọ ịnị ịpa Ịbabịrọnị tụ ịnị iwe.

Ezikẹẹrị 19:12

Ama aza anaa kụ ayịị hi ọ, ê hu ọnịrị ẹpa, dị é ne e nyẹtẹ nị. Ahị anaaa tụ́ hụrị eyi ọnị ọyị zịị vẹ, ộ mẹ̀ ka ẹtụtụ anị ẹ̀ wụ. Â na avọ anị haa, dị ẹ wụ nị. Ịjị ẹ sị wụ, dị á rị wa ịra nị.

Ihoseya 13:15

Anehwireemi ẹ̀ẹ daka nyị ịsa hu ezi ẹyịnyara ada ẹnịnị, Ẹnẹyịmavara kà ọnị vaa tụ́ ahị ịrịra hụrị ịnị ụnọmị eyi ịzị ọyị zị hụrẹ vẹ ka ọ va wụ enyi ini oswe ọnịrị ịkangga ene hi ịzọọ. Avaba ogu ọnị ẹ nyị vị ana va kụ́ hụrẹ wa ẹngụ.

Emọsị 3:6

Ọpanyị ịrẹkụ ọ́ọ́ zụ sụ́ ịrẹyị ịnị ẹkụra, di asị ọza hí angwa? Odivi óó zu tu ẹkụra dị asị Ẹnẹyịmavara nyị ụvọ tụ̀ ọ.

Ịzakaraya 2:8

Ịsị Ẹnẹyịmavara Ochẹtẹẹngụ ana nyị ụbanyị kà ya anẹkụra nịnị ana sị ụkata kụ́ ogu aza anị yị; Ọ kà ọza tụra ọza ana a kanyị wa, ọ raà jị ụvọ ngụ ọnị eyi.

Odeyi 9:4

Dị ọ hyẹdụ nya ẹtẹ, dị ọ wụ́ ọngwẹ ana kà a yọ ka, “Ịsọọrụ, Ịsọọrụ, sị ẹ vẹ dị ụ waa sị ụyaa rị mị?”