Ijeremaya 5:15 - IWE ỌNỊNỊ

¹⁵ Ẹwụ nịnị Anisirẹrị, Ẹnẹyịmavara ọ ra mẹ ka anẹkụra ene noze ẹ̀ kụ ịrẹkụ ve tu wu nịnị. Anẹkụra hụrị ụmọrụmọ, ana katẹngụ, dị wẹ yị wụ ẹkụra ẹnị ẹ yaa kà a vị nị.

Ijeremaya 5:15 ပူးပေါင်းရင်းမြစ်များ

Oyinyima 11:7

Ọ kà vẹ eni è chi ne tụ́ wa, dị ẹnị ẹ̀ và ẹkụra ẹnị ẹ yaa kà zị dị asị ẹ kụkụ wụ́ ịrẹyị ẹngụ.”

Ahẹ Ụgama 81:5

Ịrẹyị ọnọnị vị oni Ohomorihi jị ido anị yị Anisirẹrị ẹ́nịnị mẹ̀ na dụ Anijipiti. Yaa wụ́ ka ẹnịnị aa kà ẹkụra ọnị yẹ̀ yị yẹ.

Ayịsaya 28:11

Booro aanị, Ohomorihi vee beri aza anị kà ịrẹyị. Ọ vaa tụ́ anẹkụra ọsa ana vaa chamayị yị wa, ana va kà ẹkụra ọzọga yị wa.

Ayịsaya 29:3

Ohomorihi vaa kụ́ ịrẹkụ kwẹẹtẹ tù Anariyẹrị okiri-okiri. Avọọ o mè vee tenyi ẹngụ ịrẹkụụ kara a dị ọ rị ọ nị.

Ayịsaya 29:6

Ẹnẹyịmavara Ochẹtẹẹngụ vaa mẹ ka apaana ihinẹba ọ̀ há, di ẹtẹ ò henyi jigijigi. Ẹtẹ vaa sụ́ ịrẹyị, di opomi aa tụ́ kukuku, dị ịra aa dà kẹnẹ. Dị ọ vavọọ vẹ dị ọ va dọ wụ tụ́.

Ayịsaya 33:19

Ụ vanaa sị pa ịta nịnị nị ka â vịdị nyị azọga ọnị wẹ̀ yị wụ́ ẹkụra anị ene ee wuu hi wu nịnị.

Ayịsaya 39:3

Dị ọnịsẹ Ayịsaya ne tụ ohinọyị Ihezekaya, dị ọ họ̀ ọ ka ịzị aza ẹnẹẹ hụrẹ vẹ? Ịsị ẹ ka yọ? Dị Ihezekaya kà Ịbabịrọnị, aha ene noze ẹ hụrẹ vẹ nị.

Ayịsaya 5:26

Ohomorihi ộ hị́ anẹkụra huu vẹ, ô hú ohi hị́ aza ene hi ụtọ ẹhẹ vẹ. Ẹnị ẹ wụsẹ vẹ eyiha-eyiha aanị nị.

Ayịsaya 5:7

Anisirẹrị ọnịrị Anijuda ẹ vị ụbazị Ẹnẹyịmavara Ochẹtẹẹngụ nị. Ẹnẹyịmavara ô sì ịrẹyị ụbazị ọnọọ ẹtẹẹtẹrẹ. Ô tụra eyi ka ẹnịnị vaa mẹ̀ ebira ana vọrọ, ama dị ahịka aza kẹnẹ ẹ yaa wụụ ha nị. Ô ro ka ẹnịnị vaa mẹ̀ ebira oni oni sì, ama dị ahịka ẹngụkata ana mẹ ka aza ee nowu ẹ yaa kụ́ụ tụ́ aza nị.

Ijeremaya 1:15

Ẹnẹyịmavara kà ọnị aa hị́ avaba anẹkụra ene hi eyi ẹbẹẹba ẹnịrị ohinọyị ẹnịnị. Ohinọyị ẹnịnị vaa vẹ dị ẹ yaatụ ịnị oze ovwoovu Ijerusarẹmị, dị ẹnịị ta kara ọvọ ana jị kara a. Dị ẹ rẹ vavọọ ta kara ẹkụra ana vọ hi Ijuda bemi-bemi.

Ijeremaya 2:26

Ẹnẹyịmavara kà ụhị mee nyị oyi àa sị ọ za avọọ, avọọ ụhị mẹ vaa nyị avaba Anisirẹrị nịnị ẹnịrị ohinọyị ẹnịnị, ọdọvịdị ẹnịnị, ẹnị ohirẹsụ irehi Ohomorihi beri ẹnị ọnịsẹ ẹnịnị nị.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 4:16

Ẹnẹyịmavara kà, kà a yị Anijerusarẹmị ọnịrị avaba anẹkụra ana kara wa ka ọnịvị nịnị ẹ raa kụ ịrẹkụ aa vẹ. Ẹkụra ene noze ẹ hụrẹ aa vẹ nị. Ẹẹ hụ agụvị avaba ẹtẹ Ijuda ee nowu ịrẹkụ.

