Ijeremaya 50:4 - IWE ỌNỊNỊ

⁴ Ẹnẹyịmavara kà, ịjị ụmẹ ọnọọ oo tu, Anisirẹrị nịnị ẹnịrị Anijuda nịnị vaa jị òrèrè, dị eyee sì ọnị, Ohomorihi ẹnịnị.

Ijeremaya 50:4 ပူးပေါင်းရင်းမြစ်များ

2 Ịtọpa 7:14

Aza anị ana aa sị ịrẹha anị hị́, ẹ̀ẹ va ẹngụ ẹnịnị nẹtẹ, dị ẹ mẹ̀ aduwa, dị ẹ ro ịnẹ varẹma, dị ẹ va hụụnị ebira odivi ẹnịnị, ọnị vaa wụ́ aduwa ẹnịnị hụrẹ ẹbẹẹba, dị ọnị sị eyi hụụnị ịvị ẹnịnị, dị ọnị mẹ ẹtẹ ẹnịnị zoza yị ịsa aarẹ.

Ahẹ Ụgama 105:4

Wē nee tù Ẹnẹyịmavara kà ọ̀ gụ wụ nịnị ụvọ, dị waa hẹkẹ ẹnịnị pooro.

Ayịsaya 14:1

Ama Ẹnẹyịmavara ọnị vaa vayị ezi Ijekọvụ ana vị aza anị. Ọ rẹ vanaa kụ́ waa vẹ ka ẹ̀ va ra ịnị ẹtẹ ẹnịnị. Azọga va naa ra pè wa ịzọọ.

Ayịsaya 45:19

Ọnị e yi were ka ịrẹyị. Ọnị ẹ yị ka yị Anisirẹrị nịnị ka ẹ họ̀ use ịsa ọnị ọnị ẹ yị vaa zụ mẹ yị wa. Ịzẹyịza ọnịrị ịsa ana vọrọ ọnịị̄ kà a nị.

Ayịsaya 55:6

Sì Ẹnẹyịmavara ịnị ụmẹ ene nyengu si re e, Hị́ ọ booro aanị ọnị ọ gụrị ẹtẹ.

Ayịsaya 63:4

Ẹnẹyịmavara kà ụmẹ ọnị a sị dị aza anị ha o si tu. Ụmẹ o si tu ka ọnị ọ sị ụya rị ọnịvị aza anị nịnị.

Ijeremaya 31:31

Ẹnẹyịmavara kà, re, ụmẹ aa vẹ ọnị ọnịrị Anisirẹrị beri Anijuda nịnị vaa zẹẹ oto ọwọọwa.

Ijeremaya 33:15

Ọ kà ụmẹ ọnọọ, ọnị vaa sị ozi Idevidi ọnyara ana vị ọnịzẹyịzaa rị ohinọyị. Ohinọyị vaa mẹ ịsị ana vọrọ dị ọ vị ịzẹyịza avaba aha ịnị ẹkụra.

Ijeremaya 41:6

Isimẹrị ộ hụrẹ Imizipa na gẹrị wa. Ọ́ maa na, vị aa jị òrèrè nị. Ịjị ó ne si tu wa, dị ọ́ ka, aarịhịnị, ẹẹ vẹ, è ve re Igidarịya nị.

Ezikẹẹrị 16:61

Ịjị ẹyịnyara awụ ana vị ọzọkụ ọnịrị ana vị ozweyi ẹẹ zị vàka awụ vẹ, ụ vaa tamayị avaba ebira ọnị ụ vịdị mẹ, dị ụhị aa nyị wụ. Ọnị vaa mẹ ka ẹnịnị ẹ̀ yị vịdị vavọọ kà a tụ ịnị ịsị ọnị hị́ eku anị yị wụ.

Ezikẹẹrị 39:25

Ama booro aanị, Ẹnẹyịmavara Ananyị yị ka, ọnị vaa vayị evere Ijekọvụ; ẹnị ẹ vị Anisirẹrị nịnị nị, dị ọnị mẹ ka ọ̀ varẹma zee yị wa. Ọnị vaa hụ̀ agụvị ịrẹha ọnịnị anịị kụ ụhị.

Ihoseya 1:11

Anijuda ọnịrị Anisirẹrị nịnị vaa vabẹ, dị ẹ nyị ọdọvịdị ọnyara yị ẹngụ ẹnịnị. Dị ẹ varẹma dọ ẹtẹ ẹnịnị agụvị ka ẹkụhị Ijezirẹẹrị vaa nyị ẹngụ anị.

Ihoseya 11:10

Ẹnẹyịmavara kà a aza anị vaa saasa ọnị ịjị ọnị òo na owu anka idu avọọ hi ọnịvị ẹnịnị. Eyiha-eyiha ẹnịnị vaa sị zwe hụrẹ eyi ịzị ọyịị̄ zịị na ngụ ẹtẹ.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ihoseya 6:1

Anisirẹrị nịnị ệ hị́ ẹngụ ka ẹnị aa varẹma ka Ẹnẹyịmavara na. Ệ kà ọnị ana gara ẹnị ha chẹkẹ-chẹkẹ ọ rẹ zụ mẹ̀ ẹnị ụkụ nị. Ọnị ana tọ̀ ẹnị ụnava, ọ rẹ zụ sị ịsa sụ yị ẹnị nị.

Ijowẹrị 2:12

Ẹnẹyịmavara kà booro aanị, ẹ sị ayị ọnya ro ịnẹ hụụnị ebira odivi ẹnịnị, dị ẹ va ka ọnị vẹ. Ẹnịnị ẹ va ẹngụ hi, dị ẹẹ jị òrèrè, asị ẹẹ rị ịsa.

Ịzakaraya 12:10

Ẹnẹyịmavara kà a, ọnị vaa mẹ ka ezi Idevidi ẹnịrị aza ana ra Ijerusarẹmị ẹẹ vayị ọza, dị ẹẹ mẹ̀ aduwa. Ẹnịnị vee re ọza ẹnẹ ẹ sị ụ̀hwọ̀ wụ̀, dị ẹ yaa zị ẹngụ yọ anka aza anaa zị ẹngụ yị ozi ene su avọọ. Ẹ vaa nyayịnẹ zị ẹngụ anka ozi ịpaapa ọza ô rere su avọọ nị.

Ijemiisi 4:9

Sị ụya rị ẹngụ awụ nịnị, wee nowu dị ụ wa rẹẹ jị òrèrè nịnị. Waa jị òrèrè, asị u re kuku nyi unyi nịnị! Du ayị, asị ụ rẹ kụkụ jẹ ịrajẹ nịnị!