Ijeremaya 49:31 - IWE ỌNỊNỊ

³¹ Ẹnẹyịmavara kà, ọ̀ ka, à kwẹẹtẹ dị ẹnị ẹ̀ kụ́ ịrẹkụ ne tu anẹkụra ana va ẹngụ hi ẹtẹ ka ẹ yị nyị ịsị ẹ vaa mẹ aanị. Ẹkụra ẹnịnị ẹ yị nyị oze ọbanyị, ẹ yị nyị ịsị a zụ sị chire e. Ẹnịnị ẹ yị nyị ịsị e sere wa vụrụ-vụrụ.

Ijeremaya 49:31 ပူးပေါင်းရင်းမြစ်များ

Ahẹ Ụgama 123:4

O si ku ana aza ana aa mẹ eyii zi hụrẹ aa sị yịị mẹ ịyẹyẹ, di yè yi ti tụ́ ohi.

Ahẹ Ụgama 73:12

Ẹhẹ aza edivi ọ vị ọnọọ nị o. Ẹnịnị ệ nyị ogu ama dị ẹ yaa hịị hàrà a hi ọ.

Ayịsaya 32:11

Ẹwụ nịnị anẹẹ ene ro ka ẹ yị nyị ịrẹyị aanị, â nyị ka angwa òo hi wu, dị waa dá ẹgahị nịnị, o! Ngwa ịta ọvị awụ nịnị hị́ ẹtẹ dị wa sị ịta orere vụ́ nịnị.

Ayịsaya 32:9

Ẹwụ nịnị anyẹnẹẹ ene hi ẹtẹ aa mẹ ẹngwọọrọ, di u ro ka ẹ yị nyị ịrẹyị, kwẹẹtẹ wa wụ́ ịrẹyị amị nịnị.

Ayịsaya 42:11

Avaba ụnọmị ọnịrị ẹkụra ene hi ịzọọ ee gono Ohomorihi. Avaba Anikeda ee gono o. Avaba aza ana ra Isera ẹẹ jị ahẹ ịnị ayohine di ee nowu ịrajẹ ịrẹsụ ataba.

Ayịsaya 47:8

Sị ụtọ pe ẹtẹ, ẹwụ ana maanị sì ịrẹyị ẹngwọmẹ aanị. Ẹwụ ana yaatụ ka ẹ yị nyị ịsị ẹ zụ mẹ wụ aanị. Wâ kà a ka, “Ẹmịị yọ; ẹ yị ọza ẹnẹsa ịrẹma amị. Mẹ yị vaa vị osoku, ezi emi e yi vee sú”.

Ijeremaya 48:11

Ẹnẹyịmavara kà, Animowabi nịnị vị anaa mẹ ẹhẹ ẹnịnị ẹngwọọrọ-ẹngwọọrọ, ọza ẹ́ yị za wa ọrịhị nọ ẹkụra ọsa da. Ẹnịnị vị ana sị mẹ anka eche ana nẹtẹ di ọza è yi zizi ọ avọọ; ọza ẹ́ yị và a hụụnị apori ẹnyị hi ịnị ọsa da. Ẹ́ yị nyị ịsị ẹ kanyị uhine anị, vị́ ọ nyayịnẹ yị hine ẹtẹẹtẹrẹ nị.

Ezikẹẹrị 30:9

Ịhị ẹkụhị ọnọọ ó tu, dị asị Ijipiti vú ẹtẹ nị, ọnụtụ anị nịnị vaa ngụ ẹpa naa ngụ Anikusi. Ẹ vaa ha Anisudanii kwẹẹtẹ. Angwa vee hí wa, ịhị ụmẹ ọnọọ oo tu.

Ezikẹẹrị 38:11

Ụ vaa kà a ka waa kụ́ ịrẹkụ nee tu ẹkụra ẹnẹ ẹ̀ yị nyị ọza mẹ ọgụvọ yị wa. Ịzọọ vị ọnị aza ra hi ẹngwọọrọ-ẹngwọọrọ, dị ẹnịnị ẹ̀ yị hyakụ jị ọvọ kara ẹkụra ẹnịnị ọ̀ yị sere ẹngụ.

Ezikẹẹrị 39:6

Ọnị vaa jị ịraa da ẹtẹ Ịmagọgị, dị ọ vavọọ vatụra ẹkụra-ẹkụra ene hi utenyi ịzị aza rá hi ẹngwọọrọ. Avaba aza vaa yẹ́ ka ọnị ọ vị Ẹnẹyịmavara nị.

Imika 7:14

Ẹnẹ yị mā vara o, si okutẹ awụ we sii sere aza awụ. Aza ẹnẹẹ vị ogu awụ, dị ẹ ra ịnị ọpaapara nị. Dị ẹ vavọọ hi ịzọọ, â nyị ẹtẹ ozoza kara wa; kụ́ wa nọ ịnị ẹtẹ Ịbasanị ọnịrị ẹtẹ Anigiriyadi Ẹnịnị mẹ̀ vịdị ra ịzọọ, ẹtẹ ọnọọ ô zoza yị wa.

Ịnahụmị 1:12

Ama dị Ẹnẹyịmavara kà, ịzị ẹ̀ daka nyị ụkata na za, dị ẹ rụrụ nee tu, ọnị e vu wa ẹtẹ, dị ayị ẹnịnị hi. Ọnị ộ vịdị sị ụya rị Anijuda ama ọnị ọ yị kụkụ vaa sị ụya rị wa.

Ịzẹhwanaya 2:15

Ininivẹ ịjọnọọ wáá yị? Ẹkụra ana vịdị maanị nyị ụbanyị yịị? Dị aza anị ee wo oto ka ẹnị ẹ sị ha. Ẹkụra ọnọọ ọ va sị vara eburu ịzị uye ịnị avị nịnị kụkụ ra hi aanị nị! Aza ana aa para ịzọọ hu vi ene ee nohi, di e yee ziizi ịrẹsụ kẹnẹ.

Ịrịka 23:9

Ọnị ee re wa hụrị ịrẹsụ ataba, ẹnịrị aza ẹ yị vahụra. Ẹẹ jẹẹ te yị ẹngụ ẹnịnị nị.

Iwe Ọhụhị Imosiisi ana aa hị́ Ọyịvatụrọda 33:28

Avọọ Anisirẹrị nịnị ra ịnị ẹngwọọrọ, dị akụ ọnịrị eche ẹnịnị nyayịnẹ mẹ̀ yị wa nị. Avọọ ihinẹba mẹ̀ zụ orihi yị wa nị.