Ijeremaya 5:22 - IWE ỌNỊNỊ

²² Ẹnẹyịmavara kà, wẹ yị daba hí angwa anị nịnịị? Ayị anị ẹ yị daba hụrẹ ẹwụ nịnị ịnẹẹ? Ọnị ọ sị aarẹ tẹ ẹhwị ẹtẹ yị oku ka asị ọ zụ jịnẹẹ pooro nị. Enyi ini òkū ọ zụ jị ayị dị aa da gụgụrụgụ ama ẹ yị zụ jịnẹ ẹhwị ẹtẹ ọnọọ.

Ijeremaya 5:22 ပူးပေါင်းရင်းမြစ်များ

Oyinyima 1:9

Di Ohomorihi rẹ ka enyi ene hi iruvo itu ẹ̀ kụ́ gụ hi aha ọnya di eteesu ò re oze tụ́ ẹhẹ. Dị ọ rẹ vavọọ yà nị.

1 Ohinọyị 13:28

Dị ọnịsẹ ọkụkụ ọnọọ si hu aa na, di o ne tù oku ọza Ohomorihi ọnọọ ene e tura tụ́ oze nị. Di o re ka ịkẹrịkẹtẹ ọnịrị idu jẹẹ pè oku ọnọọ nị. Idu ọ yị rị oku ọnọọ, ọ yị rẹ wụ ịkẹrịkẹtẹ ọnọọ.

Ijoovu 26:10

Ohomorihi ọ tẹ̀ ẹhwị ẹtẹ tụ ịrẹsụ oku yị ọọdụ ọnịrị ịrahụ.

Ijoovu 37:24

Agụvị avọọ avaba ọzaā hị́ angwa anị nị. Aza enee vene ẹngụ ẹnịnị ka vị ẹnị yẹ ịrẹyị nị, vị oni Ohomorihi sị eyi ịyẹyẹ re.

Ijoovu 38:8

Ene e sị oze chire oku ka asị ọ kụ ọhaara hụrẹ ụmẹ ana a sị mẹ̀ ẹ?

Ahẹ Ụgama 104:9

Wâ tẹ ẹhwị yị wa, ẹnịnị ẹ yị zụ para ịzọọ hu dị ẹ̀ na kụ́ avaba ẹhẹ.

Ahẹ Ụgama 119:120

Angwa awụ vi ene ee hí mị, dị ẹngụ amị aa dá ẹgahị agụvị ọkarẹyị ọnị ụụ̄ mẹ.

Ahẹ Ụgama 33:7

Ộ kụ́ enyi ini òkū gụ, ọgụgụrụgụ vene ataba Avaba enyi ini òkū, ọ wara gụ tụ́ aha ọnya nị.

Ahẹ Ụgama 46:3

di oku ọ̀ọ jị ayị vụụ vụ, dị avaba ataba èe zizi jigi-jigi angwa ọ yị hụ ụvị avọọ hi yi.

Ahẹ Ụgama 99:1

Ẹnẹyịmavara ọ vị ohinọyị nị. Â nyị ka angwa òo hi anẹhẹ, dị ẹ̀ẹ dá ẹgahị. Ẹnẹyịmavara vị ana yaayịtẹ ịnị akakana icherubi nịnị, dị ẹhẹ ee henyi jigi-jigi.

Ụhịrẹyị 8:29

Dị ọ mẹ ọda yị enyi ịnị oku ka asị ọ kụkụ hi ẹtẹ huna ọpa ọnị ọnị ka nị. Ộ ka eyi anị Ohomorihi ka ẹhẹ ẹtẹ nị.

Ayịsaya 50:2

Ọ kà, sị ẹ vẹ dị aza anị ẹ yị tụ ọnị ohi ịnị ụmẹ ọnị ọnị sị na ka ọnị naa dọ wa ha? Sị ẹ vẹ dị ọnị hị́ wa, dị ẹnịnị e yi tụ ohi ịrẹyị? A vị ọnị sị hịmị ọyị dọ wa haa? Ọnị ọ̀ọ ka ịrẹyị kẹnẹ enyi ịnị oku aa wụ̀ za ẹtẹ. Ọnị ọ zụ vara irehu ẹtẹ ọyịwụ̀, dị ivovo ene hi ịnị anị su va ha agụvị ka ẹ yị nyị enyi.

Ayịsaya 64:2

Ẹnịnị vaa da ẹgahị anka enyi ene sì hii ịra, dị aa há avọọ. Vẹ, wa va sị ụkata awụ zụ ọnịvị awụ nịnị, dị ụ wa mẹ ka anẹhẹ ẹẹ da ẹgahị eyi awụ.

