Ijeremaya 49:7 - IWE ỌNỊNỊ

⁷ Â nyị anẹkụra ana aā hị́ Edomi. Ịrẹyị ẹnịnị ọnị Ẹnẹyịmavara Ochẹtẹẹngụ ka yị. Ọ kà, Aanịka vị Anedomi nịnị ẹ̀ yị vị ana kụkụ nyị ịrẹyọyẹ vụrụ-vụrụ nị? Aanịka ẹ́ yị kụkụ nyị ọza ana zụ pe wa juwe ịsa vọrọ ka ẹ̀ mẹ da? Vị́ ịrẹyọyẹ wa vana tá hụụ ịzọọ nị?

Ijeremaya 49:7 ပူးပေါင်းရင်းမြစ်များ

Oyinyima 25:30

Di Iisọ ka: Ijekọvụ, ọ̀ ká ọọmẹ ovivi anị ọnọọ yị ọnị dị ọnị ọ rị ọ de, ka ụngwẹ aa vaa wụ̀ ọnị: (Iruvo ana a sịị hị́ Iisọ Edomi ọ vị ọnọọ nị.)

Oyinyima 27:41

Iisọ vị ana kụkụ nyayịnẹ aa kụ́ ayị Ijekọvụ agụvị aduwa ana ada anị mẹ yọ. Di Iisọ ka a ịnị ayị anị ka ma yẹ ka ada anị ee vee sú. Òo wusu, dị ọnị wụ Ijekọvụ ọyịnyara anị.

Oyinyima 32:3

Ịnị ụmẹ ọnọọ Ijekọvụ ộ tụ́ hi Iisọ ẹnẹbẹnị anị ana yà ịnị ẹtẹ ịnị ataba Ịsẹyị. Ịsẹyị ọnọọ vị ana yà ịnị ẹkụra Edomi.

Oyinyima 36:11

Ezi eni Eripazi ọnị rẹ ma ẹ vị Itemani, Ọma, Izehwọ, Igatami ọnịrị Ikenazi.

Oyinyima 36:15

Ịpa ịrẹsụ ana chị hụrẹ obooro Iisọ vẹ yị: Eripazi ozi Iisọ ana vị ọzọkụ ọ vị ohiku Itemani, Ọma, Izehwọ, Ikenazi,

Oyinyima 36:34

Ijowabi mè re sú di Ihusami ana vị anẹkụra Itemani ọnị rẹ rị ohinọyị tụ́ udi anị nị.

Oyinyima 36:8

Di Iisọ na ra ịnị ẹkụra ịnị ataba ana aā hị́ Ịsẹyị nị. Ịzọọ a rẹẹ̄ hị́ Edomi nị.

1 Ịtọpa 1:53

Ikenazi, Itemani, Imibiza

Ijoovu 2:11

Ijoovu ọ̀ nyị ọta ẹẹta ẹnị ịrẹha ẹnịnị rị Erihwazi ana vị Anitemani ọnịrị Ibiridadi ana vi Anisuhi ne beri Izohwa ana vi Aninaama. Ịjị ọnị ẹnịnị wụ́ ịrẹyị ene tu Ijoovu, ẹnịnị ê gẹ eyi ka ẹnị ẹ̀ va kụ ọ, dị ẹnị ẹ̀ sị ayị nẹtẹ.

Ijoovu 4:1

Erihwazi ana vị Anitemani ô tụ Ijoovu ohi ịrẹyị.

Ahẹ Ụgama 137:7

Ẹnẹyịmavara, tamayị ebira anị Anedomi mẹ ịhị ịrẹkụ va rị Anijerusarẹmị. Ẹnịnị vi ene ee nowu dị ẹ ka à maanị chaka Ijerusarẹmị za ẹtẹ nẹrẹ-nẹrẹ.

Ayịsaya 21:11

Ịrẹyị ene vee tù Anedomi yị: Ọza ịnya ộ hụrẹ Edomi vẹ dị ọ họ̀ mị dị ọ ka, “oserẹtẹ, eyi wáá vaa hụra nị̄, kà a mị de!”