Ijeremaya 5:11

Ẹnẹyịmavara kà, Anisirẹrị ọnịrị Anijuda nịnị ẹ sị ọnị vene saka-saka.

Ijeremaya 6:22

Ẹnẹyịmavara kà, re, aza ẹ raa hụrị ẹkụra ọnya eyi ẹbẹẹba aa vẹ; Anẹkụra ana dẹngụ hụrị aha ẹnẹẹnẹ ee tenyi ẹngụ ịrẹkụ.

Ijeremaya 9:26

Anijipiti nịnị, Anijuda nịnị, Anedomi nịnị, Anaamọnị nịnị, Animowabi nịnị ẹnịrị avaba aza ana ra hi ịnị ụnọmị rọnyị-rọnyị. Ka avaba aza ẹnẹnị ẹ yị jị ụvẹvẹnẹ, dị avaba Anisirẹrị nịnị ẹnị ẹ̀ yị rẹ mẹ̀ ebira aza ana a jị ụvẹvẹnẹ nị.

Ezikẹẹrị 18:31

Sị ụvọ hụụnị ebira odivi ọnị waa mẹ nịnị, dị waa dọ ayị ọwọọwa ọnịrị ụhwẹ ọwọọwa nịnị. Ẹwụ nịnị Anisirẹrị, sị ẹ vẹ di wee sì ka we sú nịnị?

Ịdanịyẹrị 1:4

Ọ kà ọ̀ tọ̀ọ ezwọọmụha ene zoza, dị ẹ kata, ọnị ịsa ẹ yị zị. Ẹnịnị ẹ̀ vị aza ana yẹ ịrẹyị, dị ẹ rẹ yẹ ịsa, ana va zụụ mẹ ụkọrọọ yị ọnị. Dị ọ ka à kọ wa ẹkụra Anibabironi dị ẹ rẹ zụ chẹrẹ ẹ nị.

Ịdanịyẹrị 7:7

Ịrẹma ọnọọ, di oni re re uye ọhụna ka ộ va jẹẹ nị. Ọnọnị ộ nyị ụkata ẹtẹẹtẹrẹ, ọza òo re e vị ayị aa hụrẹ ẹ ịnẹ nị. Anyị anị vị ana sị mẹẹ anka enyusẹ avọọ. Ịsị ọ̀ọ za vị ọnị ọọ̄ nà aa rị chẹkẹ-chẹkẹ, dị ọ sị ahụ gara ana vọ ha nị. Ọ kà uye ọnọnị e yi vene uye ana vọ ọnị ọnị vịdị re. Ọnọnị ộ nyị ọpanyị ẹẹwụ.

Emọsị 6:14

Ẹnẹyịmavara Ohomorihi ochetẹẹngụ ka ọnị vaa kụ ịrẹkụ tu Anisirẹrị nịnị. Ọnịvị ẹnịnị va dọ wa ẹtẹ hụrẹ Irebo-Ihama ana ya eyi ẹbẹẹba huu na ngụ ịnị apasị Araba eyi ụvẹtẹ ọnịrị avaba ẹtẹ ene hi ịnị akakana.

Ihabaku 3:16

Ịjị Ihabaku wụ́ avaba ịsa ẹnẹnị, dị ayị hụrẹ ẹ ịnẹ, dị ẹgahị ngụ ọ ẹngụ nị. Di o ne ku hẹẹ ee zi ịhị Ohomorihi vaa sị ụya rị ọnịvị ẹnịnị ana kụ́ ọ ka ẹnị ụhwẹ aanị nị.

1 Anịkọrịntị 14:21

 chẹrẹẹ tụ́ ini Iwe Ohomorihi ka, “Ohomorihi ka ọnị vaa sị anẹkụra ọsa kà ịrẹyịị yị anẹkụra ọnọnị. Anẹkụra ọzọga ọ́nị vaa sị kà ịrẹyịị yị wa nị. Ọ kà ọnị ọ̀ọ vavọọ yị mẹ, aza anị ẹ yị vaa zẹẹ ka ẹnị ẹ̀ wụ́ ịrẹyị anị.”

Iwe Ọhụhị Imosiisi ana aa hị́ Ọyịvatụrọda 28:33

Ụ vaa kụ ịrụkụ nịnị ẹtẹẹtẹrẹ, ama anẹkụra ọsa ẹ vaa rị avaba ịsa ọnị ụ mẹ hụụnị aarẹ awụ nịnị. Ẹnịnị vị ana vaa mẹ ẹvayaa yị wụ nịnị, dị ẹyaa chamayịị wụ pooro.

Iwe Ọhụhị Imosiisi ana aa hị́ Ọyịvatụrọda 28:49

Ẹnẹyịmavara vaa hị́ anẹkụra ọnya hụrẹ aha ẹnẹẹnẹ vẹ, dị ẹ va eyirazị kà wụ nịnị. Anẹkụra ọnị wẹ̀ yị wụ ẹkụra ẹnịnị ẹ vị nị. Ẹ vaa ngụ wụ nịnị chire anka ọkasịmẹ mee che uye obonobono avọọ.