Ijeremaya 50:31 - IWE ỌNỊNỊ

³¹ Ọ kà, ẹwụ nịnị Anibabironi, wa raa sị ẹngụ awụ nịnị tụ ẹba baaba, agụvị avọọ, ọnị Ẹnẹyịmavara Ochẹtẹẹngụ Ochẹtẹngụ, ọ́ raa kwẹẹtẹ tu wu nịnị. Ụmẹ ọnị o i tu ka ọnị ọ̀ sị ụya rị wụ nịnị.

Ijeremaya 50:31 ပူးပေါင်းရင်းမြစ်များ

Ayịsaya 2:12

Ẹnẹyịmavara ọ nyị avaba ụkata nị. Ọ raà jị ẹkụhị ọnya tịtẹ. Ịhị ọnọọ ọ vaa za avaba aza ene ee wu ịka zị dị ọ kà wa chi, dị ọ mẹ̀ ụhị nyị wa.

Ijeremaya 21:13

Ẹnẹyịmavara kà, ọnị vaa va eyi ịrazịị ka Ijerusarẹmị enee wo oto ka, ẹnị ẹ sị ha, ẹ yị nyị ịsị ẹ kụkụ zụ kanyị ẹnị agụvị ataba ana kara ẹnị aanị.

Ijeremaya 48:29

Ẹnẹyịmavara kà Animowabi nịnị aa sị ẹngụ ẹnịnịị tụ ẹba baaba. Ọnị ộ wụ́ ẹnịnị mẹmẹ aa sị ẹngụ ẹnịnịị tụ ẹba, di eyee wùu zị. Ọnị ộ wụ́ eyi ene eyee sii ré ẹngụ ẹnịnị.

Ijeremaya 49:16

Ẹngụ awụ nịnị ọnị waa sịị tụ ẹba, ọ sị wụ nịnị vene. Ẹ yị nyị ọza ene kuku è hí angwa awụ nịnị anka ụ me rò o nịnị. Waa na ra ịnị anaha ịrẹta nịnị, ịrẹsụ ataba. Ama Ẹnẹyịmavara kà, wàa daka na ra ẹbẹẹba huu anka inomi ana aā hị́ ọkasịmẹ avọọ, ọnị vee tura wụ nịnị hụụ ịzọọ vaa nyẹtẹ nị.

Ijeremaya 50:29

Hị́ aza anaā sịị ọkịtaa kụ̀ ịrẹkụ ka ẹ̀ kwẹẹtẹ tu Anibabironi nịnị; Kàa ka ẹnịnị ẹ̀ ta kara wa, asị ẹ́ zẹẹ ka ọza ọnyọọnyị ò zwè. Sị wa ụta avaba ịsị ẹ vịdị mẹ. Mẹ wa anka ẹnị mẹ rẹ vịdị mẹ aza ana vọ, agụvị ka ẹnịnị ệ sị ẹngụ tụ ẹba, dị ẹ sị eyi wụ ọnị Ẹnẹyịmavara, Ohomorihi Anisirẹrị nịnị.

Ijeremaya 50:32

Ẹkụra awụ nịnị ana maanị aa sị ẹngụ anịị tụ ẹba aanị vaa vangga, dị ọ sẹ ẹdụ. Ẹ́ yị nyị ọza ana vaa sị ọ kwẹẹtẹ. Ọnị vaa jị ịraa dá ẹkụra-ẹkụra ene hi ịnị anị, dị ịra ọnọọ vu avaba ịsa ana kara a ẹtẹ.

Ijeremaya 51:25

Ọ kà, ẹwụ nịnị Anibabironi, vị ụ sị mẹẹ nịnị anka ataba enee du avaba ẹhẹẹ ha avọọ nị. Ama ọnị, Ẹnẹyịmavara ọ́ sị eyi ịrazị và ka wụ. Ọ kà, ọnị vaa za wụ, dị ọnị và wụ nịnị nẹtẹ saka-saka na za eteesu, dị ọnị navọ wụ nịnị tụ ịnị edudu.

