Ijeremaya 50:34 - IWE ỌNỊNỊ

³⁴ Ama ọza ana vaa dọ waa ha, ọọ kata Ẹnẹyịmavara Ochẹtẹẹngụ ịrẹha anị rị nị. Ọnị ụvọta vaa hụvị ịrẹyị ẹnịnịị kwẹẹtẹ, dị ọ mẹ ka avaba anẹhẹ ẹ̀ nyị ẹngwọọrọ. Ama ọ vaa kụ ẹngụkataa tu Anibabironi nịnị.

Ijeremaya 50:34 ပူးပေါင်းရင်းမြစ်များ

2 Ịtọpa 6:39

Navọ ọ wụ́ aduwa ẹnịnị hụụnị eehi anị ẹbẹẹba, dị ọ vayị ẹnịnị, dị ọ vagu wa ịnị ịvị ẹnẹ mẹ̀.

Ijoovu 19:25

Mâ yẹ ka ọdọzaha amị yàra, ọ vaa vẹ vaa kụ̀ ịrẹkụ yị mị ịnị ọdịrẹma ịrẹyị ọnọnị.

Ahẹ Ụgama 35:1

Ẹnẹyịmavara, navọ wa kụ́ ọ tụ̀ aza ana kụ́ ọ tù mị Aza ene ee pè mii kụ̀ ịrẹkụ aanị, navọ we pè wa kụ̀ ịrẹkụ.

Ahẹ Ụgama 43:1

Ohomorihi navọ wa sị zụ̀ ka mẹ yị rị ịvị Navọ wa dọ irenu amị kụ́ agụvị ka aza edivi ẹ sị dà pè mi Navọ wa dọ mị tụ́ hụụnị ụvọ aza edivi ẹnẹẹ ene ee cheeche.

Ọyịkụra 6:6

Dị ọ rẹ ka agụvị avọọ ọ̀ na kà a yị Anisirẹrị nịnị ka ọnị ka ọnị ọ̀ vị Ẹnẹyịmavara nị. Ka ọnị vaa kụ́ wa jịnẹ dị ẹ yị kụkụ vị ọrịhị Anijipiti nịnị. Ọ kà ọnị aa dọ wa tụ́, ama ọnị vaa sị ụyaa rị Anijipiti nịnị ẹtẹẹtẹrẹ.

Ụhịrẹyị 22:23

Ẹnẹyịmavara vaa jẹẹ yị wa, ịsị aza ẹ̀ẹ kụ tu wa ọnị rẹ vaa kụ tu ẹnị nị.

Ụhịrẹyị 23:11

Ẹnẹyịmavara ọ vị ọnụkata anaa vụ̀ ịrẹvụ ẹnịnị nị. Ọ vaa jẹẹ yị wa.

Ayịsaya 41:14

Ẹnẹyịmavara kà; Isirẹrị ọ̀ọ daka weyi, dị ọ vị ọkụmị nị, asị ọ hụrẹ ayịnẹ ka ọnị vaa gụ ọ ụvọ. Ọnị ana vị Ohomorihi ọnịnị Isirẹrị ọ vaa dọ ọ ha nị.

Ayịsaya 43:14

Ẹwụ nịnị Anisirẹrị, Ohomorihi awụ nịnị ana vị Ọnịnị, ana dọ wụ nịnị ha ka, ọnị vaa hụ agụvị awụ nịnịị tụ́ụ nọ Ịbabịrọnị. Ọnị vaa gara oze ọbanyị ẹnịnị ana a sị enyusẹ mẹ ha. Owu ẹnẹ ẹyaa na vaa vara orere.

Ayịsaya 44:6

Ẹnẹyịmavara, Ohinọyị Ísirẹrị ana dọ wa ha, Ẹnẹyịmavara Ochẹtẹẹngụ ka: Ẹma vị ọnịpaapa nị, ẹma rẹ vị ọdịrẹma nị. Ẹmị ịnya ọ vị Ohomorihi nị. Ịrẹma amị, ẹ yị nyị Ohomorihi ọsa.

Ayịsaya 47:4

Ohomorihi ọnịnị Ánisirẹrị ọ dọ yị ha nị. Ịrẹha anị ọ rị Ẹnẹyịmavara Ochẹtẹẹngụ nị.

Ayịsaya 49:25

Ama Ẹnẹyịmavara ọ̀ kà a ka ọnị vaa va eyi ịrazị ka aza ene pe wa vụ ịrẹvụ. Ọnị vaa dọ ezi ẹnịnị hụrẹ ụvọ ọnịvị ẹnịnị ana vị anayịchama.

Ayịsaya 51:22

Ẹnẹyịmavara Ohomorihi awụ nịnị anaā vụ ịrẹvụ yị aza anị kà, ọnị ọ raà dọ ako ọnị ọnị sị yị wa ịnị ọyịkụ. A yị kụkụ vaa sị ụkata-ụkata za wa ka e hu dị ọọ vaa mẹrị wa.

Ayịsaya 54:5

Agụvị ka Ohomorihi ana mẹ wụ vị ana vaa sị mẹẹ anka ọ vaa yị wu. Ịrẹha anị ọ rị Ẹnẹyịmavara Ochẹtẹẹngụ nị, Ohomorihi Ọnịnị Ísirẹrị vaa dọ wụụ ha. Ọnị ọ vị Ohomorihi avaba ẹhẹ nị.

