Ijeremaya 50:29 - IWE ỌNỊNỊ

²⁹ Hị́ aza anaā sịị ọkịtaa kụ̀ ịrẹkụ ka ẹ̀ kwẹẹtẹ tu Anibabironi nịnị; Kàa ka ẹnịnị ẹ̀ ta kara wa, asị ẹ́ zẹẹ ka ọza ọnyọọnyị ò zwè. Sị wa ụta avaba ịsị ẹ vịdị mẹ. Mẹ wa anka ẹnị mẹ rẹ vịdị mẹ aza ana vọ, agụvị ka ẹnịnị ệ sị ẹngụ tụ ẹba, dị ẹ sị eyi wụ ọnị Ẹnẹyịmavara, Ohomorihi Anisirẹrị nịnị.

Ijeremaya 50:29 ပူးပေါင်းရင်းမြစ်များ

Ọyịkụra 10:3

Di Imosiisi ọnịrị Eerọnị ne tù Ihwarawo dị ẹ ka Ẹnẹyịmavara ana vị Ohomorihi Anihiburu ka ộ yị va dọ ka ọnị aa ká ẹngụ anịị chi yị ọnị ọgọnị? Di Imosiisi nịnị ka Ẹnẹyịmavara kà ọ̀ hụrẹ aza anị ụvọ dị ẹ na, dị ẹ̀ na hẹkẹ ọnị.

Ayịsaya 37:23

Eni u ro ka ụ maanị aa kụ̀ ụhụ, dị waa sị ọ me enyinyị? Wẹ́ yị sị ụbanyị yị ẹmị Ohomorihi Anisirẹrị ẹnẹ ẹ̀ yị nyị ẹngụ anị.

Ayịsaya 47:10

Waa chamayị, di u ro ka ẹ yị nyị ịsị ẹ vaa vẹ nị. Wê ro o ka ẹ yị nyị ọza ene zụ re wu. Ịrẹyọyẹ awụ ọnịrị ịsa ọnị ụ yẹ, ẹ raà sị wụ nyeeyi. Wâ kà a ịnị ayị awụ ka, “Ẹmịị yọ, ẹ yị nyị ọza ẹnẹsa ịrẹma amị”.

Ijeremaya 25:14

Ọ kà ọnị vee si Ịbabịrọnị ụta avaba ịsị ẹ mẹ. Anẹkụra ọrụrụ-ọrụrụ ẹnịrị ohinọyị ẹbanyị-ẹbanyị vaa za wa ọrịhị.

Ijeremaya 48:26

Ọ kà à Animowabi nịnị eche, agụvị ka ẹnịnị ẹ́ raà kụ̀ hịrẹ ọnị. Ẹnẹyịmavara Animowabi nịnị vee muna ahẹrẹ ẹnịnị, dị aza ee nyị wa unyi.

Ijeremaya 49:16

Ẹngụ awụ nịnị ọnị waa sịị tụ ẹba, ọ sị wụ nịnị vene. Ẹ yị nyị ọza ene kuku è hí angwa awụ nịnị anka ụ me rò o nịnị. Waa na ra ịnị anaha ịrẹta nịnị, ịrẹsụ ataba. Ama Ẹnẹyịmavara kà, wàa daka na ra ẹbẹẹba huu anka inomi ana aā hị́ ọkasịmẹ avọọ, ọnị vee tura wụ nịnị hụụ ịzọọ vaa nyẹtẹ nị.

Ijeremaya 50:24

Ẹnẹyịmavara kà, ẹwụ nịnị Anibabironi, ịrẹpa ọnị ọnị và ee zi wu nịnị, o sị wụ nịnị za dị ụ va yẹ nịnị. Ê re wu nịnị, asị ụ nịnị za, agụvị ka waa kụ̀ hịrẹ ọnị nịnị.