Ayịsaya 29:14

Mị rẹ va naa mẹ̀ ịsa ana ahịka ô hi wa eyi. Avọọ m mẹ̀ vaa mẹ̀ ẹ tụ̀ ẹngụ tù ẹngụ nị. Aza ana ka ẹnị ệ yẹ ịrẹyị vee re ka ọnụra ẹnị vị nị. Avaba ịrẹyọyẹ ẹnị ẹ ka ẹnị ệ nyị vị ana vaa tụ́ osusu.”

Ijeremaya 12:14

Ẹnẹyịmavara kà, aa nyị ịsị ọnị aa kà ịnị ịpa aza ana ra vahụra Anisirẹrị nịnị. Ẹnịnị ẹ sị ẹtẹ ọnị ọnị sị yị aza anị, Anisirẹrị nịnị du ha. Ọ kà, ọnị vaa kụ aza edivi ẹnẹẹ hụụnị ẹkụra ẹnịnị anka á mee hu ọchị hụrị ẹtẹ avọọ, dị ọnị dọ Anijuda nịnị hụrẹ wa ụvọ.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ijeremaya 25:21

Ẹtẹ Edomi, Imowabi, ẹnịrị ezi Amọnị;

Ijeremaya 25:23

ẹtẹ Ịdẹdanị, Ịtẹma, Ibuzi ẹnịrị avaba aza anaā yẹrẹ ụtọ-ụtọ ẹyị ẹnịnị;

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 49:20

Ọ kà, agụvị avọọ, wụ ịsị ọnị rò ka ọnị vaa mẹ Anedomi nịnị ọnịrị Anẹkụra ana aā hị́ Itemani nịnị. Ezweyi ẹnịnị vị ana vaa kụụ hara ẹtẹ nee hu, dị angwa ee hí avaba aza.

Ijeremaya 8:9

Ọyẹrẹyị awụ nịnị vị ana a vaa mẹ̀ ụhị nyị. Ẹnịnị vee hi ịnị ayịhụrịnẹ ọnịrị ẹngụkata ọnị ẹnịnị ẹ̀ yị va zụụ tụụ hụụnị anị. Ẹ ka ẹnị ẹ yị dọ ịrẹyị Ẹnẹyịmavara; ịrẹyọyẹ ịsị ẹ va nyị booro aanị?

Arụwẹ 4:21

Ẹwụ nịnị Anedomi ọnịrị Anuzi waa jẹ ịrajẹ, dị waa mẹrị nịnị booro aanị. Ama yẹ́ ka ụyọrị awụ nịnị aa vẹ ịsọnsọọnị. U vee hu ụya anka eche dị aa mẹrị wụ, dị ụ tụ ẹngụ awụ ahwaahụ.

Ezikẹẹrị 32:29

Edomi ọnịrị ohinọyị anị nịnị beri ẹnị ọdọvịdị anị nịnị hi ịzọọ. Isoja ana nyị ụkata ẹtẹẹtẹrẹ ẹ vị nị, ama ẹnịrị aza ẹnẹ ẹ̀ yị yẹ Ohomorihi ana a wụ á maa kụ̀ ịrẹkụ hi ịdị aneku booro aanị.

Ịdanịyẹrị 11:41

Ọ hyakụ va kụ ịrẹkụ na ngụ ẹtẹ Isirẹrị dị ọ wụ otomiroku aza ịzọọ. Ama a vaa dọ Anedomi ọnịrị Animowabi beri Anaamọnị ana vọ hụrẹẹ ụvọ.

Ijowẹrị 3:19

Ẹkụra Ijipiti ọnịrị Edomi vaa tụ́ osusu, dị ẹ jị eburu agụvị ka ẹnịnị ệ kụ ịrẹkụ tu Anijuda, dị ẹ wụ̀ aza va ha kẹnẹ-kẹnẹ nị.

Ihabaku 3:3

Ohomorihi ọnịnị ô chi vẹ hụrẹ ịrẹsụ ataba Itemani ọnịrị ataba Ịparanị. Dị ụbanyị anị va ku ẹbẹẹba, dị avaba anẹhẹ aa ga a nị.

Iwe Ọhụhị Imosiisi ana aa hị́ Ọyịvatụrọda 23:7

A sị ụ sị eyi wụ Anedomi nịnị, agụvị ka anda awụ nịnị ẹ vị nị. Dị a sị ụ rẹ sị eyi wụ Anijipiti nịnị, agụvị ka azọga ana vịdị ra ịnị ẹtẹ ẹnịnị ụ vị nịnị nị.