Ijeremaya 50:20 - IWE ỌNỊNỊ

²⁰ Ọ kà ịjị ụmẹ ọnọọ oo tu, ọza é yi me vene re ebira odivi ọnyọọnyị ịnị ẹtẹ Isirẹrị ọnịrị ẹtẹ Ijuda, agụvị ka ọnị vagu ebira odivi avaba aza ọnị ọnị navọ tịtẹ.

Ijeremaya 50:20 ပူးပေါင်းရင်းမြစ်များ

Ahẹ Ụgama 103:12

Anka ịzị ọyị zịị hụrẹ mẹ̀ noze rịrị ịzị ọ zịị naa ngụ ẹtẹ, avọọ Ẹnẹyịmavara mẹ̀ sị ebira odivi ayị noze rịrị ẹyị nị.

Ahẹ Ụgama 17:3

We ve tù mị ịrahụ dị ụ zama mi re nị. Wâ yẹ ayị amị, wâ yẹ ka me yi sì ka ma sị irenu amị ka ịsa odivi.

Ahẹ Ụgama 85:3

Wa rẹ raà và hụụnị ayị ana vịdị nyayịnẹ aa kụ́ wụ.

Ayịsaya 1:9

À yị vị ana ahịka Ẹnẹyịmavara Ochẹtẹẹngụ ộ mẹ̀ ka à nyị aza chee ana vọ, Ijerusarẹmị vị anị a yaanị vú ẹtẹ saka-saka anka e mè vu Isodọmị ọnịrị Igomora ẹtẹ avọọ.

Ayịsaya 10:21

Ẹnịnị vị ana kụkụ vaa sị ayị tụra Ẹnẹyịmavara, ana vị Ohomorihi ọnịnị Anisirẹrị.

Ayịsaya 33:24

Nyị ọza ana ra ẹnị ẹngụ kụkụụ vanaa zị. Ebira odivi ana aza ana ra hi ịzọọ ẹ̀ẹ mẹ vị ọnị Ohomorihi vaa vagu wa ịnị anị.

Ayịsaya 43:25

Ama, ẹma vị Ohomorihi ana vagu ebira edivi ọnị ụ mẹ nịnị nị. Agụvị ọza ọnị mị vị mị maanị mẹ nị. Mi vee hí ayị ebira edivi awụ nịnị.

Ayịsaya 44:22

Ma raa kụ ebira edivi ọnị ụ mẹ nịnị kwooze anka eguhi mẹẹ hụ́ avọọ, dị mị kụ́ ịvị awụ nịnị kwooze anka uruvu anaa dàa hụụnị ịsa mee vu avọọ nị. Varẹma ká mị vẹ nịnị, agụvị ka ẹ ma dọ wụ nịnị ha nị.”

Ijeremaya 31:34

Ọ kà, ọza ẹnyị ẹ́ yị kụkụ vaa kọ ọ yị ọsa ka ọ̀ yẹ Ẹnẹyịmavara, agụvị ka avaba ẹnịnị vaa yẹ ọnị, hụụnị ozweyi ẹnịnị na ngụ ọzọkụ. Ọ kà ọnị vaa vagu avaba akụvị ẹnịnị, dị ọnị ẹ́ yị kụkụ tamayị ebira odivi ẹnịnị.

Ijeremaya 33:15

Ọ kà ụmẹ ọnọọ, ọnị vaa sị ozi Idevidi ọnyara ana vị ọnịzẹyịzaa rị ohinọyị. Ohinọyị vaa mẹ ịsị ana vọrọ dị ọ vị ịzẹyịza avaba aha ịnị ẹkụra.

Ijeremaya 33:8

Ẹnẹyịmavara kà ọnị vee nyee avaba ịvị ebira odivi ẹnẹ ẹ mẹ hi ọnị kwooze. Ọnị vaa vaa gu ịvị ẹnẹ ẹ rị agụvị ebira odivi ẹnẹ ẹ mẹ dị ẹ rẹ kụ̀ hịrẹ ọnịị yị wa.

Ijeremaya 44:14

Ọ kà ẹ́ yị nyị Anijuda ana vọ, ana va ra Ijipiti ana vaa ha. Ẹ́ yị nyị ọza ịnị ẹnịnị ana vaa vàa nọ Ijuda naa ra, ẹ̀ẹ daka ee si ka ẹnị ẹ̀ na ra ịzọọ, ẹ̀ẹ yị vị aza chee ọnị ịrẹkụ dụ hụrẹ Ijuda.