Ijeremaya 50:26

Ọ kà wa zị oze ụvọnị-ụvọnị kwẹẹtẹ tu ọ nịnị. Gara oze irehi ịzị ẹ kụ ẹnya ẹnịnị tẹ hi. Gú ẹnya ẹnịnị jẹẹ, á mẹẹ gu ịsọyịrị jẹẹ avọọ, dị we du wa ha nịnị saka-saka, asị a nyị ịsị ụ vọ tịtẹ yị wa nịnị vụrụ-vụrụ.

Ijeremaya 50:32

Ẹkụra awụ nịnị ana maanị aa sị ẹngụ anịị tụ ẹba aanị vaa vangga, dị ọ sẹ ẹdụ. Ẹ́ yị nyị ọza ana vaa sị ọ kwẹẹtẹ. Ọnị vaa jị ịraa dá ẹkụra-ẹkụra ene hi ịnị anị, dị ịra ọnọọ vu avaba ịsa ana kara a ẹtẹ.

Ijeremaya 50:9

Ọ kà ọnị vaa na tụ ẹkụra-ẹkụra ana nyị ụkata hị́ eyi ẹbẹẹba ịrẹyị ka, ẹ̀ kụ́ ịrẹkụ ve tu Ịbabịrọnị. Ẹnịnị vee tò o tụra ẹngụ, dị ẹ kụ́ ịrẹkụ ve tu ọ. Eyi ẹbẹẹba a vaa hụrẹẹ vẹ vaa za wa nị, ọpa ẹnịnị vị ene vee ne anka aza ana yara kụ ịrẹkụ ẹtẹẹtẹrẹ, ẹnẹ ẹ yị ma jị avosusu varẹma nọ eehi avọọ.

Ijeremaya 51:24

Ẹnẹyịmavara kà, ọnị vee sí Ịbabịrọnị ọnịrị aza ene hi ịzọọ atọ avaba ịsị odivi ẹnẹ ẹ́ mẹ hi Anijerusarẹmị nịnị, dị u re e.

Ijeremaya 51:3

Ọ kà, asị a zẹẹ ka isoja ẹnịnị è ne ọpa vụrụ-vụrụ, asị a hyakụ zẹẹ ka ẹnịnị ẹ̀ kụ ẹnya ịrẹkụ ẹnịnị. Asị ẹ vayị ezwọọmụha ẹnịnị vụrụ. E wụ̀ avaba ọkụrẹkụ ẹnịnị và ha.

Ijeremaya 51:49

Ọ kà, aa nyị Anibabironi nịnị ẹ̀ rị ụya agụvị avaba Anisirẹrị nịnị ẹnẹ ẹ́ wụ. Anibabironi nịnị ệ mẹ ka aza ọrụrụ-ọrụrụ è sú avaba ịrẹsụ ẹtẹ.

Ijeremaya 51:56

Ẹnẹyịmavara kà ẹnịnị ệ vẹ ka ẹnị è ve vu Ịbabịrọnị ẹtẹ. Ẹ sị isoja Anibabironi nịnị za dị ọkịta ẹnịnị ku che nị. Ọ kà, ọnị ọ̀ vị Ohomorihi anaā sịị ụyaa rị aza anaa mẹ ịsị edivi nị. Ọnị ee sí Anibabironi nịnị atọ.

Arụwẹ 1:9

Ebira odivi ẹnịnị vana aza ee re chapaa, ama ẹnịnị é yi rò ịrẹyị ka sẹ vaa vị ọvavịrẹma anị kẹ. Agụvị avọọ ẹ maanị hyẹdụ divi-divi nị. Ẹ́ yị nyị ọza anaa sị wa ayị nẹtẹ vụrụ-vụrụ. Ụvọ ọnịvị ẹnịnị o ku wa, dị ẹ kụkụ e nowu ka Ẹnẹyịmavara ọ̀ vayị ẹnịnị nị.

