Ijeremaya 50:14 - IWE ỌNỊNỊ

¹⁴ Ọ kà, ẹwụ nịnị ana kụ́ ọkịta ọ tenyi ẹngụ ịrẹkụ, di wa tara kara Ịbabịrọnị nịnị. We ne avaba ọpa awụ nịnịị hi Ịbabịrọnị nịnị, agụvị ka ẹnịnị ẹ sị ebira odivi mẹ hi ọnị Ẹnẹyịmavara.

Ijeremaya 50:14 ပူးပေါင်းရင်းမြစ်များ

2 Ịsamụwẹrị 10:9

Ijowabi mè re ka a sị ịrẹkụ gu tụ́ ọvịdị ọnịrị ịrẹma anị, dị ọ tọ̀ọ́ isoja ana nyị ẹngụ ẹnịnị ini isoja Anisirẹrị dị ọ ka ẹnịrị Anarami ẹ̀ na gẹ ịrẹkụ nị.

Ahẹ Ụgama 51:4

Ohomorihi, ẹwụ nya chọ̀chọ̀chọ̀ kẹnẹ m maanị rị ịvị anị nị Ẹwụ m maanị mẹ̀ ebira odivi hi nị Ịrẹyị ọnị ụ kà ọnịrị ọkarẹyị ọnị ụ mẹ vị ana vọrọ.

Ayịsaya 13:4

Batọ wáā wụ́ aza màa kụ́ ịrẹka ịnị ataba. Ịrẹka ọnọọ ộ sị zụ̀ ka ẹnịnị ệ rụrụ ẹtẹẹtẹrẹ ana hụrẹ ẹkụra irenyi-irenyi va gụ. Ẹnẹyịmavara Ochẹtẹẹngụ aa hara isojaa gụ.

Ayịsaya 5:28

Ọpa ẹnịnị ệ rẹ, ọzọza vị ana tụra ọkịta anị. Ẹtụpa umaata ẹnịnị ộ katẹngụ hu ịrẹta. Ụkẹkẹ ịrẹkụ ẹnịnị oni umaata tụra ọnị ộ rẹ anka ahị.

Ijeremaya 46:9

Kà a ka à kụ umaata ọnịrị ụkẹkẹ ịrẹkụ hi ẹhẹ. Kụ isoja nịnị hi ẹhẹ, kụ́ Anẹkụra ana aā hị́ Isudanị ọnịrị Aniribiya ana yara kụ ịrẹkụ hi ẹhẹ. Na kụ Anẹkụra ana aā hị́ Iridiya ana yara ne ọpa ẹtẹẹtẹrẹ hi ẹhẹ nịnị.

Ijeremaya 49:14

Ijeremaya ka, ẹwụ nịnị Anedomi, ọnị ộ dọ ụtụ ọnị Ẹnẹyịmavara tụ́. Ọ raa tu ọza ka ọ̀ na kà a yị anẹkụra ẹ̀ kụ ọkụrẹkụ (isoja) ẹnịnị gụ, dị è tenyi ẹngụ di e vee pe wu nịnị kụ̀ ịrẹkụ.

Ijeremaya 49:35

Ọ kà, ọnị vaa wụ̀ avaba aza anaa sị ọkịtaa kụ̀ ịrẹkụ ana mẹ ka Anerami nịnị ẹ̀ vavọọ kata avọọ.

Ijeremaya 50:11

Ọ kà, ẹwụ nịnị Anibabironi, waa na kụ aza anị ẹnya nịnị. Waa jẹ dị wee hine ayị nịnị nị. Waa ngwọọ zịịzị nịnị anka ụnọ ana aa sịị chị́ apaapa avọọ, dị wee nowu nịnị anka umaata avọọ nị,

Ijeremaya 50:29

Hị́ aza anaā sịị ọkịtaa kụ̀ ịrẹkụ ka ẹ̀ kwẹẹtẹ tu Anibabironi nịnị; Kàa ka ẹnịnị ẹ̀ ta kara wa, asị ẹ́ zẹẹ ka ọza ọnyọọnyị ò zwè. Sị wa ụta avaba ịsị ẹ vịdị mẹ. Mẹ wa anka ẹnị mẹ rẹ vịdị mẹ aza ana vọ, agụvị ka ẹnịnị ệ sị ẹngụ tụ ẹba, dị ẹ sị eyi wụ ọnị Ẹnẹyịmavara, Ohomorihi Anisirẹrị nịnị.

Ijeremaya 50:42

Ẹnịnị ẹẹ kụ ọpa ọnịrị ọha rị ụvọ. Aza edivi ẹ́ vị̀ nị, ẹnịnị ẹ́ yị ma vayị ọza vụrụ-vụrụ. Ẹnịnị ẹ̀ẹ tụra umaata ẹnịnị aa vẹ dị ụ wụ́ wa ịrẹyị nị, vị ọ sị mẹẹ anka enyi ini òkū anaa jị ayị avọọ nị. Ẹnịnị ẹ sị ẹngụ tenyi aa vẹ wụ nịnị ịrẹkụ, ẹwụ nịnị Anibabironi.

