Ijeremaya 5:28 - IWE ỌNỊNỊ

²⁸ Ẹnịnị ẹ ta banyị dị ẹ ta swa nị. Ebira odivi ẹnịnị ẹ ma nyị ẹhwị. Ẹnịnị ẹ ma mẹ̀ ọkarẹyị ịzẹyịza yị ezi-oku nịnị ka ụ vị ò zee yị wa. Ẹnịnị ẹ ma mẹ ịzẹyịza hi aza anaa rị ụya.

Ijeremaya 5:28 ပူးပေါင်းရင်းမြစ်များ

Ijoovu 12:6

Anako nịnị ọnịrị aza edivi enee du Ohomorihi ayị vị ọnị ọ rọ ẹngụ. Ẹnịnị vị ene ro ka ẹnị ẹ hwọ mẹ nị.

Ahẹ Ụgama 119:70

Ayị aza ẹnẹẹ ệ katẹngụ, ẹ mā vayị ọza. Ama ọda ẹwụ vị ana nyayịnẹ zee mi eyi.

Ahẹ Ụgama 72:4

Navọ asị ohinọyị mẹ̀ ọkarẹyị akụvị yị onosiye nịnị. Navọ ahịka vị ohinọyị aa gụ oniruwa ụvọ, di ò hú anayịchama nịnị ẹtẹ nị.

Ahẹ Ụgama 73:12

Ẹhẹ aza edivi ọ vị ọnọọ nị o. Ẹnịnị ệ nyị ogu ama dị ẹ yaa hịị hàrà a hi ọ.

Ahẹ Ụgama 73:4

Ẹ yị nyị ka ẹ̀ naa hụrẹ ayị ịnẹ agụvị isu, agụvị ka ẹ yị nyị ịsị aa zị wa.

Ụhịrẹyị 15:25

Ọza anaā sịị ẹngụ tụ ẹba vị ọnị Ẹnẹyịmavara gara irehi anị, ama ogu osoku vị ọnị oō sere.

Ayịsaya 1:23

Ọdọvịdị awụ nịnị vị ana aa kụ̀ụ hịrẹ mị, dị ahịka ẹnịrị oyi aa mẹ ụmẹ nị. Ochirerenu vi eni ee hine wa, dị ẹ yaa dụ ịsa ọnị ịsa gógògò. Ozi ahụ ẹ̀ẹ za ịrẹyị nọ ini ikootu, ẹnịnị e mē tụ́ ohi. Osoku ọ̀ọ va sị ịrẹyị ne tù wa ini ikootu, ẹ yị vaa ngụ ẹngụ ịrẹyị ọnọọ.

Ijeremaya 12:1

Ijeremaya ka, Ẹnẹyịmavara, ọnị ọ̀ọ ka ọnị ee pe ewu nyị ahankata ịrẹyị anị, awụ ọ raa yịị gẹ nị. Ama ọnị aa yịị họ̀ ụ use ịrẹyị ịnị ịpa ịzẹyịza awụ. Sị ẹ vẹ dị ẹhẹ aza edivi zee yị wa? Sị ẹ vẹ dị oō zee yị aza ẹnẹ ẹ yị ma mẹ ịzẹyịza?

Ijeremaya 2:33

Waa yẹ ọbọ irenyi-irenyi o yi sì aza ọnị ụ sì ịrẹyị anị nịnị, ọsẹrẹka ene divi hu kere-kere ee tu ịdị awụ nịnị vị ẹ yaa kọsẹ nị.

Ijeremaya 22:3

Ẹnẹyịmavara kà, waa mẹ ịzẹyịza ọnịrị ịsa ana vọrọ nịnị. Ọza ana aa mẹ̀ẹ rị, dọ ọ hụrị ọza anaa mẹ̀ ẹ rị ụvọ nịnị. Asị ụ mẹ ọzọga nịnị ẹnịrị ezi oku, à vị osoku nịnị eyi ngwẹngwẹ. Asị ụ mẹ ẹvaya yị wa nịnị. Asị ụ wụ̀ aza ẹnẹ ẹ̀ yị nyị ịsị ẹ mẹ̀ ịzẹnị nịnị.

Ijeremaya 7:6

Wẹ yị kụkụ mẹ ẹvaya yị azọga nịnị, ezi-oku nịnị avị osoku nịnị, dị wẹ̀ yị kụkụ wụ̀ ọza ẹnị ẹ yị nyị ịsị ọ mẹ ịzẹnị nịnị nị; wẹ yị kụkụ na hẹkẹ ori nịnị ene vee vu u nịnị ẹtẹ.

Emọsị 4:1

Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị.

Ịzakaraya 7:10

Asị ẹ mẹ ẹvaya yị osoku a vị ozi oku ọnịrị ọzọga a vị ọnụya. Asị ẹ sị ịrẹyị odivi ọza tụ́ ịnị ayị.

1 Anịkọrịntị 5:1

Aza aa kà a ka áa nyị aza ẹnyị ịnị ẹngụ awụ nịnị ana aa mẹ ụnọ. Ikenhweri nịnị ẹ yị hyakụ nyayịnẹ vavọọ mẹ ụnọ. Ho! A ka aza ẹnyị awụ nịnị aa sị ose ada anị.

Iwe Ọhụhị Imosiisi ana aa hị́ Ọyịvatụrọda 32:15

Ẹwụ nịnị Anisirẹrị, ẹhẹ ộ sị mẹ yị wụ nịnị, dị ụ kụkụ aa mẹ̀ akamawụ hị́ Ẹnẹyịmavara, dị ụ hi ayị ọza ana tụ̀ vẹ ẹhẹ, di u yi Ẹnẹdọha ọbanyị.