Ijeremaya 50:37 - IWE ỌNỊNỊ

³⁷ Ọ kà, è vu avaba umaata ẹnịnị ọnịrị ụkẹkẹ ịrẹkụ ẹnịnị ẹtẹ. À wụ̀ avaba isoja ọzọga ẹnẹ ẹ na kụ hụrị aha ọsa vẹ va ha, ẹnịnị ẹẹ da vị ọkụmị kẹnẹ. È du avaba ogu ẹnịnị ha beri avaba ịsa ẹnẹ ẹ sị ụkata-ụkata na kụ hụrị aha ọsa avọọ.

Ijeremaya 50:37 ပူးပေါင်းရင်းမြစ်များ

Ahẹ Ụgama 46:9

Ọ raà mẹ ka asị anẹhẹ rẹ kụkụ kụ̀ ịrẹkụ Dị ọ za ọkịta ọnịrị ọha ẹnịnị, di o che wa và ha nị Dị ọ kụ́ ogonto ẹnịnị, dị ọ rị wa ịra và ha nị.

Ahẹ Ụgama 76:6

Ẹwụ Ohomorihi oni Ijekọvụụ̄ hẹkẹ, ụ mẹ̀ kara eyi kẹnẹ, onumaata ọnịrị umaata anị ẹ yị kụkụ zụ zizi.

Ayịsaya 19:16

Ụmẹ ọnya aa vẹ. Ịhị ọnọọ Anijipiti vee re ka Ẹnẹyịmavara Ochẹtẹẹngụ ọ sị kwẹẹtẹ ka ọnị ọ̀ sị ụya rị ẹnị Ẹnịnị vee hí angwa anka ọnyẹnẹẹ avọọ.

Ayịsaya 45:3

Ọ kà ọnị vaa sị ogu yị ọ hụụnị aha ohozi ịzị ẹ tẹ̀. Ịjọnọọ ọ vaa yẹ ka ọnị ọ vị Ẹnẹyịmavara nị. Ọnị Ohomorihi Anisirẹrị ọ raà sị ịrẹha anị hị́ ọ.

Ijeremaya 25:20

Ẹnị ọdọvịdị Ijipiti, avaba Anijipiti nịnị ọnịrị azọga ana ra beri wa, avaba ohinọyị ẹtụ Uzi ẹnịrị avaba ohinọyị ẹtẹ Anihwirisiti (ẹtẹ Anihwirisiti ẹnẹẹ ẹ vị Asikeroni, Igaza, Ekironi, ọnịrị ana vọ ẹtẹ Asidodi nị).

Ijeremaya 25:24

avaba ohinọyị Anarebiya ẹnịrị avaba ohinọyị aza anaa kà ẹkụra irenyi-irenyi ene dudu ra hi ịnị ẹtẹ aarẹ-aarẹ.

Ijeremaya 48:41

Ẹkụra-ẹkụra ene hi Imowabi ọnịrị irehi ọbanyị ọnị isoja ẹnịnịị yaa sere ẹtẹ vị ọnị ẹkụra ọnọọ vaa za. Ịhị angwa vị ene vee hi isoja Animowabi nịnị anka ọnyẹnẹẹ anaa barẹẹ avọọ.

Ijeremaya 50:10

Ẹnẹyịmavara kà avọọ á mẹ vaa kụ́ Anibabironi nịnị ẹnya, dị ẹnya hụ aza ana va kụ wa ẹnya nị.

Ijeremaya 50:26

Ọ kà wa zị oze ụvọnị-ụvọnị kwẹẹtẹ tu ọ nịnị. Gara oze irehi ịzị ẹ kụ ẹnya ẹnịnị tẹ hi. Gú ẹnya ẹnịnị jẹẹ, á mẹẹ gu ịsọyịrị jẹẹ avọọ, dị we du wa ha nịnị saka-saka, asị a nyị ịsị ụ vọ tịtẹ yị wa nịnị vụrụ-vụrụ.

Ijeremaya 51:21

Ẹwụ nịnị ọnị sị gara umaata nịnị ẹnịrị aza ana tụra wa ha rugu-rugu nị. Ẹwụ nịnị ọnị sị gara ụkẹkẹ ịrẹkụ ọnịrị aza anaa sị waa zị ha nị.

Ijeremaya 51:22

Ẹwụ nịnị ọnị tụ na wụ̀ aza irenyi-irenyi va ha nị. Ọnọrụ ọnịrị anẹẹ nịnị, ọzọkụ ọnịrị ozweyi nịnị, beri ezwọọmụha ọnịrị ezwoorihi nịnị nị.

Ijeremaya 51:30

Isoja Anibabironi ẹ yị kụkụ kụ ịrẹkụ. E ne sì hi ịnị irehi ọnị isoja nịnị yaa sere ẹtẹ. Ẹnịnị ẹ yị kụkụ nyị ọtụtụrụma, vị ẹ kụkụ sị mẹẹ anka anyẹnẹẹ avọọ nị. A sị oze ọbanyị ana aā zị vaa ngụ ịnị ẹkụra gara ha, irehi ẹnịnị aa rị ịra.

Ijeremaya 51:4

Ẹnịnị vị ana a vaa tọ̀ ụnava, dị e sú va hi ẹtẹ oze ene hi ẹkụra ẹnịnị.

Ezikẹẹrị 30:5

Isoja ana Anijipiti nịnị na hị́ hụrị ẹtẹ Anikusi, Iridiya, Aniribiya, Arebiya, Ikubu ọnịrị ẹnị ana a na hị́ hụrị aha ana vọ vị ana a vaa wụ̀ ịnị ịrẹkụ ọnọọ.

Ezikẹẹrị 39:20

Ọ kà, ẹnịnị ẹ̀ẹ vẹ́ aha ịsọyịrị anị, ẹ vaa rị uye umaata ọnị ụvọ ẹnịnị òo ku kẹnẹ ọnịrị aza ana tụra umaata ẹnẹẹ oku isoja ana nọ ịrẹkụ nịnị. Ọnị, Ẹnẹyịmavara Ananyị yị ọ kà avọọ nị.

Ịnahụmị 2:13

Ẹnẹyịmavara Ochẹtẹẹngụ kà, ọnị ọ raà va eyi ịraazị ka Anininivẹ nịnị. Ọ kà, ọnị vaa rị ịkẹkẹ ịrẹkụ ẹnịnị ịra, dị ọnị rẹ wụ̀ avaba ọkụrẹkụ ẹnịnị ha, dị ọnị dọ wa ogu aza ẹnị ẹ kụ. Ẹnịnị ẹ yị ma vana tụ ọnụtụ ne chire aza angwa paa.

Ịnahụmị 3:13

Ọkụrẹkụ Anininivẹ tụ ọkụmị anka anyẹnẹẹ avọọ. Avaba oze ọbanyị ana ngụ ẹkụra vị ana na hi ẹtẹ yị ọnịvị nịnị. A vaa rị ọchojoze ọbanyị ẹnẹẹ ịra.

Ịhagayị 2:22

Ẹnẹyịmavara kà ọnị vaa dọ ịjọva ọnịrị ụkata hụụnị ụvọ anẹkụra nịnị. Ọnị vaa va ịkẹkẹ ịrẹkụ ẹnịnị ọnịrị aza ana tụra wa anga, dị ọkụrẹkụ ẹnịnị anaā tụra umaata vara eyi tu ẹngụ aa wụ ẹngụ ha beri umaata ẹnịnị.