Ijeremaya 50:38 - IWE ỌNỊNỊ

³⁸ Ọyị vaa jị ẹkụra ẹnịnị, dị avaba irehu ẹnịnị wụ. Ịbabịrọnị vị ẹtẹ ọnị ori edivi-edivi hi. Ori ẹnẹẹ ẹ́ sị wa tụ́ ụra.

Ijeremaya 50:38 ပူးပေါင်းရင်းမြစ်များ

Oyinyima 8:1

Ohomorihi ọ tị tamayị ka Inowa ọnịrị avaba úye hi ịnị ẹpa ọnọọ. Di Ohomorihi mẹ ka ahị ọ̀ tụ́, di enyi ọnọọ aa hụ́ nị.

Ayịsaya 44:25

Mâ kụ ịrẹyị onireche nịnị hi ireche, dị mị mẹ ka ịrẹyị ana aza ana ka eniī re ẹtẹ ka, ọ vị osusu nị. Mâ kụ ịrẹyị ọyẹrẹyị nịnị ha, dị mị sị zụ wa ka ụ̀rà kẹnẹ ịrẹyọyẹ ẹnịnị vị nị.”

Ayịsaya 44:27

Ẹ̀ma mẹ ọda ka òkù ọ̀ wụ nị. Mị vaa mẹ irehu awụ nịnị ẹ̀ wụ.

Ijeremaya 50:12

ama ẹkụra awụ nịnị ana maanị banyị aanị vị ana a vaa mẹ ụhịị nyị, dị ụhị nyị ọ ẹtẹẹtẹrẹ. Ịbabịrọnị ọ vanaa tụ ọkụmịị hu kere-kere ịnị avaba ẹkụra nị. Vị́ ọ́ vanaa vara ẹtẹ ẹnẹẹ yị nyị enyi dị ọ́ vị ọ̀yị wụ nị.

Ijeremaya 50:2

Ọ kà, ọnị ọ̀ na ka enube ọnọnị yị ẹkụra-ẹkụra, ọnị ọ̀ nọ̀ọ enube ọnọnị o. Ọ kà ọnị ọ̀ sị asịyẹ jẹẹ dị ọnị ọ̀ nọ̀ọ enube ọnọnị. Asị ọnị sị tẹ̀ vụrụ-vụrụ. Ịbabịrọnị ọ sị sẹ ẹdụ ọ! Asị ori ẹnịnị ana aā hị́ Imaduki gara ha. Asị ụhị mẹ nyị ori Anibabironi nịnị. Asị ịsị ẹnẹ ẹ́ bẹ vene ịsị irenyi-irenyi hi ẹtẹ chaka va ha.

Ijeremaya 51:44

Ẹnẹyịmavara kà, ọnị vaa sị ụyaa rị ori Anibabironi nịnị ana aā hị́ Ịbẹẹrị, dị ọnị mẹ ka ọ̀ hẹ̀rẹ avaba ịsa ọnị o yi. Anẹkụra-ẹkụra nịnị ẹ́ yị ma vana va mẹ̀ ẹ. Ọvọ Ịbabịrọnị o si wu o.

Ijeremaya 51:47

Avọọ, ẹkụhị aa vẹ ọnị ọnị vaa sị ụyaa rị ori ene hi Ịbabịrọnị. Ọnị vaa mẹ̀ ụhị ẹkụra ọnọọ, dị a wụ̀ aza ene hi ịnị anị.

Ijeremaya 51:52

Avọọ, Ẹnẹyịmavara raa ka, re, ụmẹ aa vẹ ọnị ọnị vaa sị ụyaa rị ori ene hi Ịbabịrọnị, dị aza ana a tọ ụnava kụkụ è nowu ọngwọọngụ.

Ijeremaya 51:7

Ẹnẹyịmavara kà, Anibabironi nịnị vị ana sị mẹẹ anka ako ana a sị igooru mẹ̀ ọnị ọnị sị rị ụvọ, dị ẹnịnị kà avaba anẹhẹ eche nị. Ẹkụra-ẹkụra ê hú eche anị, ẹnịnị ẹ̀ yị kụkụ yẹ ịsị ẹyaa mẹ.

Ịdanịyẹrị 5:4

Dị ẹ yàa ká ẹngụrẹhaa kú ori ẹnịnị ẹngụ e mee hú eche nị. Ori ẹnẹnị vị ana sị igooru, isiriva ọnịrị enyusẹ ana vọ beri ọchị ọnịrị ịrẹta mẹ.

Odeyi 17:16

Ị́pọọrụ mẹ̀ jẹẹ Atẹnị, ee zí wa, ayị ộ kụ́ ọọ ẹtẹẹtẹrẹ, o mè re ka ẹkụra ọnọọ vị ori-ori.

Ẹtore 16:12

Dị anggẹẹrị ọhụhịnọnyị ọnị rẹ và ene hi ịnị ịchacha hi ini okuha Iyuhureti ana banyị nị. Dị enyi anị wụ, ka oze ò tenyi tịtẹ yị ohinọyị nịnị ana yà eyi ọnị ọyịị̄ zịị hụrẹẹ vẹ nị.

Ẹtore 17:5

Dị a chẹrẹ ịrẹha ọnya tụ́ ini ibe anị oni iruvo anị nyịnẹ ka, “Ịbabịrọnị ọbanyị, ọnyị ọsẹrẹka nịnị ọnịrị ohiku aza ene ee du ẹhẹ.”

Ọdọvịdị 6:30

Dị Anẹkụra nịnị ka yị Ijowasi ka ọ sị ozi tụ ẹhẹ, dị ẹnị ẹ wụ̀ ọ. Oni o wu ụta Ịbaarị, dị ọ dà ọchị ana a sị mẹ uyi Asẹra tụ̀ akahị Ịbaarị nị.