Ijeremaya 50:5 - IWE ỌNỊNỊ

⁵ Ẹnịnị vee họ̀ use ka ịzị ẹ vị oze, dị ẹnịnị và tụra a. Ẹnịnị vaa vẹ vee wo oto yị ọnị, ka ọnị ẹnị vanaa saasa pooro zịna-zịna nị. Ẹnịnị ẹ́ yị vee hi ayị oto ọnọọ paa.

Ijeremaya 50:5 ပူးပေါင်းရင်းမြစ်များ

Oyinyima 17:7

Di Ohomorihi rẹ ka Ịrẹyị ọnọnị ọnị ọnị maanị pè e ọnịrị ezi anị ịrẹma-ịrẹma kà aanị vị ana jẹẹ pooro. Ịrẹyị pooro zịna-zịna ọ vị nị. Ịrẹyị ọnọọ ọ vị ka ọnị vaa vị Ohomorihi ọnịrị ezi anị ịrẹma-ịrẹma pooro zịna-zịna.

2 Ịsamụwẹrị 23:5

Ịnị eyi Ohomorihi, avọọ irehi amị mẹ̀ yà. Ịsị ọ ka ọnị vaa mẹẹ mị ọnị ọ mā vara pooro zịna. Avaba

1 Ohinọyị 19:10

Di Erija ka, “ụhị vị ọnị mị nyayịnẹ aa kụ̀ agụvị Ẹnẹyịmavara ana vị Ohomorihi anaā kụ̀ ịrẹkụ. Ịrẹyị ẹnị ẹmịrị Anisirẹrị kà tịtẹ, ẹ sị và hụụnị anị, atakuji ịzị a yàa mẹ̀ ịsọvọ wụ, e si o wú và ha, dị ẹ rẹ za ọnịsẹ awụ dị ẹ sị ụ̀hwọ̀ wụ̀ wa va ha nị. Ẹmị ịnyara kẹnẹ ọ kụkụ vọ nị, di e re yèe si ka ẹnị ẹ̀ hyakụ dọ mị ụhwẹ bẹẹ nị.”

1 Ohinọyị 19:14

Di Erija ka, “Ụhị vị ọnị mị nyayịnẹ aa kụ̀ agụvị Ẹnẹyịmavara ana vi Ohomorihi anaā kụ̀ ịrẹkụ. Ịrẹyị ẹnị ẹwụrị Anisirẹrị kà tịtẹ, ẹ sị và hụụnị anị, atakuji ịzị a yàā mẹ̀ ịsọvọ wụ, e si o wú va ha, dị ẹ rẹ za ọnịsẹ awụ, dị ẹ sị ụ̀hwọ̀ wụ̀ wa va ha nị. Ẹmị ịnyara kẹnẹ ọ kụkụ vọ nị, di e re yee sì ka ẹnị ẹ̀ hyakụ dọ mị ụhwẹ bẹẹ nị.”

Ahẹ Ụgama 84:7

Ẹ́ maà na, avọ ẹ màa nyị ụkataa hu avọọ pooro di e na ngụ ana vị ịda Ohomorihi nị.

Ayịsaya 35:8

A vaa nyị oze ọbanyị ọnya ịzọọ, ana a hị́ “Oze Ọnịnị”. Aza ana aa mẹ̀ ebira odivi ẹ yị vaa zị oze ọnọọ pàá. Aza edivi ana aa mẹ ụra ẹ yị vaa zị oze ọnọọ.

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ijeremaya 3:18

Anisirẹrị nịnị ẹnịrị Anijuda vaa vàa bẹ, dị e dudu hụrẹ ẹkụra ana a za wa ọrịhị ne hi eyi ẹbẹẹba. Ẹnịnị vaa vàa vẹ ịnị ẹtẹ ọnị ọnị sị mẹ ogu yị ohiku ẹnịnị.

Ijeremaya 31:21

Ọ kà wa mẹ apọtẹrẹwa jẹẹ oze nịnị. Vatụra oze ọnị ụ zị na nịnị, wa rẹẹ vaavẹ nịnị. Ẹwụ nịnị Anisirẹrị wa vaavẹ eehi awụ nịnị.

Ijeremaya 31:6

Ka ẹkụhị aa vẹ ọnị oserẹtẹ vaa yà ịrẹsụ ataba Ehwireemi dị ọ hị́ aza ka! Aa kwẹẹtẹ, dị aa vaa hịrẹ nọ ne tu Ẹnẹyịmavara Ohomorihi ayị.

Ijeremaya 32:40

Ẹnẹyịmavara kà, oto ọnị ọnị vee woo yị wa ẹ́ yị vaa nyị ẹzẹtẹ. Ọnị vị ana vaa mẹ ọyịzaa yị wa pooro, ọnị vaa mẹ ka ẹnịnị ee hí angwa nị, dị à sị ẹnịnị kụkụ va ịrẹma anị.

Ijeremaya 6:16

Ẹnẹyịmavara ộ kà a yị aza anị ka, jẹẹ ịzị oze va gẹ nịnị dị we re. Họ̀ use oze ịyẹẹyẹ nịnị, ka ịzị oze ọyịza ọnọọ ya, dị wa và tụraa nịnị, ka ọ va rọ wụ nịnị ẹngụ. Ama ẹnịnị ka heyiye, ẹnị ẹ yị zị avọọ.

Ezikẹẹrị 16:61

Ịjị ẹyịnyara awụ ana vị ọzọkụ ọnịrị ana vị ozweyi ẹẹ zị vàka awụ vẹ, ụ vaa tamayị avaba ebira ọnị ụ vịdị mẹ, dị ụhị aa nyị wụ. Ọnị vaa mẹ ka ẹnịnị ẹ̀ yị vịdị vavọọ kà a tụ ịnị ịsị ọnị hị́ eku anị yị wụ.

Ezikẹẹrị 37:22

Ọnị vaa và waa bẹ, dị ẹ vị anẹkụra ọnya tụ ịnị ẹtẹ ẹnịnị, ịrẹsụ ataba Isirẹrị. Ẹnịnị vaa nyị ohinọyị ọnyara. Ẹnịnị ẹ́ yị ma vana ha hi ẹẹva, à vị ka ẹ̀ nyị ohinọyị ẹẹva.

Ihoseya 1:11

Anijuda ọnịrị Anisirẹrị nịnị vaa vabẹ, dị ẹ nyị ọdọvịdị ọnyara yị ẹngụ ẹnịnị. Dị ẹ varẹma dọ ẹtẹ ẹnịnị agụvị ka ẹkụhị Ijezirẹẹrị vaa nyị ẹngụ anị.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ihoseya 6:1

Anisirẹrị nịnị ệ hị́ ẹngụ ka ẹnị aa varẹma ka Ẹnẹyịmavara na. Ệ kà ọnị ana gara ẹnị ha chẹkẹ-chẹkẹ ọ rẹ zụ mẹ̀ ẹnị ụkụ nị. Ọnị ana tọ̀ ẹnị ụnava, ọ rẹ zụ sị ịsa sụ yị ẹnị nị.

Ịjọọnụ 7:17

Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.

Odeyi 11:23

Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.

2 Anịkọrịntị 8:5

Ẹnịnị ẹ raà mẹ huna ọpa ẹnẹ ẹyị tụra eyi, ệ vịdị raà sị ẹngụ ẹnịnị yị Ananyị yị, dị ẹ kụkụ va sị ẹngụ ẹnịnị ị nyị, anka Ohomorihi mé sì ọọ.