Ijeremaya 50:26 - IWE ỌNỊNỊ

²⁶ Ọ kà wa zị oze ụvọnị-ụvọnị kwẹẹtẹ tu ọ nịnị. Gara oze irehi ịzị ẹ kụ ẹnya ẹnịnị tẹ hi. Gú ẹnya ẹnịnị jẹẹ, á mẹẹ gu ịsọyịrị jẹẹ avọọ, dị we du wa ha nịnị saka-saka, asị a nyị ịsị ụ vọ tịtẹ yị wa nịnị vụrụ-vụrụ.

Ijeremaya 50:26 ပူးပေါင်းရင်းမြစ်များ

Ayịsaya 10:6

ka me si tụ́ aza ẹnẹ ẹ̀ yẹ ẹmị Ohomorihi. Mâ tụ́ wa ka ẹ̀ na kụ́ ogu aza ana mẹ ayị kụ́ mị. Mị ka ẹ̀ na vara wa eteesu dị ẹ̀ẹ kụ́ ahụụ hi wa ini orere.

Ayịsaya 14:23

Ọ kà dị ọnị vara Ịbabịrọnị ụnọmị oni ogugu nịnịị̄ hi ịnị anị. Ọ kà ọnị vaa vara a ẹtẹ ene enyi jị hị́, dị ọnị maanị hì wa hụyẹ-hụyẹ na va ha.

Ayịsaya 25:10

Ẹnẹyịmavara vee sere ataba Ịzayọnị. Ama Imowabi vị ọnị ọ vaa kụ́ ahụụ hii za ẹtẹ, dị ọ mẹ̀ ụhị nyị ọ ẹtẹẹtẹrẹ.

Ayịsaya 45:3

Ọ kà ọnị vaa sị ogu yị ọ hụụnị aha ohozi ịzị ẹ tẹ̀. Ịjọnọọ ọ vaa yẹ ka ọnị ọ vị Ẹnẹyịmavara nị. Ọnị Ohomorihi Anisirẹrị ọ raà sị ịrẹha anị hị́ ọ.

Ayịsaya 5:26

Ohomorihi ộ hị́ anẹkụra huu vẹ, ô hú ohi hị́ aza ene hi ụtọ ẹhẹ vẹ. Ẹnị ẹ wụsẹ vẹ eyiha-eyiha aanị nị.

Ijeremaya 50:10

Ẹnẹyịmavara kà avọọ á mẹ vaa kụ́ Anibabironi nịnị ẹnya, dị ẹnya hụ aza ana va kụ wa ẹnya nị.

Ijeremaya 50:13

Ẹnẹyịmavara kà, agụvị ayị anaa kụ ọnị, ọza ẹ́ yị ma vanaa rá Ịbabịrọnị. Vị́ á vaa jị ọ eburuu tịtẹ nị. Avaba aza anaa zị avọọ vị ọnị ọ́ vaa zaa zizi, dị o hi wa irenu.

Ijeremaya 50:15

We nowu ịrẹkụụ kara Ịbabịrọnị nịnị. Ịbabịrọnị ọ sị dọ booro aanị. Asị ọvọ anị gara ha saka-saka. Ẹnẹyịmavara kà vị ọnị aa họ̀ oponu ịrẹsụ Anibabironi nịnị aanị nị. Agụvị avọọ ẹwụ nịnị ọnịvị ẹnịnị, waa họ̀ oponu ịrẹsụ ẹnịnị nịnị, dụ wa mẹ wa anka ẹnị mẹ rẹ vịdị aza ana vọ.

Ijeremaya 50:23

Ịbabịrọnị vị ana sị mẹẹ ịhama ana a sị gara avaba ẹhẹ ha rugurugu, booro aanị a rẹ sị ọnị gara ha. Ịsị e tu ẹkụra ọnọọ ộ zizi avaba ẹkụra-ẹkụra nịnị.

Ijeremaya 50:41

Ré, aza ẹẹ hụrị eyi ẹbẹẹba aa vẹ. Ẹkụra ọbanyị ọnya ọnịrị ohinọyị ọrụrụ-ọrụrụ hụrị aha ẹnẹẹnẹ ee tenyi ẹngụ ịrẹkụ.

Ijeremaya 51:44

Ẹnẹyịmavara kà, ọnị vaa sị ụyaa rị ori Anibabironi nịnị ana aā hị́ Ịbẹẹrị, dị ọnị mẹ ka ọ̀ hẹ̀rẹ avaba ịsa ọnị o yi. Anẹkụra-ẹkụra nịnị ẹ́ yị ma vana va mẹ̀ ẹ. Ọvọ Ịbabịrọnị o si wu o.

Ijeremaya 51:64

Dị ọ̀ kà aka, aanị ọ́ mẹ vaa yàa yị Ịbabịrọnị nị. O vee chì dị ẹ yị ma vana kwẹẹtẹ hịrẹ vẹ, agụvị ka Ẹnẹyịmavara ee vee vu ọ ẹtẹ. Ẹhwị ịrẹyị ọnị Ijeremaya ka yị o.

Imika 7:10

Ọnịvị ayị ò re e dị ahịka ụhị ọ kụkụ nyị wa nị. Aza ọnyị vị ene ee họ̀ use ka ịzị ayị ka Ohomorihi ayị ộ yà Ị ka eyee họ̀ use ka ịzị Ẹnẹyịmavara vị ana yà kẹ? Eyi ayị ẹ vaa hyẹdụ dị aa kụ́ ahụụ hi wa zẹtẹ nị Ị ka ẹnịnị vaa hyẹdụ dị ahịka vị ẹ vara eteesu nị.

Imatiwu 6:26

Wee re inomi nịnị; Ẹnịnị e yi mē chire ịsa, ẹnịnị ẹ yị mā rẹ kụ́ ịsa gụ, ẹ yị mā kụ́ ịsa hi ini oje. Ama Ada awụ nịnị ẹbẹẹba aa yịị pá wa. Aanịka we yi huna inomi nịnị?

Ẹtore 14:19

Dị anggẹẹrị sị ụhwọ anị tụ́ ịnị ẹhẹ, dị ọ há ẹtụtụ ịvayịnị nị. Dị ọ kụ́ ọọ và hi ụkọ ọbanyị ịzị a yàā kwọrọ ẹtụtụ ẹnẹẹ nị. Ọnọọ vị ana jẹẹ yị ọyịkụ Ohomorihi.

Ẹtore 19:15

Dị ụhwọ ọnya aanị ana rẹ ẹtẹẹtẹrẹ hụụnị irenu anị vẹ nị. Ọnị ọ vaa sị nyị ehuna anẹhẹ nịnị nị. Okutẹ enyusẹ-enyusẹ ọ vaa sị mẹ ịjọvaa tụra wa nị. Ọ vaa sị ahụụ kwọrọ aza ẹhịmịị há anka a mẹ̀ẹ kwọrọ asẹ ịnị ụkọ avọọ. Ọnọọ vị ana jẹẹ yị ọyịkụ Ohomorihi Ochẹtẹngụ.