Ijeremaya 50:30 - IWE ỌNỊNỊ

³⁰ Avọọ, ọnị Ẹnẹyịmavara kà, Ezwọọmụha ẹnịnị vị ana vaa wụ̀ vàa hi ẹtẹ ịnị orere ẹnịnị, dị ee vu avaba isoja ẹnịnị ẹtẹ ịhị ọnọọ.

Ijeremaya 50:30 ပူးပေါင်းရင်းမြစ်များ

Ijeremaya 18:21

Ama booro aanị Ẹnẹyịmavara ọ̀ navọ ụngwẹ ọ̀ wụ ezi ẹnịnị và ha; ọ̀ navọ à wụ̀ wa và ha eyi ịrẹkụ. Ẹnẹyịmavara ọ̀ navọ ọ̀ jị anyẹnẹẹ ẹnịnị osoku, dị ezi ẹnịnị ẹ̀ jị wa ụvọ. Ọ̀ navọ ụkụ ọ̀ wụ ọnọrụ ẹnịnị, dị à wụ ezwọọmụha ẹnịnị và ha eyi ịrẹkụ.

Ijeremaya 48:15

Ohinọyị ana aā hị́ Ẹnẹyịmavara Ochẹtẹẹngụ ka, ẹtẹ Imowabi ọnịrị avaba ẹkụra ene hi ịnị anị vị enee vee vú ẹtẹ. Ezwọọmụha ọyịza-ọyịza ene hi ịzọọ vị ana vaa wụ̀ ha.

Ijeremaya 49:26

Ịzẹyịza, ezwọọmụha ẹnịnị vị ana vaa wụ̀ vàa hi ẹtẹ oze ene hi ẹkụra, dị e vú avaba isoja ẹnịnị ẹtẹ.

Ijeremaya 50:36

Ọnịsẹ nịnị enee che irechee yị wa vị ene vee súu ha. Ẹnịnị ẹẹ da vị ọnụra kẹnẹ. Isoja ẹnịnị vị ene vee súu ha. Ẹnịnị ee divi baaba chẹngụ.

Ijeremaya 9:21

Iswọọza ọ ra ngụ tu yị zị oze ịnị ozokete, ọ sị ngụ ịnị eehi ohinọyị nịnị. Ọ sị ezweyi wụ̀ ha utoze, ọ sị ezwọọmụha nịnị wụ̀ ha ịnị orere.

Ẹtore 19:18

Ọ kà ẹ̀ va rị uye ohinọyị nịnị ọnịrị ọga ịrẹkụ beri uye ọnụkata ọnịrị uye umaata ọnịrị aza ana tụra wa! Ẹ̀ va rị uye avaba aza nịnị, ẹ̀ẹ vị ọrịhị, ẹ̀ẹ vị ozi, ezweyi ọnịrị azọkụ!

Ẹtore 6:15

Di ohinọyị nịnị ẹnịrị azẹbanyị beri ọnyẹkẹhị nịnị ẹnịrị ọga ịrẹkụ nịnị beri aza ana nyị ụkata, beri avaba ọrịhị ẹnịrị ezi kụ́ ẹngụ ẹnịnị na tẹ̀ ịnị ụtẹha ọnịrị ịnị anaha ịrẹta ene hi ịnị ataba nị.