Ayịsaya 66:5

Batọ ịrẹyị Ẹnẹyịmavara ẹwụ nịnị ene hí angwa anị: Aza awụ nịnị ana nyị ịhyẹrẹ awụ di e yi wụ tịtẹ agụvị anị vaa sị wụ nịnị mẹ enyi ini. Dị ẹ ka, Ẹnẹyịmavara ọ́ sị ụkata anị zụ dị ẹnị e re kẹ. Ama ẹnị a vaa mẹ̀ ụhị nyị nị.

Ijeremaya 10:7

È nee yị vee hí angwa ẹwụ ohinọyị avaba ẹhẹ? Vị a vọrọ ka ee hí angwa awụ nị. Ịnị avaba ọyẹrẹyị ẹhẹ ọnọnị ọnịrị avaba ohinọyị ẹnịnị ẹ yị nyị ọza anka ẹwụ.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ijeremaya 31:35

Ẹnẹyịmavara ọ mẹ ọyị ka ọ̀ vị ẹtohweyi yị ọọdụ nị, ọnị ọ mẹ ụhwẹ ọnịrị ụzọmị ka ẹẹ zẹtẹ ịrahụ nị. Ọnị ọ mẹ ka oku ọọ jị ayị dị ọọ da vụụvụ nị. Ịrẹha anị ọ rị Ẹnẹyịmavara Ochẹtẹẹngụ nị.

Ịdanịyẹrị 6:26

Ọ kà, ọnị ộ mẹ̀ ẹ ọda ka ịnị avaba anẹkụra ọnị ọnị vị ohinọyị ẹ̀ sị ụbanyị yị Ohomorihi ọnị Ịdanịyẹrị aa hẹkẹ, dị ee hí angwa anị. Agụvị ka, ọnị ọ vị Ohomorihi ana yara pooro nị. Ọnị ọ rẹ vaa mẹ ịjọva pooro nị. Ẹ yị nyị ọza ene ve zụ vú ịjọva anị ọnịrị ụkata anị ẹtẹ.

Emọsị 4:12

Ẹnẹyịmavara kà, avọọ ọnị mẹ va sị ụya rị Anisirẹrị nị. Agụvị avọọ ẹnịnị e tenyi ẹngụ zị ịsa ọnị ọnị vaa mẹ̀ wa.

Emọsị 9:6

Ẹnẹyịmavara vị ana da irehi anị tụ ẹbẹẹba dị ọ sị eteesu mẹ ohyẹtẹ anị. Ọnị o tura enyi hịrẹ hụrẹ ịnị oku, dị ọ vara eyi zụ ọ orihi hi ẹtẹ nị.

Ijona 1:16

Dị ịsa ana mẹ̀ aanị chire anụkọrọ ẹpa ọnọọ angwahi ẹtẹẹtẹrẹ, dị ẹ mẹ̀ ịsọvọ yi Ẹnẹyịmavara. Dị ẹ zẹ Ẹnẹyịmavara ịzẹzẹ ọrụrụ-ọrụrụ nị.

Ịnahụmị 1:4

Ẹnẹyịmavara ọ̀ọ mẹ̀ ọda kẹnẹ, dị avaba enyi ini irehu ọnịrị òkū nịnị wụ̀ za ẹtẹ. Avị ọnịrị ododo ene hi inozi Ịbasanị ọnịrị Ịrẹbanọnị ne beri Ataba Ịkamẹrị vị anaa wara za eteesu.

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!

Ịmaakị 4:39

Di Ijeesu kwẹẹtẹ nị, dị ọ tụ́ ahị ọnọọ Ohuvọ nị. Dị ọ kà a yị enyi ka: ọ mẹ hẹẹ! Dị ahị jẹẹ keri, dị ẹtẹ tịtẹ sii nị.

Iruuku 12:5

Maa kà a wụ nịnị ọza ana a vọrọ ka wee hí angwa anị nịnị: Wee hí angwa Ohomorihi, ana ahịka ọ̀ọ sị ọza wụ̀, dị ọ rẹ nyị ụkata ọyị sị ọọ ne ngụ ẹkụra. Mị ka wee hí angwa anị nịnị!

Iwe Ọhụhị Imosiisi ana aa hị́ Ọyịvatụrọda 28:58

Wẹ̀ẹ yị sị ịzẹyịza saasa avaba ọda ọnọnị ana chẹrẹ tụ ini iwe ọnọnị aanị, di u wẹ̀ yị sị ụbanyị yị ịrẹha Ẹnẹyịmavara Ohomorihi awụ nịnị nị, Ịrẹha anị ộ nyị ụbanyị ẹtẹẹtẹrẹ.

Ẹtore 15:4

Ananyị yị, ẹnẹ ka oni o yi vee hí angwa awụ, dị ọnị ọ̀ ga ịrẹha awụ? Ẹwụ ịnya kẹnẹ ẹ̀ yị nyị ẹngụ anị nị. Avaba anẹhẹ vaa vẹ dị ẹ va và ku ẹtẹ ọvịdị awụ, agụvị ka avaba aza ẹ sị ụkọrọ ịzẹyịza awụ re.