Ijeremaya 50:6 - IWE ỌNỊNỊ

⁶ Ẹnẹyịmavara kà aza anị vị ana sị mẹẹ anka atẹmẹ ọnị oseratẹmẹ ẹnịnị navọ ka è vu hi ịnị ataba avọọ. Ẹnịnị aa ngwọ zịịzị hụrị ataba ẹnyị naa ngụ ịnị ọsa. Ẹnịnị ẹ yị kụkụ yẹ ịzị ẹ vị eehi ẹnịnị.

Ijeremaya 50:6 ပူးပေါင်းရင်းမြစ်များ

Ahẹ Ụgama 116:7

Ma nyẹngụ hi ụhwẹ zẹtẹ booro aanị, agụvị ka Ẹnẹyịmavara ọ raà mẹ̀ ịsa ene zoza mị.

Ahẹ Ụgama 119:176

Me si nyee eyi anka atẹmẹ ene vu avọọ. Navọ we ve sì ẹmị ozi ahụ awụ, agụvị ka me yi hí ayị ọda ọnị ụ mẹ.

Ahẹ Ụgama 23:2

Ộ mẹ mị ka maa hụtẹtẹ dị maa tụ́ ụhwọ́ ịzị avị ohwoohu hi. Ộ sị mị nọ ịnị enyi enee si hẹẹ-hẹẹ.

Ahẹ Ụgama 32:7

Ohomorihi, ịda awụ mi zwe va tẹ nọ mâ yẹ ka ụ va dọ mịị hụụnị akanya dị maa jị ahẹ ka wa sị mị dọ tụ́.

Ahẹ Ụgama 90:1

Ananyị yị, ịda awụ ị tẹ hụrẹ ụmọrụmọ nọ.

Ahẹ Ụgama 91:1

Ọza ana aa sị ẹngụ anị na tẹ̀ ịda Ohomorihi ana nẹba hu keekere ẹnị Ananyị yị vaa jị òkúu kú, dị ẹ yaa tụ́ ụhwọ nị.

Ayịsaya 1:3

Ọ rẹ ka ọkọnị imaaru ệ yẹ ọza ana nyị wa, dị ịkẹrịkẹtẹ ẹnị rẹ yẹ ịzị ẹ yàa rị ịsa nị. Ama Anisirẹrị nịnị ẹ yị vavọọ yẹ ịrẹyị. Ẹ yị nyị ịsị ẹ yẹ vụrụ-vụrụ.

Ayịsaya 30:15

Ẹnẹyịmavara ana vị ohinọyị keekere, Ohomorihi ọnịnị ana Anisirẹrị aa hẹkẹ ka wàa yaanị và hụụnị ebira odivi awụ nịnị dị ụ mẹ ẹngụ awụ nịnị hẹẹ, dị ụ sị ayị tụra ọnị nị, ụ yaanị sị há dị ụ rẹ nyị ụkata nịnị.

Ayịsaya 32:2

Aza vi ene vee zwe naa vaka aza ene hi ini ịjọva anka aza mèe zwe nee sì aha vaka ini ụmẹ oni orihi àa zụ̀, di opomi aa tụ́ avọọ. Ẹ rẹ vaa mẹ kà ẹngụ aza è hunẹnẹ anka okuha ana yà ịnị ụnọmị ọnịrị anka ihuhu ịrẹta ọbanyị ana yà ịzị ọchị è yi hi avọọ.

Ayịsaya 53:6

Avaba ayị vị ene nyeeyi anka atẹmẹ avọọ. Ọzọza ọ sị vàtụ oze anị, dị Ẹnẹyịmavara kune ẹnya akụvị ọnị mẹ tụra a nị.

Ijeremaya 10:21

Dị Ijeremaya tụ́ ohi ka, ọdọvịdị ẹnịnị vị ọnụra-ọnụra. Ẹnịnị ẹ yị họ̀ Ẹnẹyịmavara kà ọ zụ ẹnị oze, avọọ ẹnịnị sẹ ẹdụ, dị aza ẹnịnị sị gara nị.

Ijeremaya 13:16

Waa sị ụbanyị yị Ẹnẹyịmavara, Ohomorihi awụ nịnị dị ọ̀ vaa mẹ ka ịrahụ ọ̀ za ụ nịnị, dị wa vaa vangga nịnị ịnị ataba. Sị ụbanyị yọ nịnị dị ọ̀ vaa vara ẹtohweyi ọnị wee zi eyi nịnị ịrahụ ruma-ruma.

Ijeremaya 2:20

Ẹnẹyịmavara ene hu kere-kere ka, Anisirẹrị, o si ku ọnị ụ hụrẹ ka a sị mị kụkụ mẹ ọda tụra wụ nịnị, Ụ ka wẹ yị kụkụ saasa ịrẹyị amị nịnị, dị ụ wẹ̀ yị rẹ kụkụ hẹkẹ mị nịnị nị. Dị ụ naa hẹkẹ ori nịnị ịrẹsụ avaba ataba ọnịrị avaba iruvo ọchị ohwoohu nịnị nị.

Ijeremaya 2:32

Ozwoorihi óó zụ hi ayị ẹnya ọvị anị kẹ? Ọnẹẹ anaa va ọnọrụ oo zụ hi ayị ịta anaa kụ hi ẹngụ ịhị anaa va ọnọrụ? Ama o si kù ọnị aza anị hụrẹ hi ayị anị.

Ijeremaya 23:1

Ẹnẹyịmavara kà, oseratẹmẹ nịnị ana a wụ̀ aza anịị ha, dị ẹyaa gara wa aanị, ẹ sị da.