Ijeremaya 10:16

Ohomorihi Ijekọvụ ọnịrị wa ẹ ị vị ọnya, agụvị ka ọnị ọ mẹ avaba ịsa nị. Ọ raa nyị Anisirẹrị nịnị ka ẹ vị aza anị. Ẹnẹyịmavara Ochẹtẹẹngụ ịrẹha anị rị nị.

Ijeremaya 15:21

Ọ kà, ọnị vaa dọ ọnị tụ hụụnị ụvọ aza edivi nịnị anaā mẹ ezigi.

Ijeremaya 30:20

Ẹnẹyịmavara kà, ọnị vaa mẹ ka ezi ẹnịnị ẹ̀ yà anka ẹ mẹ yà ịyẹẹyẹ. Ọnị vaa varẹma sị ẹkụra ẹnịnị hi ẹtẹ geri-geri. Dị ọnị sị ụya rị avaba aza ana mẹ ẹvaya (ehuna) yị wa.

Ijeremaya 31:11

Ẹnẹyịmavara kà ọnị o ree si ụta Anisirẹrị nịnị. Ọnị ọ raa dọ wa ha hụụnị ụvọ anẹkụra ene chi wa ẹngụ.

Ijeremaya 31:35

Ẹnẹyịmavara ọ mẹ ọyị ka ọ̀ vị ẹtohweyi yị ọọdụ nị, ọnị ọ mẹ ụhwẹ ọnịrị ụzọmị ka ẹẹ zẹtẹ ịrahụ nị. Ọnị ọ mẹ ka oku ọọ jị ayị dị ọọ da vụụvụ nị. Ịrẹha anị ọ rị Ẹnẹyịmavara Ochẹtẹẹngụ nị.

Ijeremaya 32:18

Ẹwụ ee sị ịrẹyị aza akahị-akahị pooro nị. Ẹ wa rẹẹ sị ụyaa rị aza agụvị ebira odivi aza ana ma wa nị. Waa banyị, dị ụ rẹ nyị ụkata ẹtẹẹtẹrẹ nị. Ẹ waa vị Ẹnẹyịmavara Ochẹtẹẹngụ nị.

Ijeremaya 48:15

Ohinọyị ana aā hị́ Ẹnẹyịmavara Ochẹtẹẹngụ ka, ẹtẹ Imowabi ọnịrị avaba ẹkụra ene hi ịnị anị vị enee vee vú ẹtẹ. Ezwọọmụha ọyịza-ọyịza ene hi ịzọọ vị ana vaa wụ̀ ha.

Ijeremaya 51:19

Ohomorihi Anisirẹrị nịnị ọnịrị wa ẹ́ yị vị ọnyọọnya, ka ọnị ọ mẹ avaba ịsa nị. Ọnị ọ nyị Anisirẹrị nịnị ka ẹnịnị ẹ̀ vị aza obooro-obooro nị. Ịrẹha anị ọ rị Ẹnẹyịmavara Ochẹtẹẹngụ nị.

Ijeremaya 51:36

Agụvị avọọ, Ẹnẹyịmavara ộ kà a yị Anijerusarẹmị nịnị ka, ọnị vaa dọ ịrazị awụ nịnịị zị, dị ọnị họ̀ oponu ịrẹyị awụ nịnị. Ọnị vaa mẹ ka avaba oswe ene hi Ịbabịrọnị ọnịrị irehu ẹnịnị ẹ̀ wụ.

Arụwẹ 3:58

Ananyị yị ộ hụvị ịrẹyị amị kwẹẹtẹ, dị ọ dọ mị ha.

Ijowẹrị 2:11

Dị Ẹnẹyịmavara ha iduma dọ ka ịrẹyị yi ọkụrẹkụ anị, dị ẹnịnị wụ́ chire e nị. Ẹkụhị ọnị Ẹnẹyịmavara vaa mẹ̀ ọkarẹyị vaa nyị ẹngụ anị. Ẹnẹ vaa ha?

Imika 4:10

Weē ti, weē rimanya ẹwụ nịnị Anijerusarẹmị mi ka weē ti anka ọza ana aa barẹẹ avọọ o si tù ka wa kụ̀rà hụrẹ ẹkụra di wa na ra ịnị avị nịnị Waa kụraa nọ Ịbabịrọnị nịnị. Ịzọọ Ẹ́nẹ ẹ̀ yị mā vara vàa yàa dọ wụụ tụ́ nịnị. Mị ka ọ vaa dọ wụ nịnị tụ hụụnị ụvọ ọnịvị awụ nịnị.

Imika 7:9

Ẹnẹyịmavara ya raà rị ịvị awụ, agụvị avọọ yaa sị ẹngụ dọ ọyịkụ awụ. Ama ọ vị ịrẹma anị, ụ vaa vụ ịrẹvụ yị yị, di u sí atọ ịsị a mẹ yị. Ọ vaa sị yị vẹ ịnị ẹtohweyi; ọ vaa dọ yị ha.

Ẹtore 18:8

Agụvị avọọ, avaba ụyọrị anị vị ene vee tù ọ ẹkụhị ọnya: ụkụ vaa za a, dị ọ và ẹngụ hi, dị ụngwẹ kụ̀ ọ ẹtẹẹtẹrẹ. A vaa rị ọ ịra agụvị ka Ohomorihi Ananyị yị ana aa mẹ̀ ọkarẹyị anị, ộ nyị ụkata.