Arụwẹ 3:64

Ẹnẹyịmavara sị ụya ịsa ẹnẹ ẹ mẹ̀ rị wa

Ịdanịyẹrị 11:36

Ohinọyị Isiriya ọnọnị vaa mẹ o me zee eyi ụmẹ ọnọọ. Dị eè wo oto ka ọnị o huna ori nịnị ọnịrị Ohomorihi ene hu kere-kere nị. Avọọ ọ mẹ vaa mẹ pooro ne tu ụmẹ ọnị Ohomorihi vaa sị sị ụya rị ọ anka ọ mẹ vịdị mẹ eto anị tịtẹ nị.

Ịdanịyẹrị 4:37

Dị ọnị kụkụ aa sị ụga ọnịrị ụbanyịị yị ohinọyị ana nyị ẹbẹẹba nị. Agụvị ka ịzẹyịza ọnịrị ịsa ana vọrọ ọọ̄ mẹ̀ nị. Ọza ẹ̀ yịị yaraa sị ẹngụ anịị tụ ẹba Ohomorihi ọ zụ và a nẹtẹ.

Ịdanịyẹrị 5:23

Ọ kà ọ raà sị ẹngụ anị tụ ẹba huni Ananyị yị ana nyị ẹbẹẹba agụvị ka ộ kụ ako ọnịrị ẹnya ana a kụ hụụnị irehi Ohomorihi dị ọnịrị ọdọvịdị ẹkụra anị nịnị, ese anị beri onyeehi anị nịnị ee sii hú eche nị. Ako ọnịrị ẹnya ẹnẹnị ẹ yee sii hú eche dị ẹ yaa ka ẹngụrẹhaa ku ori ana a sị igooru ọnịrị isiriva beri enyusẹ ana vọ ọnịrị ọchị beri ịrẹta mẹ ẹngụ nị. Ori ene è yị re ẹtẹ, ẹ yị wụ́ ịrẹyị, di ẹ̀ yị hyakụ va yẹ ịsa ọnyọọnyị. Ama ẹ yị va sị ụbanyị yị Ohomorihi ana nyị ụhwẹ ana aza aa tụ́, dị ọ rẹ nyị ụkata avaba ịsa anaā mẹ.

Ọbadaya 1:15

Ụmẹ ọnị Ẹnẹyịmavara vaa sị họ̀ oponu ịrẹsụ avaba anẹkụra ẹnẹẹ aa gụrị ẹtẹ. Avaba odivi ọnị Anedomi nịnị mẹ̀ vị ana vaa vẹ ịrẹsụ ẹnịnị.

2 Anịtẹsaronika 1:6

Ohomorihi vị anaā mẹ̀ ịsa ana vọrọ: Ọ vaa sị ụyaa rị aza ana aa sị ụyaa rị wụ nịnị.

2 Anịtẹsaronika 2:4

Ọnị ọọ̄ kụ̀ụ hịrẹ avaba ịsa ana aza aa hị́ Ohomorihi, ọnịrị avaba ịsa ana aza aa sị ụbanyịị yị. Dị ọ rẹ sị ẹngụ anị tụ́ ẹba ka ọnị ọ hyakụ huna avaba ẹnịnị nị. Ọ vá naa yaayịtẹ ini irehi Ohomorihi, dị ọ ka ọnị ọ vị Ohomorihi nị.

Ẹtore 16:6

Ệ wụ̀ aza awụ beri ọnịsẹ awụ nịnị, dị e che anya ẹnịnị sẹ́ ẹtẹ nị. Ẹwa rẹ raà sị anya yị wa ka èe hụ́ ọọ. Ịsị ẹ vọrọ tụra wa gẹdẹ-gẹdẹ ọ vị ọnọọ nị.

Ẹtore 18:6

Ọ kà, À mẹ Ịbabịrọnị anka ọ́nị mẹ̀ rẹ mẹ aza gẹdẹ-gẹdẹ; è sí ọ ụta ịsị ọ mẹ tụra-tụra. Ako ọnị ọ sị ká ẹchịpa anịị wụ nịnị, à vavọọ sị ká ẹchịpaa yọ oze ẹẹva.