Ijeremaya 50:33 - IWE ỌNỊNỊ

³³ Ẹnẹyịmavara Ochẹtẹẹngụ ka, aa mẹ ẹvaya yị Anisirẹrị nịnị ọnịrị Anijuda nịnị. Aza ana za wa vị ana si eyi pe wa gegede. Ẹnịnị ẹ́ yị zẹẹ ka ẹnị ẹ̀ hụrẹ wa ụvọ.

Ijeremaya 50:33 ပူးပေါင်းရင်းမြစ်များ

Ọyịkụra 5:2

Di Ihwarawo ka, “Ẹ̀nị aā hị́ Ẹnẹyịmavara nịnị kẹ? Ẹ̀nị ọnọọ vị ana aa kà ịrẹyị ana vọrọ ka ọnị ò batọ anị, ọnị ọnị vaa hụ agụvị anịị hụrẹ Anisirẹrị nịnị ụvọ? Ọ kà ọnị ọ yị yẹ ka â vavọọ nyị Ẹnẹyịmavara. Dị ọ ka dị asị a kụ́ ịrẹka gọdọ, ọnị ọ yị vaa zẹẹ ka Anisirẹrị ẹ̀ na.”

Ọyịkụra 8:2

Ọ kà ẹ̀ kà a ka ọnị ka ọ̀ yị zẹẹ ka ẹ̀ na, ọnị vaa mẹ ka ọnyọ ẹ̀ chaka hi avaba aha ịnị ẹtẹ anị. Anijipiti nịnị ẹ mā rị ọnyọ, vị ọọ̄ nyị wa ịhyẹrẹ anka iruvu avọọ nị.

Ayịsaya 14:17

ọza ana maanị wụ̀ aza ha, dị ọ tụ́ ẹhẹ osusu. Ẹkụra ọnị ọ̀ọ gara dị kụ́ aza anị nị, ọ mā zẹẹ ka aza ẹnẹẹ ẹ̀ kụkụ varẹma nọ eehi ẹnịnị.

Ayịsaya 47:6

Ayị ộ kụ́ mị tu aza amị; mâ mẹ̀ ebira hi wa anka vị ẹ̀ yị vị aza amị ẹ kụkụ vị nị. Mâ sị wa chire wụ ụvọ, dị wẹ̀ yị vayị ẹnịnị vụrụ-vụrụ nị. Azọkụ ẹnịnị vị ọnị ụ hyakụ tụ́ ọkẹẹkẹrẹ ana rata.

Ayịsaya 51:23

Ọnị vaa sị ako ọnọọ yị aza anaa mẹ ẹvaya yị wụ nịnị. Aza ana za wụ nịnị tana tụra ẹtẹ, dị ẹ yaa kụ ahụ hi wụ nịnị parahu anka edudu oze avọọ.

Ayịsaya 58:6

Awẹ ọnị ọnị sì yị: ẹnịnị ẹ hụrẹ aza ẹnẹ ẹ sị akụvị mẹ ẹvaya yị ụvọ. Ẹ sị ọkẹkẹrẹ hụụnị ọbẹ ẹnịnị, dị ẹ navọ wa.

Ijeremaya 30:20

Ẹnẹyịmavara kà, ọnị vaa mẹ ka ezi ẹnịnị ẹ̀ yà anka ẹ mẹ yà ịyẹẹyẹ. Ọnị vaa varẹma sị ẹkụra ẹnịnị hi ẹtẹ geri-geri. Dị ọnị sị ụya rị avaba aza ana mẹ ẹvaya (ehuna) yị wa.

Ijeremaya 50:7

Avaba aza ene ré wa vị ana kwẹẹtẹ tu wa. Ọnịvị ẹnịnị ka, ịsa tụra ịsa ọnị ẹnị ẹẹ mẹ wa booro aanị, ẹnị ẹ́ yị rị ịvị, agụvị ka Anisirẹrị nịnị ẹ mẹ̀ ebira odivi hi Ẹnẹyịmavara nị. Ẹnẹyịmavara ọnọnị ọọ̄ sị ẹngwọọrọ yị wa nị. Ọnị ohiku Anisirẹrị vịdị sị ayị tụra nị.