Ijeremaya 50:2 - IWE ỌNỊNỊ

² Ọ kà, ọnị ọ̀ na ka enube ọnọnị yị ẹkụra-ẹkụra, ọnị ọ̀ nọ̀ọ enube ọnọnị o. Ọ kà ọnị ọ̀ sị asịyẹ jẹẹ dị ọnị ọ̀ nọ̀ọ enube ọnọnị. Asị ọnị sị tẹ̀ vụrụ-vụrụ. Ịbabịrọnị ọ sị sẹ ẹdụ ọ! Asị ori ẹnịnị ana aā hị́ Imaduki gara ha. Asị ụhị mẹ nyị ori Anibabironi nịnị. Asị ịsị ẹnẹ ẹ́ bẹ vene ịsị irenyi-irenyi hi ẹtẹ chaka va ha.

Ijeremaya 50:2 ပူးပေါင်းရင်းမြစ်များ

Ahẹ Ụgama 64:9

Ịjọnọọ avaba aza vee hí angwa Ohomorihi Dị ẹ yaa kà a zụ̀ aza ịsa oni Ohomorihi mẹ dị ẹ sị tụ́ ịnị ayị di e yee ro o.

Ahẹ Ụgama 96:3

Wàa yà ịnị akakana anẹhẹ waa kà ịrẹyị ụbanyị anị nịnị ọnịrị ịta mā ta pa ọnị ọọ̄ mẹ.

Ahẹ Ụgama 97:7

Avaba ọza ana aa hẹkẹ ori di e yee sii wo oto vị ọnị ụhị va nyị. Avaba ẹwụ nịnị ori òo kú ẹtẹẹ kụ́ Ẹnẹyịmavara.

Ayịsaya 12:4

Ẹkụhị aa vẹ ọnị aza vaa jị ahẹ, dị ẹ ka, “Waā kụ́ Ẹnẹyịmavara avọ. Waā hị́ ọ ka ọ̀ va gụ wụ ụvọ! Kà ẹ yị anẹhẹ ịsị ọ mẹ! Kà a yị wa ọ mẹmẹ nyị ụbanyị!

Ayịsaya 13:2

Nọ ịrẹsụ ataba ẹnẹ ẹ̀ yị nyị ọchị. Wèe tù ịzọọ dị wa kụ̀rà uyi tụ́ ẹba ka ịrẹkụ o si tù. Nowu, di we mi ụvọ hị́ isoja ka ẹ̀ ngụ tù anẹkụra ẹnẹẹ ana aā vavọọ mẹ eyi.

Ayịsaya 21:9

Ụmẹ ọnya kẹnẹ di o vene nowu dị ọ ka, “Aza ẹnẹẹ aa vẹ avọọ nọ! Ẹnịnị vị ana tụra umaata aa vẹ ẹvẹẹva!” Dị ọ rẹ ka, “Kwaa-kwaa, Anibabironi ẹ sị hyẹdụ, mị ka ẹ kụ́ hyẹdụ bemi! Avaba ori anị ana a bẹ vị ana maanị gara hi ẹtẹ.”

Ayịsaya 37:19

Ộ rị avaba ori ẹnịnị ịra va ha. Ẹ yị nyị ịsị ori anẹkụra ẹnẹẹ vị. Uyi ana aza sị ọchị ọnịrị ịrẹta mẹ̀ ẹ vị nị.

Ayịsaya 39:1

Ịnị ụmẹ ọnọnị gẹdẹ-gẹdẹ Imerodachị-Ibaradanị, ozi Ibaradanị ana vị ohinọyị Ịbabịrọnị sị wụ́ ka ẹngụ aa zị Ihezekaya nị. Agụvị avọọ ộ chẹrẹ iwe, dị ọ sị ẹyịza beri ọ tụ́ hi Ihezekaya nị.

Ayịsaya 46:1

Vị́ ori Anibabironi nịnị ta aanị nọ! Ịbẹẹrị ọnịrị Ineebo vị ori ẹnẹ ẹ vịdịị hẹkẹ, ama booro aanị e ree kune wa tụra ịkẹrịkẹtẹ nịnị. Ịsụpa ọnị ọ sị ngụ ẹngụ e kụnẹ wa tụra nị.

Ayịsaya 48:20

Ẹ jịnẹ hụrị ẹtẹ Ịbabịrọnị, ẹẹ na hara kẹnẹ! Ẹ ka enube ayohine; dị avaba aza ẹ wụ́ ọ avaba aha tụra aha ka Ẹnẹyịmavara ọ raà dọ ozi ahụ anị Isirẹrị ha.

