Ijeremaya 50:13 - IWE ỌNỊNỊ

¹³ Ẹnẹyịmavara kà, agụvị ayị anaa kụ ọnị, ọza ẹ́ yị ma vanaa rá Ịbabịrọnị. Vị́ á vaa jị ọ eburuu tịtẹ nị. Avaba aza anaa zị avọọ vị ọnị ọ́ vaa zaa zizi, dị o hi wa irenu.

Ijeremaya 50:13 ပူးပေါင်းရင်းမြစ်များ

Ijoovu 27:23

Ahị ọnọọ nyayịnẹ a tụ kukuku, dị ụkata evu ẹtẹ ee chire wa angwa dụ wa ịrẹma e mee zwe nị.

Ijeremaya 18:16

Ẹnịnị ẹ́ raa mẹ ka ẹtẹ ọnọnị oo chire ọza angwa, dị à kụkụụ sị eyi wụ ọ pooro. Ịsị ana aza anaa parahu vee re, vaa za waa zizi. O vee hi wa irenu di e yee zizi ịrẹsụ.

Ijeremaya 19:8

Ẹnẹyịmavara kà ọnị vee vú Ijerusarẹmị ẹtẹ divi-divi. Avaba aza anaa parahu vị ọnị ọ́ vaa zaa zizi óoo me hi wa irenu.

Ijeremaya 25:12

Ọ̀vavẹ ịrẹma anị, dị ọnị vaa sị ụyaa rị ohinọyị Ịbabịrọnị ọnịrị ẹkụra anị agụvị ebira odivi ẹnịnị. Ọ kà ọnị vee vu ẹkụra ọnọọ ẹtẹ dị ọnị jị ọ eburu tịtẹ pooro nị.

Ijeremaya 34:22

Ẹnẹyịmavara kà ọnị vaa mẹ ọda, dị ọnị kụ wa vavẹ Ijerusarẹmị. Ẹnịnị vee pee kụ ịrẹkụ, dị ẹkụra ene hi Ijuda ẹtẹ, dị ẹ́ yị ma vana nyị ọza ana ra ịzọọ.

Ijeremaya 49:17

Ẹnẹyịmavara kà e vee vú Edomi ẹtẹ divi-divi ana ahịka avaba aza anaa parahu dị e re e nị, ọ vaa za waa zizi, dị angwa ee hí wa.

Ijeremaya 50:3

Ẹkụra ọnyara ọ́ raa kụ́ ịrẹkụ hụrị eyi ẹbẹẹba e vee tu Ịbabịrọnị. Ọ vaa tụ ọ osusu. Aza ẹnịrị ịsụpa vee zwèe hụ ịzọọ. Ẹ́ ma vana nyị ọza ana vaa ra ịzọọ.

Ijeremaya 51:26

Ẹ yị nyị ịrẹta ikonyara ana a vaa sị hụụnị ịsị ẹẹ vọ ịnị awụ nịnị na tụra irehi. Vị́ ụ vanaa sịị mẹẹ anka ụnọmị ẹnẹ ẹ̀ yị nyị ọza pooro nị. Ọnị, Ẹnẹyịmavara ọ ka avọọ nị.

Ijeremaya 51:29

Avaba ẹhẹ aa dọ ẹgahị, dị ee henyi nị, agụvị ka Ẹnẹyịmavara ó si nyima aa tụ́ ẹtẹ Ịbabịrọnị osusu anka ọ́ mẹ ka ọnị vaa mẹẹ. Ọza ẹ́ yị ma vanaa ra ịzọọ.

Ijeremaya 51:37

Ẹtẹ Ịbabịrọnị vaa jị eburu dị ahịka uye ịnị avị ẹ kụkụ ra ịzọọ nị. Ịrẹyị anị vaa mẹ ayịị hụrị aza ịnẹ, ẹtẹẹtẹrẹ èe re e, dị ọ kụkụ aa nyị ọza ịhyẹrẹ. Ọza ẹ́ yị ma vana ra ịzọọ.

Ijeremaya 51:62

Ọ̀ọ sị ọ ka, dị ọ̀ mẹ̀ aduwa ka, Ẹnẹyịmavara, waa sị ọ ka ka, u vee vu ịzẹnị ẹtẹ, dị ẹ́ yị ma vana nyị ịsị aa tụ ụhwẹ ana ra ịnị anị ọ̀ọ vị ọza, ọ̀ọ vị ịsụpa. Ụ ka vị́ ọ vanaa sịị mẹẹ anka ịzị ọza ẹ yị ma raa avọọ pooro nị.

Ezikẹẹrị 27:36

Osohu anẹkụra ana vọ nịnị vị ene venee nohi e me re wu. Ẹ ka awụ ộ ta, pooro zịna-zịna, angwa ee hi ẹnị ka asị ẹngụ ịrẹyị awụ ọnọnị ve tu ẹnị o.

Ịzẹhwanaya 2:15

Ininivẹ ịjọnọọ wáá yị? Ẹkụra ana vịdị maanị nyị ụbanyị yịị? Dị aza anị ee wo oto ka ẹnị ẹ sị ha. Ẹkụra ọnọọ ọ va sị vara eburu ịzị uye ịnị avị nịnị kụkụ ra hi aanị nị! Aza ana aa para ịzọọ hu vi ene ee nohi, di e yee ziizi ịrẹsụ kẹnẹ.

Ịzakaraya 1:15

Ọnị nyayịnẹ ee du ayị hi anẹkụra nịnị ana vọ ene ro ka ẹnị ẹ nyị ẹngwọọrọ. Ọnị vị ana kụ́ ayị chee hi aza anị dị ẹnịnị sị ụya rị wa hu avọọ nị.

Iwe Ọhụhị Imosiisi ana aa hị́ Ọyịvatụrọda 29:22

Ezi ịrẹma awụ nịnị ọnịrị anikinami ene hi aha ene noze vee re akanya ọnịrị ụya ọnị Ẹnẹyịmavara kụ́ tu ẹtẹ awụ nịnị.