Ijeremaya 50:4

Ẹnẹyịmavara kà, ịjị ụmẹ ọnọọ oo tu, Anisirẹrị nịnị ẹnịrị Anijuda nịnị vaa jị òrèrè, dị eyee sì ọnị, Ohomorihi ẹnịnị.

Arụwẹ 4:22

Ụyọrị Anịzayọnị vaa ta. Ẹnẹyịmavara ẹ yị kụkụ vaa za ayị ku aha ịzị a za ayị ọrịhị ne hi aanị. Ama Ẹnẹyịmavara vaa sị ụya ịvị Anedomi rị wa. Ọ vaa kụ wa uruvo hi ẹhẹ dị è re ebira odivi ẹnịnị.

Ezikẹẹrị 18:22

A vaa vagu avaba ebira odivi ọnị ọ vịdị mẹẹ yọ, dị ọ yara, agụvị ịsị ana vọrọ ọnị ọ vana mẹ.

Imika 7:19

Mâ yẹ ka ụ vaa vayị ayị, dị ụ mẹ ka asị ịvị huna ayị Ụ vaa kụ́ ịvị ayị na và hị́ adagu, idi u hí ayị anị

Ịzẹhwanaya 3:12

Dị Ẹnẹyịmavara kà ọnị vaa navọ aza ana ka ẹngụ ẹnịnị chi di e zwe va rị ọnị ka ẹ̀ ra ịzọọ.

Ịzakaraya 3:9

Re, a reè tenyi ịrẹta tụ ọvịdị Ijosuwa. Ịrẹta ọnọọ ọ nyị eyi ịhịmba. Ẹnẹyịmavara Ochẹtẹẹngụ kà ọnị va chẹrẹ ịsa tụ́ ọ. Ịnị ẹkụhị ọnya ọnị vaa nyee ịvị ẹtẹ ọnọnị kwooze.

Ịrịka 23:21

Ọnị ẹ yị re odivi a vị akanya ini ẹhẹ ẹnịnị. Ẹnẹyịmavara Ohomorihi ya pe wa; ọnị ọ vị ohinọyị ẹnịnị nị.

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

Odeyi 3:26

Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”

Aniroomi 11:6

Ayamva Ohomorihi kẹnẹ, ọ sị nyị aza ẹnẹẹ nị, ayị vị agụvị ụkọrọ ụvọ ẹnịnị. Àa vị agụvị ụkọrọ ụvọ ẹnịnịị yọ, ẹ yị kụkụ vị ayamva ọnọọ yaanị vị.

Aniroomi 5:16

Oze oni Ohomorihi zịị sị ịsa yị ọza ọọhẹ, o yi véné oze ọnị ọza zị mẹ ịvị. Ọ́za ịnya mẹ̀ mẹ ịvị, dị Ohomorihi mẹ̀ ọkarẹyị yị aza ka ẹ sị ịvị rị nị. Ama aza mẹ̀ kụ ịvị irenyi-irenyi mẹ, dị Ohomorihi va sị ayamva anị va yị aza ọọhẹ, dị ọ jị ịhị yị aza kẹnẹ nị.

Aniroomi 6:13

Asị a nyị ọchẹngụ awụ nịnị ọnyọọnyị ọnị ụ zẹẹ ka wa sị na mẹ̀ ebira odivi nịnị! Ama hụrẹ ẹngụ awụ nịnị ụvọ yị Ohomorihi anka ọza anaa sị ha hụụnị isu dị ọ kụkụ yàra! Hụrẹ ọchẹngụ awụ nịnị ụvọ yọ, dị waa sịị mẹ̀ ebira ana vọrọ!

2Ipita 3:15

Yẹ nịnị ka iruvo ana Ananyị yị sị nyị isuuru ọ vị ka we re oze há nịnị nị! Avọọ gẹdẹ-gẹdẹ Ị́pọọrụ ẹnẹbẹnị ayị oni i sí ịrẹyị anị, mẹ̀ chẹrẹ iwe tụ́ hi wu nịnị nị. Ohomorihi ọ vavọọ sị ịrẹyọyẹ yọ nị.