Ijeremaya 50:18 - IWE ỌNỊNỊ

¹⁸ Avọọ, Ẹnẹyịmavara Ochẹtẹẹngụ ka, ọnị Ohomorihi Anisirẹrị nịnị vaa sị ụyaa rị Inebukadineza ọnịrị ẹkụra anị, anka ọnị mẹ sị ụya rị ohinọyị Asiriya.

Ijeremaya 50:18 ပူးပေါင်းရင်းမြစ်များ

Ayịsaya 10:12

Ama Ananyị yị ọnị ka ọnị ọ̀ọ sị ịsị ọnị ka ọnị aa mẹ mẹ hụrẹ ụvọ ịnị ataba ọnịrị Ijerusarẹmị, ọnị vaa sị ụyaa rị Anasiriya, agụvị irenu ẹnị ẹ vavọọ aa nyị, dị ẹ rẹ yaa mẹ eyi avọọ.

Ijeremaya 27:7

Avaba anẹkụra vị ana vaa kụụ hẹkẹ e. Ẹnịnị vaa kụụ hẹkẹ ezi anị ọnịrị aazị anị pooro nee tu ụmẹ ọnị ẹkụra anị ọnị rẹ vaa sị sẹ̀ ẹdụ. Dị anẹkụra anị ẹnị rẹ vaa kụụ hẹkẹ anẹkụra ọrụrụ-ọrụrụ ana nyị ụkata ẹtẹẹtẹrẹ ẹnịrị ohinọyị ẹbanyị-ẹbanyị nịnị.

Ijeremaya 46:10

Ajịnị vị ẹkụhị Ẹnẹyịmavara Ochẹtẹẹngụ, Ananyị avaba ọda. Ajịnị aa họ̀ oponu nị. Ajịnị aa sị ụya rị ọnịvị anị nịnị nị. Aza vị ọnị ọ́ vaa wụ̀ pooro ne tu ịjị oo si du ọ eyi, dị ọ mẹ ka eteesu ò hú ẹnịnị pooro ne tu ka asị ó kuku zụ hu. Ajịnị Ochẹtẹẹngụ aa sị azaa mẹ̀ ịsọvọ eyi ẹbẹẹba ọ̀ sị gụrị Iyuhwuretisi nị.

Ịnahụmị 3:18

Ohinọyị Asiriya, ọdọvịdị ẹkụra nịnị ọnịrị Ịgọvọnọ nịnị ẹ zị nọ iroo. Anẹkụra anị ẹ sị gara hi ịrẹsụ ataba. Ẹ sị mẹẹ anka atẹmẹ ẹnẹ ẹ yị nyị oseratẹmẹ avọọ nị.

Ịnahụmị 3:7

Dị avaba aza ene èe re e, di e yee mi ịrẹsụ kẹnẹ. Ẹ vaa kà a ka Ininivẹ ọ́ maanị jị eburu aanị nị! Ẹnẹ vaa va vayị yọ? Ẹnẹ vaa sị ayị anị nẹtẹ?

Ihabaku 2:8

Ẹnịnị vị anaā vịdị aa sị àko dọ aza ọnịrị anẹkụra ẹnya para hu, dị ẹ yaa wụ́ aza ha. Booro aanị aza ana ha hụụnị ụvọ ẹnịnị vaa vara eyii sị ụya rị wa agụvị aza ẹnẹ wụ̀ ọnịrị ezigi ẹnẹ ẹ kụ́ hi ẹtẹ.

Iwe Ọhụhị Imosiisi ana aa hị́ Ọyịvatụrọda 32:41

ọnị e ne ụhwọ anị dị ọ za nyoonyo anka ịnyaanya avọọ, dị ọnị ọ mẹ̀ ọkarẹyị. Ọnị aa họ̀ oponu ịrẹsụ ọnịvị anị, dị ọnị sị ụya rị aza ana nyị ịhyẹrẹ anị.