Ijeremaya 50:7

Avaba aza ene ré wa vị ana kwẹẹtẹ tu wa. Ọnịvị ẹnịnị ka, ịsa tụra ịsa ọnị ẹnị ẹẹ mẹ wa booro aanị, ẹnị ẹ́ yị rị ịvị, agụvị ka Anisirẹrị nịnị ẹ mẹ̀ ebira odivi hi Ẹnẹyịmavara nị. Ẹnẹyịmavara ọnọnị ọọ̄ sị ẹngwọọrọ yị wa nị. Ọnị ohiku Anisirẹrị vịdị sị ayị tụra nị.

Ijeremaya 50:9

Ọ kà ọnị vaa na tụ ẹkụra-ẹkụra ana nyị ụkata hị́ eyi ẹbẹẹba ịrẹyị ka, ẹ̀ kụ́ ịrẹkụ ve tu Ịbabịrọnị. Ẹnịnị vee tò o tụra ẹngụ, dị ẹ kụ́ ịrẹkụ ve tu ọ. Eyi ẹbẹẹba a vaa hụrẹẹ vẹ vaa za wa nị, ọpa ẹnịnị vị ene vee ne anka aza ana yara kụ ịrẹkụ ẹtẹẹtẹrẹ, ẹnẹ ẹ yị ma jị avosusu varẹma nọ eehi avọọ.

Ijeremaya 51:2

Ọnị vaa tụ́ anẹkụra ọsa ka è ve vu Ịbabịrọnị ẹtẹ anka ahị mẹẹ kụ ẹchịchị avọọ. Ịhị ẹkụhị ẹngụkata ẹnịnị oo tu, ẹ vaa kwẹẹtẹ tù waa zị oze ụvọnị-ụvọnị, dị ẹ tụ́ ọ ahwaahụ.

Ijeremaya 51:27

Mẹ ịsị a vaa sịị yẹ ịrẹkụ o si tu. Hú ọpanyị ịrẹkụ dị ẹkụra-ẹkụra ẹ̀ wụ ọ. Kà a ka ẹkụra-ẹkụra o tenyi ẹngụ ịrẹkụ tu Ịbabịrọnị. Hị́ ohinọyị ẹtẹ Ararati, Imini ọnịrị Asikenazi nịnị ka, ẹnịnị ẹ̀ kwẹẹtẹ tụ ọ. Nyị ọdọvịdị ana vaa kụ wa nọ ịrẹkụ ọnọọ. Ẹnẹyịmavara kà, à kụ vaa kụ wa nọ ịrẹkụ ọnọọ. Ẹnẹyịmavara kà, à kụ umaata gigirigi anka ọkọnị akụvarịvaa avọọ.

Ijeremaya 51:3

Ọ kà, asị a zẹẹ ka isoja ẹnịnị è ne ọpa vụrụ-vụrụ, asị a hyakụ zẹẹ ka ẹnịnị ẹ̀ kụ ẹnya ịrẹkụ ẹnịnị. Asị ẹ vayị ezwọọmụha ẹnịnị vụrụ. E wụ̀ avaba ọkụrẹkụ ẹnịnị và ha.

Ihabaku 2:17

Avaba ẹngụkata ọnị ọ kụ́ tu aza vee tu ọ. Ọnị ọ sẹ́ iruku Ịrẹbanọnị va ha nị, dị ọ wụ́ uye ịnị iruku ẹnẹẹ va ha. Uye vee chire e angwa. Ẹnịnị ẹ̀ yị vaa nyị ẹngwọọrọ agụvị ẹngụkata oni e ku tu aza, dị ẹ wụ́ aza va ha, dị ẹ rẹ dụ ẹkụra ha.

Ihabaku 2:8

Ẹnịnị vị anaā vịdị aa sị àko dọ aza ọnịrị anẹkụra ẹnya para hu, dị ẹ yaa wụ́ aza ha. Booro aanị aza ana ha hụụnị ụvọ ẹnịnị vaa vara eyii sị ụya rị wa agụvị aza ẹnẹ wụ̀ ọnịrị ezigi ẹnẹ ẹ kụ́ hi ẹtẹ.

Ẹtore 17:5

Dị a chẹrẹ ịrẹha ọnya tụ́ ini ibe anị oni iruvo anị nyịnẹ ka, “Ịbabịrọnị ọbanyị, ọnyị ọsẹrẹka nịnị ọnịrị ohiku aza ene ee du ẹhẹ.”

1 Ịsamụwẹrị 17:20

Di Idevidi navọ ịsụpa anị yị ọza ịnya ka ò pe ọnị sị eyi pe wa, dị ọ kwẹẹtẹ ẹnẹnẹ viri-viri dị ọ kụ́ ẹnya anị dị aa na anka Ijeese mẹ̀ tụ́ ọ nị. Dị ọ na ịzị a sị ịsa jị, di o ne tù ka isoja nịnị ẹ kụ́ jịnẹ hi ẹhẹ, ẹ sị ẹngụ tenyi aa va naa kụ́ ịrẹkụ nị.