Ijeremaya 50:28 - IWE ỌNỊNỊ

²⁸ Ijeremaya ka, wụ́ nịnị, aza ene zwè hụrị Ịbabịrọnị va tẹ, maa kà a, Ananyị yị Ohomorihi ayị mẹmẹ aa họ̀ oponu ịsị Anibabironi nịnị vịdị va mẹ ịnị Irehi anị.

Ijeremaya 50:28 ပူးပေါင်းရင်းမြစ်များ

Ayịsaya 48:20

Ẹ jịnẹ hụrị ẹtẹ Ịbabịrọnị, ẹẹ na hara kẹnẹ! Ẹ ka enube ayohine; dị avaba aza ẹ wụ́ ọ avaba aha tụra aha ka Ẹnẹyịmavara ọ raà dọ ozi ahụ anị Isirẹrị ha.

Ijeremaya 50:15

We nowu ịrẹkụụ kara Ịbabịrọnị nịnị. Ịbabịrọnị ọ sị dọ booro aanị. Asị ọvọ anị gara ha saka-saka. Ẹnẹyịmavara kà vị ọnị aa họ̀ oponu ịrẹsụ Anibabironi nịnị aanị nị. Agụvị avọọ ẹwụ nịnị ọnịvị ẹnịnị, waa họ̀ oponu ịrẹsụ ẹnịnị nịnị, dụ wa mẹ wa anka ẹnị mẹ rẹ vịdị aza ana vọ.

Ijeremaya 51:45

Ẹnẹyịmavara kà, ẹwụ nịnị aza anị, Anisirẹrị ò zwè hụrị Ịbabịrọnị. Ọzọza ò zwè agụvị ẹhẹ anị, agụvị ka ọyịkụ anị aa vẹ ịrịịra.

Ijeremaya 51:6

Ọ kà ọzọza ò zwè hụrị ẹtẹ Ịbabịrọnị, ọzọza ọ sị ụvọ ku ịrẹsụ oo zwè. Asị ụ zẹ ka a wụ agụvị ebira odivi ẹnịnị. Ụmẹ o si tu ka ọnị Ẹnẹyịmavara ọ̀ họ̀ oponu, ọnị vaa sị ụyaa rị wa á mẹ vọrọ.

Arụwẹ 1:10

Ọnịvị ẹnịnị ẹ raà kụ avaba ogu ẹnịnị. Ẹnịnị ê re ọnịvị ẹnịnị maa ngụ ịnị irehi Ohomorihi, ịzị Ẹnẹyịmavara kà ọọ vị aha eenyisi yị aza ẹnẹ yị vị Aniju ka ẹ̀ ngụ.

Ịdanịyẹrị 5:23

Ọ kà ọ raà sị ẹngụ anị tụ ẹba huni Ananyị yị ana nyị ẹbẹẹba agụvị ka ộ kụ ako ọnịrị ẹnya ana a kụ hụụnị irehi Ohomorihi dị ọnịrị ọdọvịdị ẹkụra anị nịnị, ese anị beri onyeehi anị nịnị ee sii hú eche nị. Ako ọnịrị ẹnya ẹnẹnị ẹ yee sii hú eche dị ẹ yaa ka ẹngụrẹhaa ku ori ana a sị igooru ọnịrị isiriva beri enyusẹ ana vọ ọnịrị ọchị beri ịrẹta mẹ ẹngụ nị. Ori ene è yị re ẹtẹ, ẹ yị wụ́ ịrẹyị, di ẹ̀ yị hyakụ va yẹ ịsa ọnyọọnyị. Ama ẹ yị va sị ụbanyị yị Ohomorihi ana nyị ụhwẹ ana aza aa tụ́, dị ọ rẹ nyị ụkata avaba ịsa anaā mẹ.

Ireevi 26:25

Ọ kà ọnị vaa kụ ịrẹkụụ tù wa, dị ọnị sị sị ụya rị wa agụvị ka ẹnịnị ẹ́ yị saasa ịrẹyị ọnị ọnịrị wa hị́ eku yị ẹngụ tụ. Ẹnịnị ẹ̀ẹ kụ ẹngụ tụ ịnị ẹkụra ẹnịnị ka à sị a nyị ịsẹ mẹ ẹnị, ọnị vaa tụ wa ụkụ ẹnẹ ẹ̀ yị ma wụ ahọ̀nọ. Ọnọọ ọ vaa mẹ ka ẹnịnị ẹ̀ hụrẹ ẹngụ ẹnịnị ụvọ yị ọnịvị ẹnịnị nị.

Iwe Ọhụhị Imosiisi ana aa hị́ Ọyịvatụrọda 32:41

ọnị e ne ụhwọ anị dị ọ za nyoonyo anka ịnyaanya avọọ, dị ọnị ọ mẹ̀ ọkarẹyị. Ọnị aa họ̀ oponu ịrẹsụ ọnịvị anị, dị ọnị sị ụya rị aza ana nyị ịhyẹrẹ anị.