Ijeremaya 3:23

Ẹ ka, ori ọnị ẹnị aa hẹkẹ ngụ ịnị atabaa zị, ọnịrị eche ọnị ẹnị ee hú zị ka vị ẹnị aa mẹ ahẹkẹ aanị nị vị evene kẹnẹ. Ẹnẹyịmavara Ohomorihi kẹnẹ ọ vaa dọ Anisirẹrị ha nị.

Ijeremaya 3:6

Ijeremaya ka, Ẹnẹyịmavara ộ ka ẹ yị ọnị, ụmẹ ọnị Ijosaya sị vị ohinọyị ka, ọnị oo rẹ ịsị Anisirẹrị nịnị mẹ? Anisirẹrị nịnị vị ọnyẹnẹẹ ẹnẹẹ yị nyị ịzẹyịza. Ọ sị ịrẹma và ka ọnị, dị ọ naa sẹ̀ ịrẹka ngụ ịrẹsụ ataba ọnịrị iruvo avaba ọchị ohwoohu zị nị.

Ijeremaya 33:12

Ẹnẹyịmavara Ochẹtẹẹngụ ka, ịzị ẹnaanị ana sị mẹẹ anka ẹtẹ ọyịwụ, dị ẹ̀ yị nyị aza à vị ịsụpa aanị, ọ vanaa nyị avị ohwoohu ịzị oseratẹmẹ nịnị zụ kụ atẹmẹ ẹnịnị ve hi.

Ijeremaya 50:17

Ẹnẹyịmavara kà Anisirẹrị nịnị vị ana sị mẹẹ anka atẹmẹ ọnị idu nịnị dụ, dị ẹ gara hi ozi avọọ. Ịpaapa, ohinọyị Asiriya ọ vịdị kwẹẹtẹ tu wa nị, dị Inebukadineza, ohinọyị Ịbabịrọnị ọnị kụkụ va sị anyị ngụ wa na za ẹchụkụ nị.

Ijeremaya 50:19

Ẹnẹyịmavara kà, ọnị vanaa kụ Anisirẹrị nịnị vaavẹ ịnị ẹtẹ ẹnịnị. Ẹnịnị vaa kụ́ ịsọyịrị tụ ịrẹsụ ataba Ịkamẹrị ọnịrị ịnị ẹtẹ Ịbasanị, dị ẹyaa rị ọ. Ẹnịnị vee re avaba ịsị eyee sì ịrẹsụ ataba Ehwireemi ọnịrị hụrị ẹtẹ Anigiriyadi.

Ezikẹẹrị 13:10

Ẹnẹyịmavara kà, ọnịsẹ ẹnẹnị ẹ́ raa kụ́ aza anị nyeeyi. Ẹnịnị aa kà a yị aza anị ka ẹ́ yị nyị ịrẹyị, ama ịrẹyị vị ana yị tụra o. Ịrẹyị aza anị vị ana sị mẹẹ aza ana tụra ọvọ ẹnẹ ẹ̀ yị katẹngụ jẹẹ avọọ, dị ọnịsẹ ẹnẹnị vee kú ọda ọvwọọvụ nị.

Ezikẹẹrị 34:14

Ọnị vaa kụ wa naa rị ịzị avị ozoza-ozoza hi, dị ẹ rẹ yaa naa rị ịrẹsụ ataba ene hi Isirẹrị. Ẹnịnị vaa sụ̀tẹtẹẹ hi ịzị avị ozoza-ozoza hi ịzọọ, dị ẹyaa rị avị ọyịza-ọyịza ịnị ataba Isirẹrị.

Ezikẹẹrị 34:15

Ẹnẹyịmavara Ochẹtẹẹngụ ka, ọnị ụvọta o venee sere atẹmẹ anị nị. Ọnị vaa mẹ ka ẹ̀ sụ̀tẹtẹ hi ẹtẹ.

Ezikẹẹrị 34:16

Ọnị vee sị̀ ẹnị ene vu, ọnịrị ẹnị ana sị ha hụrẹ oze, dị ọnị kụ́ wa vavẹ eehi. Ẹnị ana ahụ aa zị, ọnị vaa jị ịsaa sụ ọ yị wa. Ọnị vaa mẹ ka ẹnị ana tụ ọkụmị ẹ̀ nyị ụkata. Ọnị vaa si eyi pe ẹnị ẹbanyị-ẹbanyị ana nyị ụkata, dị ọnị aa sị ịzẹyịza pa avaba ẹnịnị.

Imatiwu 10:6

Ama nọ ịdị Anisirẹrị nịnị, agụvị ka eni e vú anka atẹmẹ avọọ nị!

Imatiwu 15:24

Dị Ijeesu tụ́ ohi, dị ọ ka, “Agụvị Anisirẹrị nịnị ana sị mẹẹ anka atẹmẹ ene vú kẹnẹ a tụ̀ mị vẹ ẹhẹ nị”.

Imatiwu 9:36

Ama o mè re ọkọnị aza, ayị ẹnịnị ộ vá a, agụvị ka ọ sị ngụ wa ẹngụ, ẹ kụ́ vazi anka atẹmẹ ẹnẹ ẹ̀ yị nyị ọza ana aa tẹsị ẹnịnị avọọ.

1Ipita 2:25

Vị ụ vịdị sị mẹẹ anka atẹmẹ ene vú nịnị avọọ nị, ama booro aanị wa zị vavẹ ịdị Ọza ene ee sere wu nịnị, dị ọ raa tẹsị awụ nịnị.