Ayịsaya 48:6

Avaba ịsa ọnị ọ raà ka yị wa vị ana sẹ. Ẹ dọ ka ịrẹyị anị ộ gẹ ẹ. Booro aanị, ọnị vaa kà a yị wa ịsa ọwọọwa ana aa vẹ. Ịsa ana tẹ̀ ọnị ẹ yị nyị ọza ana yẹ ọ vị nị.

Ijeremaya 10:11

Kà ẹ yị wa nịnị ka, ori ẹnẹnị, ẹ yị vị ẹnị ọ mẹ ẹbẹẹba ọnịrị ẹhẹ ọnọnị. Ẹnịnị vị ene e vee vú ẹtẹ hụụnị ẹhẹ. Ọza, e me vene re wa ịnị ẹhẹ.

Ijeremaya 10:15

Ịsa kẹnẹ ẹnịnị vị nị. A sị eyi wụ̀ wa. Ịjị ụmẹ ọkarẹyị ẹnịnị oo tu, e vee vu wa ẹtẹ.

Ijeremaya 31:10

Ẹwụ nịnị anẹkụra ọ̀ wụ́ ịrẹyị Ẹnẹyịmavara dị wa nọ̀ ọ yị anẹkụra ene hi utenyi ẹnẹẹnẹ. Ẹnẹyịmavara ana gara Anisirẹrị hi rẹ vaa kụ wa gụ dị ee sere wa anka oseratẹmẹ mee sere ịsụpa anị avọọ.

Ijeremaya 4:16

Ẹnẹyịmavara kà, kà a yị Anijerusarẹmị ọnịrị avaba anẹkụra ana kara wa ka ọnịvị nịnị ẹ raa kụ ịrẹkụ aa vẹ. Ẹkụra ene noze ẹ hụrẹ aa vẹ nị. Ẹẹ hụ agụvị avaba ẹtẹ Ijuda ee nowu ịrẹkụ.

Ijeremaya 4:6

Tana ụvọ hi oze yị ka, asị a nyị ọza ana jẹẹ, ọzọza oo zwe dị ọ na tẹ̀. Ka Ẹnẹyịmavara ọ raa kụ ẹngụkata hụrị oze eyi ẹbẹẹba aa vẹ, ọnị o ve sii vu ẹkụra ẹtẹ divi-divi.

Ijeremaya 46:14

Ọnị ọ̀ na kà ịrẹyị ọnọọ ẹkụra ana aā hị́ Imigidọrị, Imemihwisi, ọnịrị Itapanihesi ịnị ẹtẹ Ijipiti. Ọ kà ọnị ọ̀ kà a ka: Ọzọza o tenyi ẹngụ, dị ọ̀ vụ̀ ịrẹvụ ka asị a nyị ịsị ẹ mẹ̀ ọnị; agụvị ka a vaa kụ ịrẹkụ vee du avaba ịsị ụ nyịị ha nịnị.

Ijeremaya 50:46

Ịjị ụvọ oo ku Anibabironi nịnị avaba ẹhẹ vee zizi aza ee me nowu. Avaba anẹkụra ana vọ vaa wụ́ owu ẹnịnị.

Ijeremaya 51:12

Hú ọpanyị ka à kụ ịrẹkụ jịnẹ ọvọ Ịbabịrọnị. Nyị aza na vaka isoja awụ nịnị, dị wa nyị aza ka ee sere ẹtẹ. Kàa ka aza ẹnyị ẹ̀ tẹ̀ ịnị avị Ẹnẹyịmavara ọ́ raa mẹ ịsị ọ ka ọnị vaa mẹ Anibabironi nịnị.

Ijeremaya 51:27

Mẹ ịsị a vaa sịị yẹ ịrẹkụ o si tu. Hú ọpanyị ịrẹkụ dị ẹkụra-ẹkụra ẹ̀ wụ ọ. Kà a ka ẹkụra-ẹkụra o tenyi ẹngụ ịrẹkụ tu Ịbabịrọnị. Hị́ ohinọyị ẹtẹ Ararati, Imini ọnịrị Asikenazi nịnị ka, ẹnịnị ẹ̀ kwẹẹtẹ tụ ọ. Nyị ọdọvịdị ana vaa kụ wa nọ ịrẹkụ ọnọọ. Ẹnẹyịmavara kà, à kụ vaa kụ wa nọ ịrẹkụ ọnọọ. Ẹnẹyịmavara kà, à kụ umaata gigirigi anka ọkọnị akụvarịvaa avọọ.

