Ijeremaya 50:40 - IWE ỌNỊNỊ

⁴⁰ Ẹnẹyịmavara kà, Ịbabịrọnị vị ana vaa yà anka Isodọmị ọnịrị Igomora mẹ yà ụmẹ ọnị ọnị sị vu wa ẹtẹ beri ẹkụra-ẹkụra ana kara wa avọọ. Ọza ẹ́ yị ma vana ra ịzọọ.

Ijeremaya 50:40 ပူးပေါင်းရင်းမြစ်များ

Ayịsaya 1:9

À yị vị ana ahịka Ẹnẹyịmavara Ochẹtẹẹngụ ộ mẹ̀ ka à nyị aza chee ana vọ, Ijerusarẹmị vị anị a yaanị vú ẹtẹ saka-saka anka e mè vu Isodọmị ọnịrị Igomora ẹtẹ avọọ.

Ijeremaya 49:18

Ọ kà, é me vú ẹkụra Isodọmị ọnịrị Igomora ẹtẹ beri ẹkụra-ẹkụra ana kara wa avọọ, avọọ a mẹ vee vu Edomi ẹtẹ nị. Ẹ́ ma vana nyị ọza ana vaa ra ịzọọ.

Ijeremaya 51:26

Ẹ yị nyị ịrẹta ikonyara ana a vaa sị hụụnị ịsị ẹẹ vọ ịnị awụ nịnị na tụra irehi. Vị́ ụ vanaa sịị mẹẹ anka ụnọmị ẹnẹ ẹ̀ yị nyị ọza pooro nị. Ọnị, Ẹnẹyịmavara ọ ka avọọ nị.

Emọsị 4:11

Dị ọ ka ọnị e vu wa ẹtẹ anka ọnị mẹ mẹ̀ Anisodọmị ọnịrị Anigomora avọọ. Aza anaa ha hụụnị anị vi ana vaa sị mẹẹ anka ẹjịjị ọkụ ịra ana tụ́ tịtẹ avọọ nị. Ama ẹnịnị ẹ yị hụvị avọọ va ka Ẹnẹyịmavara vẹ.

Ịzẹhwanaya 2:9

Dị Ẹnẹyịmavara kà ọnị ana vị Ohomorihi Anisirẹrị ọ̀ọ yà ịzọọ, Animowabi ọnịrị Anamọnị vị ene vee vú ẹtẹ anka Isodọmị ọnịrị Igomora avọọ. Dị ẹtẹ ẹnịnị hí yị avị ikeyi-ikeyi, dị ọ jị ụsị anọ hi ẹtẹ, di o du ha tịtẹ. Dị aza Ẹnẹyịmavara ana vọ dọ ẹtẹ ọnọọ, dị ẹ sị mẹ ẹẹnịnị.

Aniroomi 9:29

Ayịsaya ọ rẹ vịdị kà a ka, “Ẹ̀ yị vị oni Ohomorihi Ochẹtẹngụ navọ aza chee yị, ị yaanị kụkụ sị mẹẹ anka anẹkụra Isodọmị avọọ nị, dị ị rẹ yà anka anẹkụra Igomora.”

Iwe Ọhụhị Imosiisi ana aa hị́ Ọyịvatụrọda 29:23

Ẹnẹyịmavara vaa sị ohuuru ọnịrị anọ du ẹtẹ awụ nịnị ha. Ẹ yị nyị ịsa ana zụ chire, dị ọ hyakụ va chị. Ẹ yị nyị avị ọnị ọza vee re ịzọọ. Ịzọọ vaa tụ́ osusu anka Isodọmị ọnịrị Igomora ne beri Adima ọnịrị Izeboyimi ọnị Ẹnẹyịmavara sị ọyịkụ-ọyịkụ vu ẹtẹ.

2Ipita 2:6

Ohomorihi ọ rẹ jị ịvị yị anẹkụra Isodọmị ọnịrị Igomora, dị ọ sị ịra wụ̀ wa vá ha nị. Ộ vavọọ mẹẹ, agụvị aza ana ka ẹnị ẹ mā wụ́ ịrẹyị Ohomorihi ẹ̀ kọ ịrẹyọyẹ hụụnị anị.

Ijudi 1:7

Rẹ tamayị ịrẹyị anẹkụra Isodọmị ọnịrị Igomora ne beri ẹkụra ana kara wa avọọ, ẹ́nị mẹ̀ raa mẹ ụnọ, dị ẹ rẹ yaa sẹ̀ ịrẹka irenyi-irenyi nị. E hi ịnị ịra, ẹyaa rị ụya pooro zịna-zịna, agụvị ọzọza ọ̀ kọ ịrẹyọyẹ hụụnị ịrẹyị ẹnịnị

Ẹtore 11:8

Oku ẹnịnị vaa yà ini oze ẹkụra ọbanyị, ịzị a vịdị kanyị Ananyị yị za ọchị apavahị. Ịrẹha ẹkụra ọnọọ ana ahịka vị e si juwe ịsa nị, aā hị́ Isodọmị, à vị Ijipiti nị.