Ezikẹẹrị 29:3

Ọ kà ọnị ọ̀ kà a ka ịsị, ọnị, Ẹnẹyịmavara Ochẹtẹẹngụ aa kà a yị ohinọyị Ijipiti yị ka: ẹwụ agụgụ odivi ana hụtẹtẹ tụ ini enyi ọnị ọ́ sị vara ọnịvị awụ o. Wâ kà a ka ẹwụ a nyị irehu ana aā hị́ Ịnayịrị nị. Ụ ka ẹwụ a nyị irehu ana aā hị́ Ịnayịrị nị. Ụ ka ẹwụ hyakụ mẹ̀ ẹ nị.

Ezikẹẹrị 38:3

Ọ kà ọnị ọ̀ tụ ọ ohuvọ, dị ọnị ọ̀ kà a yị ọ ka, ọnị, Ẹnẹyịmavara Ochẹtẹẹngụ vị ọnịvị anị o.

Ezikẹẹrị 39:1

Ezikẹẹrị ka, Ẹnẹyịmavara Ananyịwa ộ kà a yị ọnị ka, ọnị Ozi ọza, ọnị ọ̀ na tụ́ Ịgọgị ohuvọ, ọnị ọ̀ kà a yị Ịgọgị ana vị ohinọyị Animeseki ọnịrị Itubari ka, ọnị Ẹnẹyịmavara vị ọnịvị anị o.

Ezikẹẹrị 5:8

Ẹnẹyịmavara kà ọnịrị ẹwụ nịnị Anijerusarẹmị ọ́ raa sị eyi gẹrị ẹngụ. Ọnị vaa sị́ ụyaa rị wụ nịnị dị avaba anẹkụra ana vọ nịnị è ré e.

Ịnahụmị 2:13

Ẹnẹyịmavara Ochẹtẹẹngụ kà, ọnị ọ raà va eyi ịraazị ka Anininivẹ nịnị. Ọ kà, ọnị vaa rị ịkẹkẹ ịrẹkụ ẹnịnị ịra, dị ọnị rẹ wụ̀ avaba ọkụrẹkụ ẹnịnị ha, dị ọnị dọ wa ogu aza ẹnị ẹ kụ. Ẹnịnị ẹ yị ma vana tụ ọnụtụ ne chire aza angwa paa.

Ịnahụmị 3:5

Ẹnẹyịmavara Ochẹtẹẹngụ kà, ọnị vaa sị ụya rị Ininivẹ! Ọnị vaa tụ́ wa ahwaahụ dị anẹkụra ọzọza ee re e, dị ọnị mẹ̀ ụhị nyị wa eyi avaba ẹkụra irenyi-irenyi.

Ijemiisi 4:6

Ama ụkata oni Ohomorihi sị yị ọ banyị hu nị, agụvị ka Iwe Ohomorihi ọ́ kà a ka: Ohomorihi o yi sì aza anaā sịị ẹngụ ẹnịnịị̄ tụ́ ẹba ama ọọ̄ mẹ̀ ọyịzaa yị aza anaā kà ẹngụ ẹnịnịị chi.

1Ipita 5:5

Ẹwụ nịnị ezweyi bẹẹ, re ka waa ka ịrẹsụ hi yị azọkụ nịnị. Avaba awụ nịnị ọ̀ọ sị ụbanyị yị ẹngụ nịnị, dị ụ waa sị ịrẹsụ ọkahii mẹ awuru chire nịnị, agụvị ka Iwe Ohomorihi ộ kà a ka: Ohomorihi ó yi sì aza anaā sịị ẹngụụ tụ́ ẹba, ama ọọ̄ mẹ̀ ọyịzaa yị aza anaā kà ẹngụ ẹnịnịị chi.

Ẹtore 18:8

Agụvị avọọ, avaba ụyọrị anị vị ene vee tù ọ ẹkụhị ọnya: ụkụ vaa za a, dị ọ và ẹngụ hi, dị ụngwẹ kụ̀ ọ ẹtẹẹtẹrẹ. A vaa rị ọ ịra agụvị ka Ohomorihi Ananyị yị ana aa mẹ̀ ọkarẹyị anị, ộ nyị ụkata.