Ijeremaya 49:36 - IWE ỌNỊNỊ

³⁶ Ọ kà ọnị vaa tụ́ ahị hụrị oze ẹyịna ẹbẹẹba a ku Anerami nịnị, dị ọnị gara wa hi avaba aha. Ẹ́ yị vaa nyị ẹkụra ọnị aza ana a du hụrị Erami è yi vee zwè naa ngụ.

Ijeremaya 49:36 ပူးပေါင်းရင်းမြစ်များ

Ahẹ Ụgama 147:2

Ẹnẹyịmavara aa sị Ijerusarẹmị vaa vẹ udi anị. Avaba aza ana a va kụ́ ọrịhị vị ọnị ọ vaa kụ́ụ vaa vẹ.

Ayịsaya 11:12

Ananyị yị vaa tana uyi anịị tụ́ ẹba dị ọ̀ sị zụ̀ anẹkụra ana vọ ka ọnị aa kụ́ Anisirẹrị vaa vẹ eehi. Ọ vaa kụ́ avaba Anijuda hụrẹ ịzị èe che ne hi ẹhẹ, dị ọ kụ́ wa vẹ eehi.

Ayịsaya 27:13

Ịhị ọnọọ ọpanyị ọbanyị vaa sụ́ ịrẹyị, dị aza ana a kụ́ ne hi Asiriya ọnịrị Ijipiti aa vàa vẹ eehi. Ẹ̀ẹ vẹ, dị ẹ vẹ ịnị ataba ọnịnị ana yà Ijerusarẹmị dị ẹ vaa hẹkẹ Ẹnẹyịmavara ịzọọ.

Ayịsaya 56:8

Ẹnẹyịmavara Ohomorihi ana kụ́ Anisirẹrị nịnị vavẹ eehi hụụ ịzị a za wa ọrịhị ne hi ka, ọnị vaa kụ́ aza ana vọ vee beri wa ịrẹma aza ọnị ọnị ra kụ́ vẹ aanị.”

Ijeremaya 30:17

Ẹnẹyịmavara kà ọnịvị awụ nịnị ẹẹ daka kà a ka asị Anịzayọnị du tụ ẹhẹ, ẹ́ yị nyị ọza ọnị ịrẹyị anị kụkụ jị areyi, ọnị vanaa mẹ ka ẹngụ awụ nịnị ọ̀ nịya. Ọnị vaa mẹ ka ụnava awụ nịnị ọ̀ vị.

Ijeremaya 49:32

Ọ kà, à dọ wa ịnyaakụmị ẹnịnị ọnịrị avaba ịsụpa ẹnịnị. Ọ kà avaba aza ana nyị ẹyị ọgọdọ ẹ na dà a ụtụụtọ dị ò weyi; vị ọnị vaa gara wa hi zi oze irenyi-irenyi nị. Ọnị vaa zị avaba oze kụ ẹngụkataa tụ̀ wa.

Ezikẹẹrị 5:10

Ụyọrị ọnọọ, ada rị ozi nịnị vaa wụ̀ ẹngụụ rị Ijerusarẹmị. Ẹnẹyịmavara kà ọnị vaa sị ụyaa rị wụ nịnị, dị ọnị gara aza awụ nịnị ana vẹtẹ ne hi avaba aha.

Ezikẹẹrị 5:12

Ọ kà, achẹta awụ nịnị vị ọnị ụkụ ọnịrị ụngwẹ vaa wụ̀ wụ ha. Dị aa kụ́ ịrẹkụ va wụ achẹta awụ nịnị ọsa. Achẹta awụ nịnị ana vọ vị ọnị, ọnị Ẹnẹyịmavara vaa tụ̀ ụhwọ, dị ọnị dụ wa ne hi avaba aha.

Ịdanịyẹrị 11:4

Ụmẹ ọnị ọ̀ọ maanị ta jẹẹ kẹnẹ, ịjọva anị vaa gara, dị ọ gà tụ oze ẹẹna. Ama oze ọnyara ẹ yị hyakụ ve tu ịpa evere anị ọ yị mẹ ohinọyị tụra. Ẹ yị vị ẹngụ ịjọva ọnị ọ sị ụkata mẹ avọọ a vanaa mẹ tụra wa ịrẹsụ.

Ịdanịyẹrị 8:22

Ọpanyị ẹẹna ene ve ne nyị tụ aha ene e che ikonyara hụrẹ aanị, ẹnị vị ohinọyị ẹẹna ana va naa rịị tụ́ ẹtẹ ohinọyị ịpaapa ọnọnị, ama ẹnịnị ẹ yị va nyị ụkata ọnị ọ nyị.

Ịdanịyẹrị 8:8

Dị ịdẹ ọnọnị ọnị rẹ kụkụ e wù, dị aa mẹ kàrà-kàrà zị nị. Ộ maanị ta jẹẹ kẹnẹ, dị e che e ọpanyị nị. Dị ọpanyị ẹẹna nyị dọ e ne che aanị ịrẹsụ nị. Ẹnịnị vị ana va eyi ka aha irenyi-irenyi.

Emọsị 9:9

Ọ kà ọnị vaa mẹ̀ ọda, dị ọnị ziizi Anisirẹrị nịnị beri avaba anẹkụra ana vọ anka aā mẹ sị ọbanyịsa banyị ịsa avọọ. Ẹ yị vaa nyị ọza ọyịza ikonya ene ve che ne ta.

Ịzakaraya 6:5

Dị anggẹẹrị tụ́ ohi, dị ọ ka, Ẹnị ẹyịna vị ụhwẹ ana hụrị ẹbẹẹba chi vẹ. Ẹnịnị vị ana aa jịnẹ tụ́ ẹhẹ ịrẹma ọnị ẹ raà jẹẹ ọvịdị Ẹnẹyịmavara ana nyị ẹhẹ ọnọnị.

Iwe Ọhụhị Imosiisi ana aa hị́ Ọyịvatụrọda 28:25

Ẹnẹyịmavara vaa mẹ ka ọnịvị awụ nịnị ẹ̀ nyị ẹbẹẹba awụ. Ụ vaa zi oze ọnya nọ ịrẹkụ ọnịvị awụ, ama dị ẹ dụ wụ zi oze ịhịmba. Avaba anẹhẹ vee re ịsị ẹ mẹ tù wu nịnị, dị angwa hi wa.

Iwe Ọhụhị Imosiisi ana aa hị́ Ọyịvatụrọda 28:64

Ẹnẹyịmavara vaa gara wụ nịnịị hi ịnị akakana avaba anẹkụra ana vọ hi avaba ẹhẹ. Ụ vaa yà ịzọọ dị ụ waa hẹkẹ ori ana a sị ịrẹta ọnị ọchị mẹ. Ẹ yị nyị ọza awụ nịnị, àa vị ohiku awụ nịnị ana vịdị yẹ ori ẹnẹẹ da.

Ẹtore 7:1

Ịjị ịsa ẹnẹẹ sị mẹ kwooze, di mi re anggẹẹrị ẹẹna, ẹ mẹ̀ jẹẹ eyi ẹẹna ẹnẹ ẹhẹ kụ́ ịrẹsụ gẹ nị. Dị ẹ za ahị eyi ẹẹna ẹhẹ ka asị ẹ tụ́ ku ẹhẹ, àa vị oku, àa daka vị ọchị ọnyọọnyị.