Ijeremaya 5:27 - IWE ỌNỊNỊ

²⁷ Anka ozube mẹẹ hara inomi hi ịnị abọ (ajivogidi) avọọ, avọọ ẹ mẹ sị ebira odivi hara ogu hi ịnị eehi ẹnịnị, dị ẹ ta vara aza ẹbanyị nị.

Ijeremaya 5:27 ပူးပေါင်းရင်းမြစ်များ

Ijoovu 12:6

Anako nịnị ọnịrị aza edivi enee du Ohomorihi ayị vị ọnị ọ rọ ẹngụ. Ẹnịnị vị ene ro ka ẹnị ẹ hwọ mẹ nị.

Ayịsaya 3:14

Ẹnẹyịmavara o reè tenyi ẹngụ ka ọnị ọ̀ mẹ̀ ọkarẹyị yị azọkụ ọnịrị ọdọvịdị aza anị. Ọ kà ẹwụ nịnị ọ sị aza anị gara ha. Ogu ene hi ini eehi awụ nịnị vị ẹnya ọnị ụ kụ́ hụrẹ ịda onosiye nịnị.

Ijeremaya 12:1

Ijeremaya ka, Ẹnẹyịmavara, ọnị ọ̀ọ ka ọnị ee pe ewu nyị ahankata ịrẹyị anị, awụ ọ raa yịị gẹ nị. Ama ọnị aa yịị họ̀ ụ use ịrẹyị ịnị ịpa ịzẹyịza awụ. Sị ẹ vẹ dị ẹhẹ aza edivi zee yị wa? Sị ẹ vẹ dị oō zee yị aza ẹnẹ ẹ yị ma mẹ ịzẹyịza?

Ijeremaya 8:5

Ọ kà, ẹwụ nịnị aza anị, sị ẹ vẹ dị ụ nyeeyi nịnị, dị wẹ yị kụkụ và ka ọnị vẹ nịnị? Ụ ka ẹwụ nịnị yị, evene yị, we yi ka wẹ yị và ka ọnị vẹ nịnị.

Ijeremaya 9:6

Ẹnẹyịmavara kà ẹvaya vị ọnị ẹ yaa mẹẹ yị ẹngụ tụra ẹngụ tụra ẹngụ, dị ẹ vavọọ ree vene ẹngụ nị. Ẹnịnị ee yi ka ẹnị ẹ yị yẹ ọnị.

Ihoseya 12:9

Ẹnẹyịmavara kà ọnị ọ vị Ohomorihi ana kụ́ wa hụrị ẹtẹ Ijipiti nị. Ọnị vaa mẹ̀ ka ẹ rẹẹ̀ varẹma na ra ịnị ajẹngụ anka ụmẹ ana aa sị rị eche avọọ.

Imika 1:12

Aza ene hi Imaroti ee zi ka ẹnị vee re ọyịza. Dị ahịka ịrẹyị odivi Ẹnẹyịmavara kụ́ tù wa nị. Ộ kụ́ ịrẹyị odivi ngụ eehi ve tù Ijerusarẹmị.

Ịzẹhwanaya 1:9

Ịhị ọnọọ, Ẹnẹyịmavara vaa sị ụya rị aza ana aa saasa ori ọnịrị aza ana aa sị àko ọnịrị apẹ kụ́ ogu aza nee hi ịnị eehi ọga ẹnịnị.

Ẹtore 18:2

Dị ụkata-ụkata nowu tụ́ ẹba ka: Ịbabịrọnị ọ sị hyẹdụ. Echu ọnịrị ụhwẹ echu irenyi-irenyi e kuku hi ịnị anị nị. Inomi edivi irenyi-irenyi kẹnẹ e kuku hi ịzọọ nị.