Ijeremaya 51:31

Ọnụtụ irenyi-irenyi ê zwè na kà a yị ohinọyị ka á raa zị oze eyi ẹnyị-eyi ọsa kụ ịrẹkụ ngụ ịnị ẹkụra nị ọ.

Ijeremaya 51:44

Ẹnẹyịmavara kà, ọnị vaa sị ụyaa rị ori Anibabironi nịnị ana aā hị́ Ịbẹẹrị, dị ọnị mẹ ka ọ̀ hẹ̀rẹ avaba ịsa ọnị o yi. Anẹkụra-ẹkụra nịnị ẹ́ yị ma vana va mẹ̀ ẹ. Ọvọ Ịbabịrọnị o si wu o.

Ijeremaya 51:47

Avọọ, ẹkụhị aa vẹ ọnị ọnị vaa sị ụyaa rị ori ene hi Ịbabịrọnị. Ọnị vaa mẹ̀ ụhị ẹkụra ọnọọ, dị a wụ̀ aza ene hi ịnị anị.

Ijeremaya 51:52

Avọọ, Ẹnẹyịmavara raa ka, re, ụmẹ aa vẹ ọnị ọnị vaa sị ụyaa rị ori ene hi Ịbabịrọnị, dị aza ana a tọ ụnava kụkụ è nowu ọngwọọngụ.

Ijeremaya 51:8

Ụvọ ô ku Ịbabịrọnị, asị o vú ẹtẹ. Waa jị òrèrè anị nịnị. Ne sì ahọ̀nọ va tụ ịnị ụnava anị yọ nịnị ka ẹyịyara ọ vaa vị.

Ijeremaya 52:31

Ịnị ana tụ ọ ịrayị ohurẹwụrịhịmba ana za ohinọyị Ijuda ana aā hị́ Ijehoyakimi ọrịhị, na tu ịnị ẹngwa Ịbabịrọnị, ịnị ẹkụhị ẹwụrẹva ịnị ụhwẹ ẹwụrẹva ịrayị ọnọọ, dị a sị ọnọrụ ọnya aanị ana aā hị́ Evirimerodaki rị ohinọyị Ịbabịrọnị nị. Ịnị ịrayị ọnị ọ rị ohinọyị, dị ọ vayị Ijehoyakimi, dị ọ sị ọ hụụnị ẹngwa nị.

Ijeremaya 6:18

Avọọ, ẹwụ nịnị anẹkụra ọ̀ wụ o, dị ẹwụ ịragụ ọ̀ yẹ ịsị ẹ vaa mẹẹ tu wa o.

Ịdanịyẹrị 1:2

Ananyị yị ộ hụrẹ Ijehoyakimi ụvọ yị Inebukadineza beri ẹnya ẹnyị ene hi ịnị irehi Ohomorihi. Dị ọ kụ wa na ngụ ịnị irehi ori ẹnịnị Ịbabịrọnị nị. Ô tu ịzọọ dị ọ kụ ẹnya ẹnẹẹ hi ịnị irehi ori anị nị.

Ịdanịyẹrị 3:14

Ịjị ẹ vẹ, dị ọ họ̀ wa ka, ahẹẹ, ịzẹyịza ẹnịnị wee yi ka ẹnị ẹ yị hẹkẹ ori anị, dị ẹnịnị ẹ yị rẹ vaku ẹtẹ yị uyi ọnị ọnị sị igooru mẹ jẹẹ nị?

Ịzẹhwanaya 2:11

Ẹnẹyịmavara vee chire wa angwa ẹtẹẹtẹrẹ. Di o du ori ene hi ịnị ẹtẹ ọnọọ ha. Ịjọnọọ dị anẹkụra ọzọza aa hẹkẹ Ẹnẹyịmavara ịzị ẹ̀ẹ ya.

Ẹtore 18:2

Dị ụkata-ụkata nowu tụ́ ẹba ka: Ịbabịrọnị ọ sị hyẹdụ. Echu ọnịrị ụhwẹ echu irenyi-irenyi e kuku hi ịnị anị nị. Inomi edivi irenyi-irenyi kẹnẹ e kuku hi ịzọọ nị.