Ijeremaya 50:3 - IWE ỌNỊNỊ

³ Ẹkụra ọnyara ọ́ raa kụ́ ịrẹkụ hụrị eyi ẹbẹẹba e vee tu Ịbabịrọnị. Ọ vaa tụ ọ osusu. Aza ẹnịrị ịsụpa vee zwèe hụ ịzọọ. Ẹ́ ma vana nyị ọza ana vaa ra ịzọọ.

Ijeremaya 50:3 ပူးပေါင်းရင်းမြစ်များ

Oyinyima 6:7

Dị Ẹnẹyịmavara va ka, “Ọza ọnị mị tụ́ vẹ ẹhẹ aanị vị ọnị maa kụ́ụ kwooze hụụnị ẹhẹ saka-saka. Ọza, uye ịnị avị, ịsụpa ini eehi, uye eneē tura ne beri inomi ene hi ẹbẹẹba vị ọnị maa kụụ kwooze piti, ô du mị ayị ka mâ mẹ wa vẹ ẹhẹ.”

Ọyịkụra 12:12

Ọ kà ịrahụ ịhị ọnọọ gẹdẹ-gẹdẹ, ọnị vaa parahu ịnị ẹtẹ Ijipiti. Avaba ozi ọzọkụ ẹnịnị, ọ́ọza ọnịrị ịsụpa vị ọnị ọnị aa wụ. Dị ọnị mẹ̀ ọkarẹyị yị avaba ori Anijipiti. Dị ọ ka ọnị Ẹnẹyịmavara ọ ka avọọ nị.

Ayịsaya 41:25

Ẹnẹyịmavara kà ọnị ọ raà nyị̀ ọdọvịdị hụrẹ eyi ẹbẹẹba ọnịrị eyi ịzị ọyịị̄ hụrẹ vẹ ka o vị eyi ịraazị ka anẹkụra nịnị. Ọnị vaa sị ọ nyị ẹbẹẹba ohinọyị nịnị anka ọjụnọkọ nịnị mẹẹ sị ahụ pịrị ụmọpa avọọ.

Ayịsaya 45:1

Ẹnẹyịmavara ộ raà Ịsayịrọsị ka ọ vị ohinọyị. Ọ raà nyị ọ ka ọ nyị ẹbẹẹba avaba ẹkụra nịnị, dị ọ dọ wa ẹkụra ẹnịnị. Ộ tụ Ịsayịrọsị ka ọ dọ ohinọyị nịnị ụkata. Ẹnẹyịmavara kà ọnị vaa na oze ovwoovu ọbanyị ẹkụra nịnị yọ, dị ẹ yị nyị ọza ene zụ gu wa.

Ijeremaya 21:6

Ọ kà, ọnị vaa avaba aza ene hi Ijerusarẹmị; aza ẹnịrị ịsụpa vị ọnị ụkụ odivi vaa wụ̀ ha.

Ijeremaya 50:9

Ọ kà ọnị vaa na tụ ẹkụra-ẹkụra ana nyị ụkata hị́ eyi ẹbẹẹba ịrẹyị ka, ẹ̀ kụ́ ịrẹkụ ve tu Ịbabịrọnị. Ẹnịnị vee tò o tụra ẹngụ, dị ẹ kụ́ ịrẹkụ ve tu ọ. Eyi ẹbẹẹba a vaa hụrẹẹ vẹ vaa za wa nị, ọpa ẹnịnị vị ene vee ne anka aza ana yara kụ ịrẹkụ ẹtẹẹtẹrẹ, ẹnẹ ẹ yị ma jị avosusu varẹma nọ eehi avọọ.

Ijeremaya 51:11

Ẹnẹyịmavara ọ na raa hị́ ẹnị ohinọyị Animediya nịnị, agụvị ka ee si ka ọnị ò vu Ịbabịrọnị ẹtẹ. Avọọ Ẹnẹyịmavara mẹmẹ vaa mẹẹ họ̀ oponu irehi anị ọnị ẹnịnị du ha nị. Ọdọvịdị isoja anaa vẹ wa ịrẹkụ ka, ọzọza ọ sị ọpa anị dị ò nee. Ọzọza ọ̀ sị ogonto anị rị ụvọ o.

Ijeremaya 51:48

Ẹnẹyịmavara kà, aa nyị aza ana hụrị eyi ẹbẹẹba vẹ. Eyee vee du ẹtẹ Ịbabịrọnị ha. Ịjị ụvọ ẹnịnị òo ku Ịbabịrọnị, avaba ịsị ene hi ẹhẹ ọnọnị ọnịrị ẹbẹẹba vee hine ayị, dị ẹyaa jị ahẹ.

Ijeremaya 51:62

Ọ̀ọ sị ọ ka, dị ọ̀ mẹ̀ aduwa ka, Ẹnẹyịmavara, waa sị ọ ka ka, u vee vu ịzẹnị ẹtẹ, dị ẹ́ yị ma vana nyị ịsị aa tụ ụhwẹ ana ra ịnị anị ọ̀ọ vị ọza, ọ̀ọ vị ịsụpa. Ụ ka vị́ ọ vanaa sịị mẹẹ anka ịzị ọza ẹ yị ma raa avọọ pooro nị.

Ijeremaya 7:20

Avọọ, Ẹnẹyịmavara Ochẹtẹẹngụ ka, ọnị vaa sị ọyịkụ anị zụ aza ana vẹ ịnị irehi anị ọnọnị ẹtẹẹtẹrẹ ọ ka, aza ẹnịrị uye nịnị, ọchị ịnị avị nịnị ọnịrị ịsa ịnị aarẹ vị ọnị ọnị vaa mẹ ọyịkụụ yị anka ịra anaa zá dị ọza e yi zụ mi ọ avọọ.

Ijeremaya 9:10

Ẹnẹyịmavara kà ọnị vaa hụvị ataba nịnị ọnịrị ịzị ịsụpa nịnị naa rịị jị òrèrè, agụvị ka ẹ sị wụ. Ọza ẹ yị kụkụ zị avọọ para hu. Ọza ẹ yị kụkụ wụ̀ ịsụpa nịnị owu; inomi nịnị ẹnịrị uye ịnị avị ẹ kụ zwe si hu.

Ijeremaya 9:11

Ọ kà, Ijerusarẹmị vị ọnị ọnị vaa jị eburu dị ahịka irezi ịnị avị ẹ kụkụ aa ngụ ịnị anịị zị ụmẹ tụra ụmẹ nị. Ọnị vaa tụ ẹkụra ene hi Ijuda osusu, dị ẹ yị nyị ọza ana kụkụ ra ịnị anị.

Ịzẹhwanaya 1:3

Oni e hì aza ọnịrị uye beri inomi ọnịrị ivovo nịnị hụrị ẹhẹ. Ọnị vaa mẹ ka aza edivi ọnịrị aza anaa tụ ọza ẹda ka ẹ hyẹdụ. Avaba aza ọnị vee vu ẹtẹ hụrẹ ịrẹsụ ẹtẹ nị.